— 516 —
vaters, kaiser Karln, sun, und wir Johans, von denselben
Gotes gnaden margrafe ze Merhern, desselben unsers herren,
des kaisers, bruder, an ainem tail — und wir Rudolf, Albrecht
und Lewpolt gebruder, von Gotes gnaden hertzogen ze Oester-
reich, ze Steier, und ze Kernden, herrn ze Krain, auf der
windischen March und ze Portenaw, grafn ze Habspurg,
margrafen. ze Purgaw und lantgrafen ze Elsazze, und wir
Margret von Oesterreich, der yezunt genanten hertzogen
swester, weilent margrifin ze Brandemburg, herzogin ze Payrn
und Grevin ze Tyrol, an dem andern taile: veriehen, be-
kennen und tun kunt offenlich an baiden tailn mit disem
briefe allen den, die iu sehen, hóren oder lesen, nun und
hernach ewicleich:
Dar nach ordnung und geschicht des allmächtigen
Gots wir baidenthalben durch einander von: naturen und
der gepurt wegen des geschlechts sieppleich ze einander
gehören, in solcher masse, daz dweder tail under uns gar
abgienge und verfüre an eleiche leiberben, daz derselbe
tail dem andern aller sein lant, furstentume und herscheffte,
die er also hinter im liesse, pilleich und von rechte giinnen sol.
vur alle andere leute, daz darumb wir in dem namen, als
davor, auf baiden teillen, nach guter vorbetrachtung, mit
rechter wissen, nach rate, willen und gunst aller unser fürsten,
lantherrn, rittern und knechten, burgern und lantsezzen in
allen unsern landen und steten, die notdürftig dartzu waren,
mit aller der ordnunge, beschaidenhait und kraft, worten,
werchen und geberden, die nach geistlichen und weltleichen
rechten oder gewonhaiten und nach dhainerlay landrechten
oder freyhaicen dartzu gehóren, aynander getan haben, recht
und redleich, solch gemechtnisse, ordnung und gabe, als hernach
beschaiden ist.
Daz ist ze merken, ob daz geschehe (davor Gott sey),
das wir, die vorgenant kaiser Karl von Rom, kunig Wenzla
von Behem und markgraf Johans von Merhern und unser
all eleiche kint, sun und tóchter, die wir nu haben oder
hernaeh gewinnen, abgiengen und verfüren an eleich leiberben,
und auch ob dieselben unser kint leiberben gewinnen, die auch.
