— 531 —
551. Archiepiscoporum Pragensium in legatos apo-
stolicae sedis per diocesin Pragensem, Ratisbonensem,
Bambergensem et Misnensem perpetua promotio.
1365, 28. Maii.
Urbanus episcopus, servus servorum Dei. Venerabili fratri
Joanni archiepiscopo Pragensi, in Pragensi provincia necnon
in Ratisbonensi, Bambergensi et Missnensi civitatibus et dioce-
sibus apostolicae sedis legato, salutem et apostolicam bene-
dictionem.
Ex debito pastoralis officii cupientes, quod subditi et prae-
sertim in sortem Domini evocati juxta piam dispositionem regis
pacifici sint pudiei, pacifici et modesti, illa libenter statuimus
et concedimus, per quae prompta semper ad peccandum hu-
mana fragilitas tanto strictius ab illicitis refrenetur et cum
excesserit, diligentius corrigatur, quanto pluribus et forti-
oribus fuerit gubernaculis coaretata. Idque tunc libentius
facere delectamur, cum ad hoc mundanorum regum et principum
vota ex sincera caritate concurrunt.
Nuper siquidem carissimus in Christo filius noster, Karolus
Rom. Imp. s. a. ac B. rex illustris, coram nobis et fratribus
nostris exposuit, quod in Bambergensi, cujus diocesani et ecclesia
Bambergensis Romanae ecoelesiae immediate subjecti, ac in
Ratisponensi quae de Salzeburgensi, et in Misnensi diocesi,
quae de Magdeburgensi provinciis existuut, sint plurima castra,
terrae, villae et loca ad regem Boemiae, qui est pro tempore,
justis. titulis pertinentia, quae per ipsum pro regno Boemiae
vel alios pro eo tenentur et, pacifice possidentur, et in quibus
etiam castris, terris, villis et locis plurimae plebaniae et eccle-
siae àc multitudo cleri consistunt, quodque personae ecclesi-
asticae ibidem existentes sint nimium dissolutae, divinis officiis
et honestis moribus non vacantes, pluraque beneficia ecclesi-
astica se invicem non compatientia insimul dampnabiliter
detinentes, ex quibus indevotio populi, animarum pericula,
aliaque mala et scandala plurima subsequuntur, ipseque impe-
rator ex illis, quae ab ipsarum personarum diocesani ex supe-
rioribus minime eorriguntur, plurimum conturbatur. ,
34*
