— 463 —
land leute vnd herschefte mit allem nucze haben vnd besiczen
sol, nuer zu iren lebetagen etc. |
Wer auch, das di egenante vnsir liebe frawe vnd mume,
di keisirin, nach vnsirs herren, des keisirs, tode eynen andirn
man neme, wi das avch geschee, vnd mit dem selben kindir
hette, sie weren toechtir odir suene: di sullen in allen vnsirn
egenanten fuerstentumen, herczogtumen, herscheften, landen
vnd leuten, wo di gelegen sin, nichtes haben in dheinenweis,
nuer alleyne vnsirs herren, des keisirs, leibeserben, di er mit der
egenanten vnsir lieben frawen vnd mumen, der keisirin, hat odir
haben wirdet, di sullen sie erben vnd besiezen, vnd nymant andirs,
in der mazze, als von svnen vnd von tochtirn douor begriffen ist.
Ouch meynen vnd wellen wir, egenante fuersten alle
drie, das alle briue, di wir vormals enander geben haben,
vmb welche sache das sei, in iren creften bleiben suellen on
also vil als in disen briuen doran verkerit ist; vnd bynamen
sol vnsir, des egenanten Bolken, wirtin alles das halden vnd
vollenfueren, das sie angehoerit, noch laut vnsir vnd ouch
ir selbes briue, di wir vnd sie doruber geben haben.
Vnd di obgenanten teidinge vnd gelubde in alle der
mazze als sie dauor begriffen sint, vnt dorezu alle andir vnsir
briue vmb alle teidinge vnd sachen, geloben wir alle drie,
vnsir ytlichir, dem andern in guten trewen on geuerd gancz
stete vnd vnuerukit ze haben vnd ze halden vnd ze uolfueren
getrewlich, on widirsprechin vnd on allis hindirnuzze, als
verre wir das on geuerd von vmnsirm geistlichin vatir, dem
pabst, behalden vnd irwerben muogen.
Vnd di egenanten gelübde vnd ir ytliches besundir in
allir der mazze, als sie douor begritfen sint, geloben wir alle
drie in guten trewen, on geuerd, vnsir allir mannen vnd
burgern in allen vnsirn fuerstentumen, landen, steten, vesten
vnd herscheften, den di nu leben oder noch sin werden in
kunftigen zeiten, das wir sie stete vnd gancz haben halden
vnd volezihen wellen, als vorgeschriben ist.
Vnd darubir haben wir alle drie mit gemeynir willekuer
zu geczeug vnd ze gedechtnuzze gekorn die nochgeschriben
vnsir buerger vnd diener etc.
