260 Archivum coronae regni Bohemiae II Nv. 216-—217.
fürsten Fridreichen und Balthasarr, marggraven ze Meichsen, unsern lieben ôheimen,
und hat uns zü in ze borgen gesetzet die nahgeschriben sein getrewen, die edeln
manne Reichharden herren ze der Dame, Johannen herren ze Kotbus, Otten von
Ylburg herren ze Sunnenwalde, Otten Wenden herren ze Ylburg und die vesten
ritter Fridrichen von Lochen, Thiderichen von Zigkow, Tzaschla von Schônenvelt,
Heinrich von Kókeritz, Niclas von Kókeritz und Marquarden Lotterbecken, daz
er ze hant darnah mit seinen egenanten borgen und die borgen mit im einreiten
sol gen Dresden oder gen Meichsen und do ein rehtt ynleger leisten und tün als
lang, biz daz si uns, .. unsern rehten erben und .. den marggrafen von Meichsen
zü unserr hant das vorgenant gelt mit bereitem gelde oder mit den pfanden, als
vorgeschriben ist, in der stet eine ze Dresden oder ze Meichsen gentzleichen be-
zalen und vorrichten. Waer aber, daz unser vetter hertzog Rüpreht der jünger, der
gevangen ist, ee unser brudere das vorgenante gelt uns, unsern erben und .. den
marggrafen ze Meichsen, unsern Óheimen, zü unserr hant bezalten, in der vanch-
nüzz sturb, des got nicht enwelle, oder aus der vanchnüzz kôm oder mit welhen
sachen er ane gelt ledig wurde und lôs, so sullen si sechs tausent marck lôtigs
silbers ynne behalten und sullen uns und .. unsern rehten erben oder zi unserr
hant unsern lieben Óheimen, .. den marggraven ze Meichsen, sehs tausent mark
lôtigs silbers auf die vorgenant tag mit bereitem gelde oder aber mit den pfanden,
als vor geschriben stet, in der vorgenanten stet eine gentzlichen bezalen und ver-
richten; taeten si des niht, so sol die manschaft und das lant ze Lusitzz, Luckow
haus und stat und auch Ubigow für das gelt geleicher weise uns, als vor, für die
zehene tausent marck sein gebunden. Waer auch, daz wir oder unser rehtt erben
von iren wegen ane geverde an der vorgenanten manschaft, an dem lande ze Lusitzz
an dem haus und stat ze Luckow und Ubigow gehindert wurden und sich die wider
uns setzen wolten, daz wir und unser rehtt erben die vorgenanten stick nicht ver-
setzen móhten, als vor geschriben stet, so gelobt uns unser bruder .. der Romer
mit seinen bürgen und getrewen ze hant in der vorgenanten stet einiu ein ze reiten
und do uns, .. unsern rehten erben und unsern obgenanten Óheimen, .. den marg-
grafen ze Meichsen, zü unserr hant ein rehtt ynleger ze leisten als lang, daz si die
obgesprochen sehs tausent mark, als vor stet geschriben, in der egenanten stet einiu
auf die vorgenant tage bezalt haben und gentzleichen verrichtt mit beraitem gelt
oder mit den pfanden, als vor geschriben stet, Waer auch, daz unser bruder .. der
Rómer in der zeit, ee daz si das obgenant gelt beraitten und verrichten, abgieng,
des got nicht enwelle, sullen sein vorgeschriben bürgen der obgenanten bürgschaft
und gelübde umb die schuld und gelt, das oben benennet ist, ledig sein und lós
gar und gentzlichen und sullen danne mit iren trewen und mit der manschaft uns
und .. unsern erben gebunden? und undertenig sein mit den landen ze Lusitzz, als
vor. Waer auch, daz irr egenanten burgen einer oder mer stürben in der frist, ee
4) gebunden sequitur A.
20
30
40
