— 308 —
Supplentes omnem defectum, si quis in litteris et privi-
legiis dictorum Imperatorum et regum R. m. r. aut etiam in
ordinatione seu tractatu dicti genitoris nostri, quam cum
praefato Heinrico septimo et ultimo Wratislaviae et Sleziae
duce habuisse dinoseitur, seu in reditu nobilium, militum,
civium et incolarum Budissinensis et Gorlicensis marchiae,
qui ad coronam regni B. ut praemittitur, ex causis legittimis
redierunt, vel in praesentibus nostris literis verborum defectu,
interpretatione dubia, sententiarum obscuritate vel alia quavis
.0ecasione compertus fuerit, de certa nostra scientia ac de
praedicta Romanae regiae plenitudine potestatis, non obstan-
tibus legibus, consuetudinibus, usibus, observantiis, juribus
municipalibus vel eommunibus, statutis seu edictis publicis
vel privatis, factis et editis in contrarium quibuscunque.
Quas et quae, quantum ad haec, acsi nominatim et de verbo
ad verbum praesentibus inscripta et inserta consisterent,
etiamsi de his jure vel consuetudine deberet fieri mentio
specialis, revocamus, cassamus, irritamus, annullamus et de
dictae Romanae regiae potestatis plenitudine decernimus
firmitatis fore nullius penitus et momenti.
Nulli ergo hominum liceat hanc nostrae ordinationis,
incorporationis, inviscerationis aseriptionis, appropriationis,
conjunctionis, interpretationis, pronuntiationis, diffinitionis,
protestationis. declarationis decreti, defectuum suppletionis,
revocationis, cassationis, irritationis ac annulationis pa-
ginam infringere vel ei ausu temerario in aliquo contraire.
Contrarium vero facientes, si qui fuerint (quod absit), ultra
indignationem nostrae celsitudinis, quam ob hoc se noverint
graviter incursuros, mille marcas auri puri nostro et Rom.
regni fisco componant, ipsarum vid. medietatem nostrae seu
successorum nostrorum curiae seu camerae, reliquam passis
injuriam irremisibiliter applicandam.
Vener. Gerlaco .. .
Datum Pragae a, D. 1348, Ind. L, septimo Idus Aprilis,
regnorum nostrorum anno secundo.
(A. K. — Arch. S. Wenc. — Gwrünhagen. 1. 8—10.)
