— 889 —
360. Attestum civitatis Egrae de impignoratione
terrae Egrensis ac castrorum Floss et Parkstein.
1354, 20. Aprilis.
List purkmistra a rady města Cheba, že sú dědičný povinnost uči-
nili (ciesaři) Karlovi jakožto králi českému a budúcím kralóm českým,
a že sú zastavení s těmi zámky Floss a Parkstein v 40.000 hi. sti.
‚Wir der burgermeister, der rat vnd di burger gemein-
lichen der stat Eger bechennen vnd tun kunt offenlichen mit
disem briue allen den, di in sehen oder hoeren lesen, Allein
di briue des allerdurchleuchtigsten fürsten vnd herren Karls,
Roemischs kunigs, zu allen ziten merer des reychs, vnd kunigs
zu Behem, vnsers liben genedigen herren, di er vber sein
pfantschefte der stat vnd des lands zu Eger vnd der vesten
Flozz vnd Parckstein vnd waz dar zu gehoeret, gehabt hat,
vnd di auch seliger gedehtnüss di hochgeborn fürsten, etwenn
kunige zu Behem, sein eldern, durch merklich sachen willen
von dem heyligen Reyche behaldeu vnd erworben haben, von
widerzemer vngeschicht beide verbrennet vnd verlorn sint,
daz er da mit sein reht niht beweisen mage als billich wer ;
doch sintdenmal daz diselb pfantschaft den kurfursten des.
heyligen Reichs beide, geistlichen vnd werltlichen, wol kündig
ist und si ir briue gezeugnüss mit irn anhapngenden insigeln
dar vber geben haben, vnd wir auch sulcher gelegenheit wol
vnd gentzlich vnderwiset sin, daz di obgenant stat zu Eger
mit dem lande vnd di vesten Flozz vnd Parckstein mit allen
zugehoerungen dem kunigreich vnd der cronen zu Beheim
vmb virtzigtusent marck lotiges silbers, sehsthalben guldein
floren gewiht für ie die marck ze reiten, zu rehtem pfande
reht vnd redlich von wegen des heiligen Reychs versetzet
sint, und sein eldern vnd vorvarn, künige zu Beheim, in
gewere vnd rehter besitzunge der selben pfantschefte gewesen
sint, vnd er noch ist auf disen hutigen tage:
Wanne auch di obgenanten kurfiirsten, geistliche vnd
werltliche, angesehen haben die besunder genade, den nutzen,
fleizze vnd die steticleiche arbeyt, damit der obgenant vnser
herre des heiligen Reichs nutz vnd ere getrewlich vnder-
Standen hat, vnd auch gebrueuet haben di merklichen getrewen
