— 824 —
Were aber, daz wir nach unserm dot liezzen dochter
und nicht sune, so sol unser lande unserer vorgenanten
dochter, frowen Annan, alzumal, an alz hindernuzze, vervallen
und warten sein, mit allen fürstentumen, herscheften, rechten,
wirdigheiten und eren, die da zu gehorent, und mit aller zu-
gehorunge, und sol anserr vorgenannten herre und sune alle
ander unserr dochterr, ob wir die liezzen, bestaten zu solichem
furstlichen adel, alz yn gezeym ist, vnd gelicier wise, alz er
sein eygen dochtern und kinden tun wolde, an alle geverde.
Ouch ist geret, daz alle unser burgrauen und amptlut,
mann, ritter und knecht, burger, edel und vnedel, und gemein-
scheften der stete und meirkten in allen unsern furstentumen
und herscheften unserer vorgnanten dochter, seyner elichen
wirtin und ym zu irer hant geloben, hulden und sweren
sullen, daz sie ym und ir und ir beyder erhen nach unserm
dot, ob wir nicht weren und nieht sune liezzen, alz vor ge-
schriben stat, mit allen vesten, steten und lande warten und
gehorsam und vnderteinig sein ewiglichen, alz irren rechten
erblichen herscheften, mit guten trewen, an alle geverde.
Und bey namen ist geret, daz wir dheinen burgraven
noch amptman entsetzen sullen, wir haben dann bestalt, daz
der andre oder die andere, ob ir mer dann eyner were,
unserer vorgnanten dochter und ym, zu irrer beyder erben
hant, sweren und geloben, zu warten und gehorsam zu sein
als irrer herscheft nach unserm dot, alz vor geschriben stat,
an geverde.
Wer ouch, daz wir die burgraven oder amptlut wan-
delten, so unser vorgnannter herre und sune da bey nieht
were, und die nuwe burgrauen und amptlut, die wir saczten,
swüren und gelobten in der schicht, als vorgschriben stat,
und ym die selben nuwe burgrauen und amptlut, die wir
gesaczet haten, nicht behagten noch geuielen: so sulen wir,
wann er uns dez ermant, all die selben burgrauen und
amptlut wandeln und ander an ir stat seczen, nach sinem
und unserm willen und rat, an geverde.
Wer ouch, daz unser gnediger herre und liber sune und
ouch die durchluchtig frowe Anna, unserr libe dochter, sein
