— 377 —
daz wir in mit gantzen steten trewen beigestendig
u. beholfen sein sullen u. wollen mit aller unser macht wider
allermeniclich, die sie in iren erben, pfanden, guten u. her-
schefften, die sie ietzunt innehaben oder furbas mer gekaufen
od. zu satzung, pfande od. sust in dheine weis derkriegen,
hindern, entweren od. beschedigen wollten, niemant auzze-
nemen, an daz h. Reyche u. sein furmunden, Rom. keisern
u. kunigen; es were danne, daz sie in an iren guten, erben,
pfanden u. herscheften gewalt tun wolten; so sullen u. wollen
wir in wider sulehen gewalt beholfin sein, an geuerde, in der
mazze, alz dauor u. hernach begriffen ist, u. beinamen sullen
u. wollen wir in derselben hilf verpunden u. pflichtig sein
allewege, untz daz alle dieselben pfant mit bereiten pfeningen
od. sust mit irem guten willen von in bracht u. geledigt
werden u. auch sust, als oft sie zu schirmunge ires erbes,
gutes u. herschefften des bedurffen.
Und wollen u. sullen auch in derselben hilfe bereit sein
nach der zeit und wir od. unser amptleute des ermant werden
innewendig vier gantzen wochen, an geuerde u. unverzogen-
lichen; sei aber, daz der hilffe ee not wirdit, so sullen wir
auch dazu ee u. dester schirer bereit sein mit unser macht,
an geuerde.
Mit urkunt ditz briues versigelt mit unserm kuniglichen
insigel der geben ist zu Passow nach Cr. geburte 1300 jar
u. in dem 53stem jare, an dem tag der schiedung der heiligen
zwelf boten, unserer reiche in dem 8. u. des romischen in
dem 7. jare.
(A. K. — Arch, 8. Wenc. — Pelzel K, Karl IV. n, CXXXIV.)
340. Castri Hohenstein infeudatio.
1353, 16. Augusti.
Hohenštein zámek. List Hynka z Dubé, že zámek Hohenštein pod
léno přijal od (ciesaře) Karla jakožto od krále českého a zavazuje se bu-
búcím kralóm českým i koruně české.
(A. K. — Brandl VIII., 220. — Cod. j. b. II. 8 p. 40.)
