— 520 —
wann es zu schulden kumt, an alle widerrede und geverde,
und auch daruber geben ire offene versigelte briefe.
Und daruber ze ainem wahren vesten, offenem und
ewigem urkunt aller der vorgeschriben ordnung und sachen
haben wir, die vorgenant Kaiser Karl von Rome, kunig
Wenzla von Behem und margraf Johans von Merhern, fur
uns und fur alle unser erben und erbes erben, ewicleich, als
vorbeschaiden ist, an ainem tail und wir, die vorgenanten
Rudolf, Albrecht und Lewpolt geprueder, hertzogen ze Oster-
reich, und wir, die egenant Margret, ir swester, für uns, unser
erben und erbes erben, ewicleich, als vorgeschriben stet, an
dem andern tail — unser insigel gehenget an disen brief.
Das ist gescheheu und ist diser brief gegeben ze
Brunne nach Kristes geburde drewtzehen hundert jar, darnach
in dem vier und sechzigisten jare, an der heiligen jungfrawn
sand Scholastice tage, unser, kaiser Karls, reiche in dem acht-
zehndem und des kaysertums in dem newnendten jare.
(Orig. arch. aul, Vind. — Brandl IX, 340.)
532. Proceres Boemiae assensum praebent eidem
conventioni et unioni.
1364, 10. Februarii.
Wir Johans burkgraf ze Maidburg und graf ze Hardekg,
hofmaister des kayserlichen hofs, Hainz von der Leypen,
mareschalch des kunigreichs ze Behem, Benesch von Wartem-
berg, burkgraf des haus ze Prag, Pothe von Czastolowitz,
Jareslaw von Sternberg, Thyme von XKolditz, Haske von
Sweretitz, Peter von Wartemberg genant Kossem, Fridreich
von Schonemburg, Hynke Hlawatz von der Duben, Jeske von
Wilhartiez, Jeske Cossawora, Jeske genant Ptazek von Pirk-
stein, Brzenke von Swihow, Jareslaw von Brzesnitz und
Bozke von Podiebrad, lanntherren des kunigreichs ze Behem,
bekennen, veriehen und tun kunt offentleich mit disem brive,
daz der allerdurchleuchtigiste und die hochgebornen fürsten,
unser gnedigen herren, her Karl, rómischer kayser, ze allen
zeiten merer des reichs, hber Wenzlaw kunig ze Behem, sein
sun, und herr, Johans markgraf ze Merhern, des vorgenanten
