— 825 —
elich wirtin, beydesant an leips erben abe giengen (do Got
vor sey): so sullen die vorgnanten gut beydersyt wider vallen,
dannen si her komen sint.
Ouch sullen wir furbaz ine bedesamt ewiglichen anei-
nander mit leip, mit gut, mit lande, vesten und mit luten
beholfen und geraten und verbunden sein wider allermeiniglich,
nymant uz zu nemen, als verre wir daz bedersyt mit eren
getun mugen, an alle geverde.
Und alle diz vorgnant deidinge, verbuntnuzze, sache und
stucke geloben wir dem vorgenanntem unserm hern und liben
sune, und er uns wider, gantz steit veste und unverbrochen
haben und halten, mit guten trewen und mit gesworm eyde,
den wir zu den heiligen beidersyt mit gutem willen und mit
rechter wizzen daruber und uf diz brif leiphaftig gesworn haben.
Und der vorgnanten deitinge fruntlicher berichtung,
eynung und verbuntnuzze, die zwischen uns bedersyt ge-
schehen sint, sint gezuge die edeln hern, die hernach
geschriben stant: herr Burchart der elter von Elerbach,
Symont von dem walt, ritter Jacob von fleirsheim ein euel-
knecht, unser vant, her Spynig ;von hasenburg, her Buske
von wilhartize, her bernhart von Zinnenburg ritter, Albrecht
Nothaft von Dierstein ritter, Peter brobst zu Braczlow,
meister Heinrich von Wesel, Wolfhart der Wolfhersteiner,
unsere schribere, und Johanns pfarrer zum Nuwenmarkt.
Zu urkunt diez brifes versigelt mit vnserm grózzen
insigel, der geben ist zu Bacherach, do man zalt nach Cristes
geburt dreutzehen hundert jar und nun vnd vierezig jar an
der neichsten mitwochen nach dem suntag, alz man singet
Inuocauit, in der vasten.
(Orig. c. r. arch, aul, Vidobonensis, — Chytil VII, 914)
292. Concordia marchionum Brandeburgensium
cum Carolo rege.
1349, 26. Maii.
Wir Ludwig, Stephan, Ludwig der Romer, Wilhelm,
Albrecht und unser geschwister, von Gotes gnaden marg-
graven zu Brandenburg und zu Lusitz, pfaltzgraven beim
