— 289 —
Carolus D. gr. Romanorum rex s. a. et Boemiae rex.
Ad perpetuam rei memoriam.
Innata cordi nostro benignitas cirea fidelium et devo-
torum nostrorum honores et commoda continuis intenta vigiliis,
votis ipsorum annuere jugiter nos inducit, quotiens poscentium
vox est justa; in hoc enim liberalitatis nostrae non errat intentio,
sed regalis sceptri fastigium extollere salubriter arbitratur.
Sane ad nostrae celsitudinis venerabiles archiepiscopus
Pragensis, Olomucensis et Luthomyslensis episcopi, necnon
illustres Joannes, Karinthiae comesque Tyrolis et Goritiae,
germanus noster carissimus, ac Nicolaus, Opaviae et Rati-
boriae duces, caeterique praelati, duces, principes, barones,
proceres et nobiles regni nostri Boemiae et pertinentiarum
eiusdem, praesentiam aecedentes, nobis humiliter supplicarunt,
ut quasdam literas Richardi, divi Romanorum regis, praede-
cessoris nostri, nobis per ipsos exhibitas, quarum tenor et
series sequitur in haec verba:
(Diploma Richardi Rom. regis ddo. Aquisgrani 1262,
9. Augusti — Hujus Codicis tom. I. n. 50.)
nostra confirmare auctoritate regia dignaremur.
Nos utique praefatorum praelatorum, ducum, principum,
baronum, procerum et nobilium, quos honorum et felicis status
Romani regni et sacri Imperii fideles et sollicitos pro caeteris
novimus zelatores, ipsumque regnum Doemiae Romani regni
membrum fore nobilius, supplicationibus benignius inclinati, prae-
fatas literas ac omnia singula contenta in eisdem laudamus, ratifi-
camus, approbamus, confirmamus et de novo ex certa scientia
de nostrae Romanae regiae plenitudine potestatis damus, tenore
praesentium conferimus et donamus; volentes de uberiori dono
gratiae Romanae regiae et concedentes expresse, quod tam in
judieio quam extra, ubicunque necessarium fuerit aut etiam
opportunum, nostris praesentibus velut praedictis originalibus
literis adhibeatur ab omnibus et singulis plena fides, nostras-
que praesentes dietis aequipollere originalibus per omnia,
decernimus, praecipimus et mandamus.
Huius rei testes sunt... (wt in diplomate praecedenti.)
Codex jur, boh. IL. 1. 19
