— 250 —
v manstvie, a puojéil také jmenovanému kniežeti Henrychovi kniežetství
Olsniekóho, jestliże by bez dèdicuov Kunrat, knieże Olsnické, ssel. 1344.
Wir Heinreich v. G. gn. herczog zu Slezie, herre zu
Glogow und zu Sagan, veriehen und bekennen etc, daz wir
mit bedachtem muet, mit guetem rat und willen aller unserr
vreunde, willichlich und unbetwungen, haben von dem hogeborn
mechtigen fursten, hern Johannes, chunig du Behem, grafen
zu Lucemburc, obristen fursten in Slezie und herren zu
Breezlab, unserm rechten lehenherren, alle vnser lande und
Glogow halbe und was darzu gehort, da wir recht zu haben,
mit irn weipilden und grenicen, als di unser vater zu sel. bed.
hat an uns bracht, mit purgen, vesten, steten, leuten und
guet und mit allen den rechten, di wir dar inne haben,
heut an diesem tag fur uns und unser erben und nachkliomen
mit rechter cier und gewonhait zu rechtem lehen und zu
manschaft enpfangen.
Auch hat der selbe unser herre, der chunig, durch
besunder gnaden und gunst, di er zu uns hat, uns und
unsern erben alle unsere vetern, herzog Conrades von der
Olsniez und herzog Hannus von der Styna Lande, ob sie an
erben verschaiden, verlihen. |
Und haben wir für uns und unser erben und nachkhomen
gelobt und verheizzen an aidesstat mit gueten trwn, an alle
arglist, im und seinen erben und nachkhomen, chunigen zu
Behem, mit den vorgenanten landen allen, di wir nu haben
oder hernach gewinnen, di zu lehen gen von dem chunicreich
zu Behem, getrwlich warten, dienen und tuen an allen irn nôten,
nach gewonhait der lande und als ein belehenter furste und man
seinem rechten herren warten, dienen und tuen zu rechte sol.
So sollen auch der vorgenant unser herre, seine erben
und nachkhomen, chunig zu B. uns und alle unser erben und
nachkomen vertaidingen, beschermen und auch behelfen an
allen unsern nóten, als ein herre seinen man zu recht sol
vertaidingen und behelfen gegen allermenlich, zu allen
unsern rechten.
So sullen auch des vorgenant unser herre, sein erben
und nachkhomen, chunig von B., nach unsern und unser vor-
