— 460 —
450. Episcopus cum capitulo Wratislaviensi mar-
chionem Joannem in eventum accipiunt in regem Boemiae-
1359, 8. Februarii.
Nos Preczlaus D. gr. episcopus, Petrus de Luna praepo-
situs et capitulum ecclesiae Wratislaviensis, notum facimus
tenore praesentium universis et ad mandatum serenissimi ae
invictissimi principis et domini, d. Caroli IV. d. f. cl. Rom. Imp.
s. a, et D. regis, domini nostri gratiosi, qui nobis hoc tanquam
rex praecepisse et iniunxisse dinoscitur, animo deliberato, non
per errorem aut improvide, sed sano nobiscum et cum amicis
nostris praecedente consilio, pro nobis et successoribus nostris
in perpetuum promisimus et bona fide, sine dolo, promittimus
illustri principi, d. Johanni, marchioni Moraviae, fratri suo
unieo germano, quod in eum casum, ubi praefatum dominum
nostrum Imperatorem et Boemiae regem non relictis legitimis
maseulini sexus heredibus seu heredum suorum proheredibus
in linea masculina descendentibus ab eodem, mori contigerit,
ad praefatum dominum marchionem Moraviae de bonis suis
in Wratislaviensi, Noviforensi, Namslaviensi, Frankensteinensi,
Glogovieusi, Stynaviensi et Gorensi districtibus et in aliis
terris coronae et reguo Boemiae utili dominio et immediate
subiectis, tanquam ad principalem patronum — de terra vero
et oppido Grotkoviensi et eius pertinentiis tanquam ad verum,
legitimum, ordinarium, hereditarium et naturalem dominum
nostrum, Boemiae regem, et ad neminem alium fide, devotione,
homagio, subiectione et obedientia volumus habere respectum,
et ei tunc tanquam regi Boemiae vero, legitimo, ordinario,
hereditario et naturali domino nostro, nos quidem episcopus
supra dictus velut princeps, nos vero praepositus et capitulum
praefati velut subditi et devoti regni et coronae Boemiae,
fidelitatis, devotionis, obedientiae, subjectionis et homagii
praestare et facere debita et solita iuramenta.
Praesentium sub appensis sigillis testimonio litterarum.
Datum Wratislaviae a. D. 1359, feria VI. proxima post
diem s. Dorotheae virg.
(Sommersberg I. — Brandl IX., 119.)
