— 343 —
dominorum nostrorum, filiabus, si quas dimiserint, de con-
gruenti statu, secundum regni Boemiae consuetudinem appro-
batam, tenebitur et debebit decenter et magnifice providere.
IX. Neque supradictus dominus et frater noster, heredes
vel successores sui, Boemiae reges, domini nostri praefatum
regnum Boemiae, aut nos, heredes seu proheredes nostri, marchi-
ones Moraviae, marchionatum eundem, in toto vel in parte, occa-
sione filiarum nostrarum utrobique aut alia causa quacumque
donare, vendere, obligare aut alienare debebimus aliquo dimem-
brationis aut sequestrationis modo, quo praefati regni Boemiae
corona, principatus et dominia, quae ad idem regnum Boemiae
pertinent, specialiter comitatus Lucemburgensis cum suis perti-
nentiis, ut praefertur, a nobis, heredibus et proheredibus nostris,
marchionibus Moraviae, aut dicti marchionatus devolutio a dicto
domino et fratre nostro, heredibus et successoribus suis, regibus
Boemiae, dominis nostris, posset in praenotatis casibus quo-
modolibet removeri.
X. Nosque huiusmodi serenissimi domini et fratris pia
gratia et largitione contenti, marchionatum Moraviae, supra-
dictum cum digna gratiarum actione suscepimus, neque nos,
heredes seu proheredes nostri, marchiones Moraviae, a dicto
domino et fratre nostro, heredibus et successoribus suis,
Boemiae regibus, dominis nostris, aliud quidquam per divisi-
onem, successionem ab intestato, vel alio quovis titulo, jure
vel facto, poterimus seu debebimus repetere aut exigere, nisi
quod ipsi de singulari favore et mentis beneplacito nobis
liberaliter duxerint erogandum.
XI. Renuntiantes expresse pro nobis ac dictis heredibus
et proheredibus nostris, marchionibus Moraviae, omni juri et
jurisactioni, si quod vel quam in regno Boemiae aut caeteris
suae et ipsorum dicionis principatibus et dominiis habere
potuimus aut possemus, potuerunt seu poterunt quomodolibet
in futurum, canonum etiam et legum auxiliis ac omni juris
beneficio, quibus ordinationi, dispositioni et renuntiationi prae-
fatis posset in toto vel in parte aliqualiter derogari.
XIL Promittimus etiam pro nobis et dietis heredibus ac
proheredibus nostris legaliter et bona fide, omnes et singulos
