— 269 —
praesentis seripti patronicio liberaliter concedimus et etiam
indulgemus.
Omne jus et omnem consuetudinem ac usum, quod et
quos eeclesia seu archiepiscopus Maguntinensis praefati habu-
erunt et habere potuerunt hucusque in coronatione dietorum
regum et diadematis impositione, gladiique, sceptri et pomi
ac caeterorum insignium regalium traditione eisdem regibus
Boemiae, revocantes, cassantes, irritantes, annullantes et de
praedicta Romanae regiae plenitudine potestatis penitus abo-
lentes, cum nostri et nostrae Romanae regiae auctoritatis et
plenitudine potestatis interpositione decreti praefatarum coro-
nationis, diadematis impositionis et gladii caeterorumque in-
signium regalium traditionis ad archiepiscopum Pragensem
modernum eiusque successores futuros perpetuos, ipsorumque
per manus imponi et tradi solennia et insignia praelibata, et
non ad supradictum archiepiscopum vel ecclesiam Magunti-
nensem praefatos, juste et legitime pertinere.
Non obstantibus legibus, consuetudinibus, usibus, ob-
servantiis, juribus, municipalibus vel communibus statutis seu
edictis, factis et editis in contrarium quibuscunque, quas et
quae, quantum ad hoc, ac si forent nominatim et de verbo ad
verbum scripta praesentibus et inserta, revocamus, cassaimus,
irritamus, annullamus et de dicta Romanae regiae plenitudine
potestatis decernimus firmitatis fore nullius penitus vel momenti.
Nulli ergo omnino liceat lane nostrae donationis, con-
cessionis, indulgentiae, revocationum, cassationum, irritationum
et annullationum paginam infringere vel ei ausu temerario
contraire. Contrarium vero facientes, si qui fuerint (quod
absit), ultra indignationem nostrae celsitudinis Romanae, quam
ob hoc se noverint graviter incursuros, mille marchas auri
puri nostro ef, regni Romani fisco componant; ipsarum videlicet
medietatem nostrae et successorum nostrorum, homanorum
regum vel Imperatorum, curiae seu camerae, et reliquam passis
injuriam irremissibiliter applicandam.
In quorum omnium testimonium et ad certitudinem ple-
niorem praesentes fieri jussimus et bulla aurea typario nostrae
majestatis impressa praecepimus communiri.
