— 399 —
miles, cliens, clericus sive laicus, civis aut civilis universitas
seu clericale collegium, seu alia quaecunque persona ecclesi-
astica vel secularis quoscunque homines nostros dictarum ,
terrarum, dominiorum et distrietuum nostrorum, cujuscunque
status, gradus seu conditionis existant, pro quacunque causa
civili, criminali seu mixta ad alia quaecunque judicia secularia
extra dictum districtum, judicium seu territorium citare seu.
evocare praesumant, seu quemcunque hominem, etiam reum
notorie aut quem in ipso maleficio actuali fugitivo pede
insequentes ipsi fuerint persecuti, de praedictis terris et
judiciis nostris potenter auferre, nisi de judicum et officialium
nostrorum, quorumint- erfuerit, scientia, mandato seu licentia
speciali; quodque nulli penitus hominum de bonis et posses-
sionibus quibuscunque, sitis in terris, territoriis, dominiis et
districtibus nostris praedictis, liceat alibi coram quocunque
Judice, jurisdictione et dominiis, praeterquam et coram nostris
judicibus provineialibus, quorum interfuerit, et coram con-
sistoriis seu schrannis judieiorum provincialium praefati nostri
dominii respondere.
Quodque etiam nulli penitus, ut praemittitur, praeter-
quam nobis, heredibus et successoribus nostris, regibus B.,
liceat in praedictis terris nostris et dominiis habere homines
hujusmodi, qui mundleute vulgariter appellantur, et quod omnes
et singuli, eujus etiam gradus, honoris et status fuerint, qui
se adversus quoscunque subditos nostros in terris et dominiis
nostris praefatis jus aut actionem habere contenderint, non .
alibi nisi duntaxat coram judieibus nostris provincialibus, ut
praedicitur, in locis consuetis accipiant justitiae complementum.
In defectu vero justitiae, puta si judices in administrando
justitiam se (quod absit) negligentes redderent, aut si propter
iniquitatem sententiae se quis lamentaretur oppressum, liceat
parti, cujus interfuerit, in casu dictorum gravaminum ad
nostram, heredum et successorum nostrorum, regum Boemiae,
auditoriam appellare, ut tunc quaestionis dubietas juxta con-
dignum per eum judicem, quem regum B. grata provisio dele-
candum duxerit, ratione praevia dirimatur. A qua tamen
sententia non alias, nisi ad illustrium regum В. cameram
