FONTES RERUM BOHEMICARUM Series nova tomus I.
ni pretii repraesentant, quia ex eis primum res temporis Karoli regis gestae
cognoscimus.
Prima confectio in uno codice et duobus copiis modernis, secunda in duo-
bus codicibus ad nos pervenit. In subiuncto codicum indice descriptionem codico-
logicam praetermittimus, lectorem ad catalogos bibliothecarum et tabulariorum
delegantes.
P cod. Bibliothecae Capituli metropolitani Pragensis, nunc in Archivo
castri Pragensis, sign. G 5, fol. 150-185".
Textus ibi contentus proximus originali primae confectionis habetur; utraque
copia, in Archivo terrae Moraviae Brunnae (E 6 Benediktini Rajhrad, sign. Hd 14
et Hd 20) asservata, in saec. 18. e codice G 5 transscripta est.
H cod. nunc in Archivo publico in Tfeboń, locus operandi Jindfich iv
Hradec, sign. RA Cernín, rkp. 1, fol. 4r'-67', confectionem secundam continens.
Codicem in monasterio fratrum Minorum Vindobonae primo collocatum anno
1842 Francisco Palacky suadente J. Cernín de Chudenice emit. Codex chartaceus
circiter annis 1430-1440 exaratus est, duo scribae operi interesse videntur. Glossae
marginales plurimum manibus ulterioribus (16. saec.) adscriptae sunt.
W cod. Bibliothecae Universitatis, ante Civitatis Vratislaviensis, sign. R 199,
fol. 61-119", confectionem secundam continens.
Codex chartaceus annis 1466-1467 exaratus, ut notationes in codice testantur, et
alia chronica ad Bohemiam spectantia complectitur (v. adn. in textu bohemico).
Textus una manu scriptus ab ipso scriptore in textu vel in margine correctus est.
Glossae marginales, non frequenter apparentes, alia manu ulteriore exaratae sunt.
Joh. Loserth codicem anno 1880 editione ChronAR cum additamentis Francisci
Pragensis iam confecta cognovit et de eo nuntium attulit, in quo codicem non
completum, verba sententiaeque omittentem, sed saepe lectiones meliores edi-
tione Dobneri offerentem esse asseruit. Qui articulus aestimabilis est, quia codex
altero bello mundano finito per multos annos perditus est et demum anno 1967,
sed aliqua ex parte corruptus, inventus est.
Ad confectionem secundam formandam Franciscus textum primae recen-
sionis adhibuit et novae conceptioni accommodavit. Propositum dispar utriusque
conscriptionis iam inde intelligitur, quod prima episcopo Iohanni IV. de Dražic,
secunda regi Karolo dedicata est. Itaque praeter ordinationes stilisticas (vocis aut
ordinis verborum mutatio etc.) et differentias alias invenimus - auctor e.g. non
solum in tertio libro sed in primo secundoque mentiones nonnullae aut saltem
nomen episcopi Iohannis IV. de Drazic omittit et hoc modo quoque se novae
chronicarum rationi adaptavisse videtur. Librum tertium vero amplificavit: ad
capitula primae confectionis alia membra addidit necnon capitula nova adiunxit.
Etiam hac in re eum raritates, res naturae mirabiles necnon narrationes iucundas,
etsi ab historia Bohemiae aliena, plus delectant, sed simul, ut solet fieri, indicia
subtilia, id est nomina, data, contextus condicionesque rerum gestarum, praeterit.
IV
