— 135 —
Poloniae et aliarum terrarum in eisdem literis suis expressarum,
excellenti principi, domino Cazimiro, per praedictam gratiam
regi dieti regni Poloniae, similiter fratri nostro, per eundem
dominum regem Boemiae et filios eius facta, ad nostras manus
tanquam hominis communis et quem prout filium eius assum-
serat, assignauit, ideo nos eidem domino regi Boemiae, fratri
nostro et filiis eius, promittimus firmiter et sincere, quatenus
si dietus dominus Casimirus, rex Poloniae, in festo paschae
Domini proxime nune venturo, sex millia marcarum eo modo,
quo debet, eidem domino regi Boemiae vel filis eius non
soluerit aut conditiones seu obligationes pro ipsa solutione
factas et firmationes in specialibus literis contentas et ex-
pressas non fecerit nec compleuerit, ex tunc nos vel filii
nostri eidem domino regi Boemiae vel filiis eius aut dictas
literas in specie restituemus aut ad soluendum praedicta sex
millia marcarum sexagenarum erimus obligati.
In cuius promissionis testimonium praesentes sigillo nostro
authentico fecimus communiri.
Datum in alto castro Wisegrado in festo beatae Elisabeth
a. D. 1335.
(Ludewig Reliquiae V. — Chyt. VII. 92, — Emi, IV. 224.)
120. Kazimirus Poloniae rex rogat Joannem Boemiae
regem, ut terram Dobrinensem restituat Wladislao duci.
1335, 23. Nov. (Wissegrad Ung.).
(Arch. S. Wene, — Eml, IV. 227.)
121. Joannes rex civitatem et castrum Pyrnis
denuo in feudum recipit ab ecclesia Misnensi.
1336, 27. Januar.
Receptio civitatis et castri Pyrnis facta est tali modo: Hex
Joannes, cum nonnullorum fide dignorum testimonio plenam acceperat
notitiam, quod civitas et castrum Pyrnis ab antiquo spectarent in feodum
ad ecclesiam Misnensem, ipsam civitatem cum castro d. Witkoni episcopo
Misnensi nomine ipsius ecclesiae libere restituit. Idemque episcopus
,dictam suam ecclesiam cupiens tanto decorare propugnatore, rege
Boemiae, conditionemque ipsius ecclesiae de bono in melius reddere
