— 535 —
der hochgeborn Wenczlaw, herczog zu Troppaw, unser lieber
furste und getrewer, etwan herezog Niklas von Troppaw seligen
bruder, und hat mit wolverdachtem mutte, vnbezwungen und
auch mit rechter wissen, dem hochgebornen Johannssenn,
herczogen zu Troppaw und zu Rathibor, seins egenanten bruders
sun, auch unserm lieben fursten und getrewen, alle die anuelle,
rechte, anspruche und vorderunge, die er als ein rechter erbe
und ein elicher ungesunderter pruder herczogen Niclas des
egenanten gehabt hat, hat, gehaben oder gewinnen mag zu
dem herczogthumb und furstenthumb zu Troppaw und auch
landen, stetten, burgen, dienern, leutten und gutten, die darczu
gehoren, recht und redlichen aufgeben und gereicht in unser
hende, als sollicher furstenthumb und herschafte recht und
gewonheit ist; und dieselben recht haben wir als ein kunig
zu Behaim dem egenanten herczog Hannsen und seinen erben
durch seiner getrewer dienst willen, die er uns von langen
zeitten bisher getan hat, von unsern sunderlichen gnaden und
mit rechter wissen verlihen und verleihen auch mit kuniglicher
macht von Behaim, als wir zu recht sollen.
Mit urkund dicz brieffs mit unserm kuniglichen anhan-
genden insigl, der geben ist zu Prag nach Christi gepurt
dreyzehen hundert jar, darnach in dem sechs und sechezigisten
jar, am freytag vor unser lieben frawentag liechtmesse, unsers
kunigréichs im dritten jare.
(Pelzel Wenz, V. — Brandl IX., 412)
556. Investitio Joannis ducis Opaviensis de ducatu
Ratiborensi.
1366, 30. Januarii.
Wir Karl v. G g. R. k. z. a. z. m. d. R. u. k. z. Behaim,
Bekennen und thun kunt offentlich mit dissem brief allen
den, die in sehen oder horen lesen, daz fur uns komen ist
der hochgeborn Johannes, herczog zu Troppaw und zu Rathibor,
unser lieber furst und getrewer, und hat uns demutiglichen
gebetten, daz wir im und seinen erben das herczogthumb zu
Rathibor mit allen seinen herschaftten, burgen, stetten, landen,
leuten und gutten und allen andern rechten und zugehorungen,
