— 59 —
kumt, und wellen auch selber darkommen und unsern Sun
mit uns dahin bringen, und darzu alle die, der wir zu unsern
Taydungen und gewishait bedurffen, als vor und hernach
geschrieben stet, damit diesei Sache gevestent und bestattiget
werden, und damit wir auch vergewissen das vorgenant gut.
Wir sulen auch zu bringen das unserei Land und Lewt,
die wir unsern Sun voraus geben unserm Swager von
Charnten schweren und hulden zu der Chinde hant, ob wir
nicht enweren (des Gott nich gebe), das er ir Pfleger und
Furmund sey, bis das si zu iren tagen koment.
War auch (des Gott nicht gebe), das unser Mume stur be
an erben, so sulent die zechen tausend march, die wir ir
haben geben, uns und unser Erben wider angefallen, aber
mit ir Morgengab mag sy tun und schaffen, swas si will,
und ir leibgeding und ir widerlegung, die zwainzich tausend
Mareh sullent unsern Shwager von Charinden und sein Erben
wider angefallen.
Wir veriehen auch des, ob unsers Swagers tochter
von Charindten, die unser Sun nimet, an erben verfur, so
sullen die zechen tausend March, die wir ir geben haben,
unsern Swager von Charinden und sein Erben wider ange-
vallen, aber die zwainzich tausend March, ihr leibgeding
und ir widerlegung, die sullent uns und unser Erben wider
angefallen; aber mit ir Morgengab mag si tun und schaffen,
swas si will.
Wir sullen auch des gebunden seyn, swanne die Chint
zu iren tagen koment, das si danne zu einander gelegt werden,
oder vormalen, ob wir seyn ze Rath und yberain worden,
und ob wir in der Frist nicht enwaren (des Gott nicht gebe),
so suln wir ee ze erkennen geben welche unser freunde,
und diener die Sache an unser statt volfuren und vollenden,
als vorgeschriben steet. Und sullen das tun, so wir nachst zu
einander komen, und ob wir nicht enwaren, so sullen unser
freunde und diener, den es empfolehen ist, von unsern wegen
gewalt haben zu vodern an unsern Swager von Charinden,
und an die, den es auch von seinen wegen empfolchen ist,
ze volfiren und ze enden.
