— 349 —
herrn, herrn Vlrichen von Pack von Saraw vnd zu dem
lannde zu Sarau vnd herrn Albrechten von Hakemborn vnnd
seiner herrschaffte vnnd ir beider erben vnnd nachkomen
ewiglichen, vnnd was doselbst der allerdurchleuchtigiste
furste vnnd vnnuser gnediger herre, here Karl, Romischer
Kunig, zu allen zeiten merer des Reichs vnnd kunig zu
Behem, innehabt vnnd die hochgebornen fursten vnd herren,
herr Johannis etwan kunig zu Behem, sein Vater seliger,
vnnd herr Heinrich weilend hertzog zu dem Jawer, vnnser
oheim seliger, innegehabt vnd besessen habent.
Vnd geloben mit gueten trewen, on geuerde, für vns,
vunser brueder, vnnser vnd ir erben vnd nachkomen, marg-
grauen zu Brandenburg, mit geswornem eide, den wir daruber
zu den heiligen gethan haben, das wir den vorgenanten
vnnsern lieben gnedigen herren, sein erben vnnd nachkomen,
kunig zu Behem, an dem vorgenantem lannde Budissin, Gorlitz
vnd den steten Lubau, Lubaw, Camentz vnnd anderen steten,
lehen, mannen, manschafften, weychbilden vnnd kreissen
vund allen zugehorungen, geistlichen vnnd werntlichen, vnnd
beinamen an dem vorgenanten herren Vlrichen von Pak von
Saraw, herren Albrechten von Hakemborn, iren erben vnnd
nachkomen vnnd aller zugehorung, nicht hindern, beschedigen,
ansprechen noch betruben wollen.
Vnnd geloben mit guten trewen, on geuerd, vnd mit den
vorgenanten geswornen eide, das wir nach den vorgenanten
lannden, herren, steten, mannen, manschafften, vnnd allen
zugehorungen, als vor geschriben steet, nimmer gesten wolleu
noch sollen mit ansprache, anredunge, nach mit keinen sachenn,
geistlichen oder werntlichen, wie man die genennen mag.
Es sollen auch alle brief vnnd hanntfesten, die wir von
vnserm vater seligen, oder von iemand annders daruber
haben, vnkrefftig, vntüglich vnnd aller sachen ab sein vnd
dem vorgenantem vnnserm gnedigen herren, seinen erben
vnnd nachkomen, kunigen zu Behem, keinen schaden brengen,
wann wir vnns mit wolbedachtem muete vnd mit gutem rat
verzigen haben vnnd vertzeihen genutzlichen für vnns, vnnser
brueder, vnser vnnd derselben vnnser brueder erben vnnd
