. CHRONICA FRANCISCI P RAGENSIS - Liber tercius
Et fuit eclipsis Lune! et diu duravit, quam siccitas magna fuit subsecuta: in
pluribus locis frumenta et alia terre nascencia defecerunt.
Anno Domini MCCCLIII in dominica infra Nativitatem Domini dominus
papa Innocencius fuit more consueto consecratus et corona summi pontificis co-
ronatus?.
Eodem anno dominus rex ex quadam devocione intravit monasterium
virginum ad sanctum Franciscum et cum «reliquie»? allate fuissent, abscidit
particulam de digito sancti Nicolai et in cultello due gutte sanguinee apparuerunt.
Et post plures dies dominus rex cum domino archiepiscopo reversus ad prefatum
monasterium abscissam particulam digiti applicavit maiori parti: et continuo ei
adhesit, acsi incisio non fuisset, sed modica remansit cycatrix.
Eodem tempore dominus rex quatuor altaria construxit in ecclesia
Pragensi et unum ex hiis fecit in honorem sancti Nicolai consecrari?.
Eodem anno nupcie celebrate sollempniter fuerunt filie regis nostri et filii
ducis Austrie* in Pragensi civitate.
Eodem anno dominus rex duxit in uxorem filiam ducis de Swydnicz no-
mine Annam*. Et fuit coronata in reginam Bohemie eodem «anno»^ XXVIII? die
Iulii infra sollempnia missarum, et hec est domini regis tercia conthoralis. Et hic
est finis cronice.
a reliquie suppl. ad sensum Em| om. H
b anno suppl. ad sensum Em| om. H
1) Anno 1352 Lunae eclipsis die 30 m. Aprilis et die 23? m. Octobris fuit.
2) Innocentius VI. die 30^ m. Decembris a. 1352 consecratus est.
3) Id est altare s. Ludvici (ob memoriam primi uxoris nomine Blanca), s. Nicolai (ob memoriam secundae uxoris nomine Anna)
el Innocentium (ob memoriam primi filii Venceslai). De altare quarto nihil scimus. Altaria prope sepulcrum regium sita sunt.
4) Catherina, filia secunda regis, et dux Austriae Rudolphus IV. Habsburgensis mense Aprili a. 1353 matrimonio coniuncti
sunt.
5) Nuptiae die 27" m. Maii a. 1353 in civitate Budín celebratae sunt.
215
