— 498 —
und mit guten, on alle geverde, wider allir menniglich, nymand
ausgenomen, in welchen wirden, eren odir wesen der sey,
in suleher mazze, wer der ist odir wirdet, dem eyner under
vns veynt ist odir wirdet, dem sullen wir die andern alle ze
gleicher weyse veynt sein, und sullen ouch einander in allen
sachen beigestendig und geholffen sein, als vesticlich, als
endlich und als ernstlich, als unverzogenlich und als getrewlich,
als ob die sache unser yeglichen besunder angieng und sein
eygen ding were, on alle geverde und arge list. |
Und in welchen krieg wir also mit einander vallen odir
komen gegen wem odir wo das sey odir werde, do soll sich
unser deheiner nicht verteidingen noch berichten odir sunen
an des andern und der andern allir wizzen, rat und willen.
Ouch ensol unser deheiner dehein grozze, redliche und
ernstliche oder namhaffte sache verantwerten, anfahen, noch
enden, noch deheine püntnuzze mit yemanden machen an der
andern allir wizzen, rat und willen, und sol oueh unser
deheiner sich silber, noch seine kynd, die wir nu haben
odir hinnach gewinnen, die nicht verlobt sint, verheyraiteu,
denn mit der andern allir wizzen, rat und willen.
Dorüber sullen wir ouch einander getrewe und gewer sein
fur all ander leut und sol unser yeglicher des andern schaden
wenden, sein nuz und ere fürdern, und sullen ouch einander
eren und gutes verantwerten und versprechen, getrewlich und
frewntlich, wider allir mennichlich, nyemand ausgenommen, mit
worten und mit werken, hennlich und offenbar, als verre wir
kunnen und mugen, on alle geverde. Swaz wir ouch vormals
püntnüzzen mit yemand, wer der ist, gemacht haben, die sullen
dyser püntnüzze allir ding unschedlich seyn.
Mit urkunt ditz brives versigelt mit unsir aller ingesi-
gelen, der geben ist zu Prage nach Christus geburt drew-
tzehen hundert jar, darnach in dem ein und sechzigsten jar,
an Sant Peters tag ketenfeyer, und des egenanten keisers
Reiche, des Römischen in dem sechzenden, des Beheimischen
in dem funffzenden, und des Keysertums in dem sibenden Jare.
(Arch. S. Wenc, — Lunig I. CCXII, — Steyerer 323, —
Brandl 1X. 250.)
