1101

— 111 —

vnd frid vnd genade vnser beider lande vnde lente willen, einmuticlich vnd eintrachtielieh vberein chomen sein, also daz wir alle vnser beider lebtage an einander beholfen sullen sein gegen alle die, die an vnser, des vorgenanten chunges Beheim, Merhern vnd Polan, vnd vuser, des egenant maregrafen Meisen, Duringen, Osterlont und Plisnerlant,lant vnd herschefte, stozzen, der veinde wir wern, mit hundert mannen mit helmen, wie ofte oder wenne vnser einer den andern des ermant und bedorf; also bescheidenlich, swenn vnser einer dem andern hundert man mit helmen ze helfe sendet, daz er den die choste geben soll vnd ob sie schaden nemen, den sol der, der daz volke gesendet hat, selber tragen, vnd ob sie frumen nemen, ez wer mit vesten oder mit geuangen, der frvnd sol des herren sein, ze dem sie gesant werdent. — Ez ist auch geret und geteidinget zwischen vns, ob vmnser einer dem andern durch notdurft vber die hundert man mit helmen, mit zwain hundert mannen oder mer oder minner, seinen dinst haben wolte gen seinen veinden, als vorgeschriben ist: darvber sol iecslicher vnder vns ezwenmn seiner monne chiesen; die vier sullen vollen gewalt haben von vnser beider wegen ze sprechen vmb dinst vnd vmb schaden, vnd swaz dann die vier ein- muticlich sprechent bei iren trewen, als ez sie dunchet redlich sein, daz sol von vns beiderseit an alle widerrede chraft haben vnd ganez vnd stet beliben. — Ez ist ouch geteidinget, daz wir beidenthalben daz romisch reich ouz nemen, sunder ob ein cheiser oder ein romisch chunig in vnser eines lant ze schaden ziehen wolte, so sol der ander an allez geuerde stille siczen vnd dem selben cheiser oder romischen chunge weder mit rat noch mit tat, noch mit landen, noch mit leuten an alle argliste dehein dinst noch dhein helfe tun. — Vnd wer getan, daz wir Johans, chunig ze Beheim, des vorgenanten maregrafen.von Meisen dinst vnd helf bedorften, daz sulle wir im vor einem monade embieten vnd ze wizzen tun in die stat ze Dresden; wer aber, daz vns Fridrich, marcgraf von Meisen, des egenanten chunges von Beheim dinst vnd helfe not wurde, daz sulle wir im gelichaer weis einem monade vor jn die burch ze Prag verbotscheften vnd empieten.