— 31 —
Item promittimus procurare et efficere pro posse Nostro
quod Rudolphus, dux Bauariae, germanus noster, omnes literas
obligationum et promissionum, quas habet et habuit ab eodem
rege et ven. Baldevino, Treverensi archiepiscopo, principe Nostro
dilecto, sigillis eorum sigillatas occasione promotionis faciendae
de eodem rege Boemiae in regem Romanorum, per ipsum
ducem restituet.
Item cum dux Austriae teneat in Moravia quasdam
terras, videlicet Znomam castrum et oppidum et Boerlicz
oppidum, cum eorum pertinentiis pro certa pecuniae summa
obligatas, et quaedam pars dictae pecuniae sit soluta, pro-
mittimus dictum ducem ad hoe inducere, ut dictas terras, castrum
et oppida cum eorum universis attinentiis eidem regi restituat,
mediante summa pecuniae, ut tenetur.
Item promittimus, quod sumunas pecuniarum promissas
et adhue solvendas nobilibus viris Ger. comiti Juliacensi,
Adolfo comiti de Monte et Ottoni de Kük a dicto rege Boe-
miae occasione suae promotionis in regem Romanorum eisdem
persolvemus, iuxta suarum continentiam literarum a dicto
rege Boemiae ipsis concessarum, et eidem dictas literas suas
obligatorias super dictis pecuniarum summis datas liberas
restitui procurabimus et faciemus.
Item obligamus sibi pro decem millibus marcarum argenti
terram Egrensem et castra Vlos et Barkenstein, eum omnibus
regalibus, dominiis, mero et mixto imperio, fructibus, reditibus,
iuribus et aliis quibuscunque pertinentiis pro expensis factis
per eundem occasione promotionis nostrae in Romanorum
regem, quousque sibi aut suis heredibus de dicta summa
integre fuerit satisfactum, percipiendis (fructibus) sibi et here-
dibus suis in sortem minime computandis.
In quorum . .. .
Datum Coloniae 1I. Nonas Decembris a. D. 1314., regni
vero Nostri anno I.
(E litera recognit., Balduini archiepiscopi Treverensis ab
anno 1335., cujus orig, in. archivo C. R, Aul. Vindobon, servatur,
communicavit Dr, Fr. Palackj. — Chytil VI. add, 22. —
Emil, III, 232.)
