— 128 —
quod nos et filios nostros ac heredes heredumque nostrorum
successores et regna nostra, cum inclyto principe d. Johanne,
eadem gratia rege B. illustri et comite L., fratre nostro
carissimo, ac magnificis dominis Carolo, primogenito, marchione
Moraviae, et Joanne, duce Carinthiae, filiis eiusdem ipsorum-
que heredibus, cupientes fraternae dilectionis vinculo uniri et
eum ipsis in sinceritatis affectu, indissolubilis amicitiae firma
constantia, perpetuo et inviolabiliter permanere, absque omni
dolo et dissimulationis fraude, pure et devote, praesentibus
nos obligamus simul cum Ludovico nostro primogenito ad
sancta Dei evangelia corporali praestito juramento, promittentes,
quod nos et filii nostri eorumque heredes dictum dominum
Johannem, regem Boemiae, fratrem nostrum, et filios suos
praedietos eorumque heredes ac regnum suum Boemiae prae-
dictum cum terris eiusdem regni contiguis, contra omnes et
quoslibet homines, cujusque conditionis, status et. honoris
existant, exceptis inclytis principibus, dominis Roberto, Iheru-
salem et Siciliae, ac Cazimiro, Poloniae regibus, nec non filiis
et heredibus eorundem et generaliter omnibus proximis, nobis
in linea consanguinitatis attinentibus, in Italia et in quibuslibet
eius partibus constitutis, volumus et tenemur perpetuo adjuvare.
Ita videlicet, quod, si ipse rex et sui heredes extra
metas regni sui Boemiae hostilem processum contra vieinos
et confines eorum adversarios vel eorum alterum habuerint:
ex tuno, ad petitionem ipsorum, gentis nostrae armigerae et
sagittariae subsidio et auxilio, prout melius poterimus, ipsum
vel filios suos, aut eorundem heredes, cum tota nostra regni
Hungariae potentia adjuvare sine fraude et dolo promittimus
et debemus.
Si autem metas praedicti regni sui Boemiae quispiam
eorundem adversariorum intraverit, ipsum et filios suos ac
eorundem heredes et regnum cum pertinentiis suis contiguis
potenter et hostiliter invasurus: ex tunc nos et filii nostri
vel filiorum nostrorum heredes, eundem regem Boemiae, filios
suos aut heredes eorum, eum tota nostra regni Hungariae
potentia ad requisitionem suam, filiorum aut heredum suorum,
promittimus personaliter et tenebimur adjuvare.
