— 810 —
Michelsberg, Wanke von Wartenberg unnd Jobst von Rosen-
berg, veriehen unnd thun kunt offenlich mit diesem brief allen
den, die in sehent, horent oder lesent, das wir dabei gewesen
seint unnd das gesehen und gehort haben unnd daruber zu
getzeugen geschriben unnd gebeten sein und gezeugen auch
das mit krafft ditz briefs, das der hochgeborne furste unnd
herre, herr Woldmar, marggraf zu Brandenburg unnd zu
Lanntsberg, des heiligen Romischen Reichs ertzkamerer, ange-
sehen hat die trewe und die gnade, die ime der allerdurch-
leuchtigist furste und unser gnediger herre, herr Karl, Romischer
kunig, zu allen zeiten merer des Reichs, unnd kunig zu Behem,
erzayget unnd bewieset hat unnd noch wol ertzeigen mag, und
hat den vorgenanten unnsern herren, dem Romischen kunige unnd
kunige zu Behem, sein erben und nachkomenu, kunigen zu
Behem, und demselben kunigreich unnd der Cron zu Behem
geben unnd verschriben mit seinenn briefen: die marck zu
Lusitz mit dem land und mit allen stetten, vesten, märkten
dórfern, herren, mannen, lehen, verlehenten guten, rittern,
knechten, schultheisen, gepauern, mit welden, puschen, bergen,
grundenn, slichten, wassern und wassersleufften unnd mit allen
rechten, gewonheiten, freyheiten, eren, wirden, guldenn, nutzen
unnd herrschafften unnd mit aller zugehorunge, wie man die
mit besundern worten benennen mag, als er unnd seliger
gedechtnus seine vorfarn, marggrauen zu Branndenburg, die
selben marcke zu Lusitz mit dem lannt besessen hat. Unnd
hat gelobt mit gueten trewen, ongeverd, das er alle stete,
vehsten, herren, ritter, knechte, burger, schultheisen, gebauern
unnd allermeniglich inn derselben marcke unnd lannt zu Lusitz
an der vorgenanten unnsern herren, den Romischen kunig
unnd kunig zu Behem, seinen erben und nachkomen, kunigen
zu Behem, on allen furgetzog laiten unnd weysen solle
unnd wolle.
Unnd hat auch gelobt fur sich, sein erben unnd пас)”
komen, marggrauen zu Branndenburg, das sie demselben unnserm
herren, sein erben unnd nachkomen, kunigen zu Behem, darzu
mit aller macht, wie unnd wenn sie das ermanen, mit gantzen
trewen behulffen sein wollen, wider allermeniglich, niemant
