— 546 —
thum zu Oesterreich, zu Steyer und zu Kerndten, zu Tyrol
und zu Habspurg die graffschaffte und alles, das sie von
dem „ehegenanten römischen reich zu lehen haben, es sey
IX. Das haben wir durch sunderlich diemuttiger bette
willen der ehgenanten fürsten, beeden seiten, uud durch des
rechten willen, darumb die nachgeschriebenen fürsten und herren
gefraget, eines theils zu Prag und ein theil zu Wien, als sie
in beeden stetten in unser gegenwirdigkheit gewesen sindt,
zu dem ersten die hochgebohrne Rudolffen, hertzogen zu
Sachsen, des heiligen reichs ertz-maschaleckh, unserm lieben
oheimb und fürsten, Otten, marggraffen zu Brandenburg und
zu Lausitz, des heiligen reichs ertz-cüàmmerer, unsern lieben
sun und aydem, und die ehrwürdigen Pilgerim, ertz-bischoff
zu Saltzburg, Albrechten zu Paszaw, Paulen zu Freysingen,
Dieterichen zu Maintz, Lambrechten zu Speyern, Johannes zu
Pritzen, Bernhardten zu Nürnberg, Rudolffen zu Verdten und
Petern zu Khur, die bischoffen, und hochgebohrnen Albrechten,
hertzogen zu Mechelburg, Otten, landtgraffen zu Hessen, und
die edlen, Burghardten. burggraffen zu Magdeburg, unsern
hoffmeister, Johansen, landtgraffen zu Luttenburg, Ulrich zu
Schamberg, Otten zu Ortemburg, Hermann zu Cyli, die graffen,
und andere des heiligen reichs fürsten, prälaten, graffen,
frey-herren und getreuen, ob wir solehe lehen beeden seiten
nach der ehgenanten bette bilich und dureh recht thun und
leihen móchten und solten; und dieselben allesambt gemai-
niglich haben uns, mit wolbedachtem muthe, khundtlich unter-
weiset und mit recht und urtel erfunden und ertheilet, dasz
wir solehe lehen durch recht leihen móchten und sollten, in
aller der masse, als davor ihr bette und begehrung ge-
schrieben stehet. |
X. Und davon um solche redtliche bette, als die vor-
genannten kunig Wenzla, unser lieber sun, Johannes marggraff
zu Mehren, unser lieber bruder, en einem tail, und die hoch-
gebohrnen Albrecht und Leopoldt, hertzogen zu Oesterreich,
zu Steyer und zu Kerndten, unsere liebe oheimen und fürsten,
an dem andern tail, uns als ein römischer kayser, ihren
