Aetas Karoli Romanorum et Bohemiae regis. 1349 Febr. 117
kungreich ze Arelat, mit den erwirdigen fursten und herren, hern Walram erez-
bischof ze Coln, hern Gerlach erczbischof ze Mencz und den hochgebornen fursten,
hern Johansen seliger gedechtnuzż ettwenn kunge ze Beheim, hern Rudolphe her-
czogen ze Sachsen und hern Woldmar marggraven ze Brandemburch und zu Lands-
perg, unserm lieben oheim, den allirdurehleuchtigsten fursten, unsern genedigen
herren hern Karl Romischen kung ze allen zeiten merer des reichs und kung ze
Beheim, ze Romischem kunge recht und redlich und eynmiticlichen irwelt und ir-
koren haben, dorumb verbinden wir uns, unsir erben und nochkomen, fursten
ze Anhalt und graven ze Aschanie, mit dem vorgenanten hern Baldewin erezbischof
10 ze Trier und seinen nochkomen, erczbischoven ze Trier, als mit eynem kürfursten
des heiligen Romischen reichs und mit dem vorgenantem unserm herren, hern Karl
Romischem kunge und kunge ze Beheim, als mit eynem kunge ze Beheim und kůr-
fursten des reichs, und mit den egenanten erwirdigen und hochgebornen kürfürsten
und herren, geistlichen und wertlichen, und mit allen andern fürsten, graven, freyen
15 herren und steten, di dem vorgenantem unserm herren dem Romischen kunge ge-
horsam und undirtenyg sein und di in dem selben verbuntnuzz sten und bleiben
wollen, und geloben mit guten trewen an eydes stat on geverd, das wir mit dem
vorgenanten fursten und si mit uns dem vorgenanten unserm herren, dem Romi-
schen kunge und unsir yclichir dem andern, umb des vorgenanten Romischen reichs
20 und unsir kurfurstlichen recht, ere und wirde ze beherten und ze behalden, beholfen
und beraten sein wellen mit leib und mit gut und mit allir macht widir allirmenn-
gleich und sundirlichen widir graven Gunther von Schwarczburch, der sich des reichs
vrevellichen und ze unrecht widir unsirn herren den vorgenanten und widir den
stul zu Rome, widir unsir und des reichs recht angenomen hat und annymet, und
25 widir alle sein helfer und gunner, di er hat odir noch gewynnen mak, unsir herre,
her Karl der Romische kung sei lebende odir tod, wann wir des billich und ze recht
ze tun pflichtig sein, also und wir der stymmen und der kur, di eyn marggrave ze
Brandemburch hat an der wal eyns Romischen kunges von gnaden des allirdurch-
leuchtigsten fursten und unsirs genedigen herren, hern Karls Romischen kunges
30 und kunges ze Beheim des vorgenanten, der uns damit belehent hat, von rechtem,
ordenlichem anevalle wartende sein noch tode des hochgebornen fursten und herren,
hern Woldmar marggraven ze Brandemburch und ze Landsperg, unsirs lieben oheim,
den got geruche zu behüten. Und bynamen geloben wir efc." Mit urchund dicz
briefs, der versigilt ist mit unserm, des vorgenanten graven Albrechts ingesigil. Und
35 wir Woldmar furste ze Anhalt der egenante, wann wir ingesigils ze disem mal
nicht enhaben, so verjehe wir alle dise vorgenante rede undir dem ingesigil graven
Albrechts, unsirs brudirs des vorgenanten.
Or
a) ut supra in numero 98 inmediate praecedenti cum lectionibus variis, ibidem in notis o, B, y
(p. 115) subiunctis A.
