1073

Il, 2.] Urkunden, Mr. 5. 6. 61

nur diejem felber zuftehe; er verweift demgemäß den Kläger vor das pfälzifche Hofgericht und erflärt die Klage vor dem fónig: lichen Bofgeridht nur im Salle der Rechtsverweigerung für zu- läffig. — Speier 1353, Dezember 3.

Wir Karl von gotes gnaden Romischer küng ze allen ziten merer dez riches und küng zü Beheim bekennen und tün chünt offenlichen mit disem briefe, daz wir ze gericht gesessen sin ze Spire an dem nechsten eritag nach sant Andres tag, und daz für uns chomen in gericht mit für- sprechen der edel Johan grave zü Spanheim uf ein syt und üf den tag, den wir im von gericht geben hetten, und alz wir in úz der ácht uf recht gelazzen hetten, darin er mit clag chomen waz von Gerhartes wegen dez Vogts von Hunoltstein, der auch da vor uns in gericht mit fürsprechen stind. Und da wir alzo ze gericht sazzen, da clagt der egenant Vogt von Hunoltstein zu dem egenanten von Spán- heim: er het in ze schaden und ze koste bracht üf viertzig tüsend guldin minner oder mer. Und wizt auch anleitbriefe von gericht, daz im ahte und anleit erteylt und geben waz üf dez obgenanten von Spaunheim güt umb die obgenant summe geltes. Do waz vor uns auch in gericht der hoch- geborn Ruprecht der Elter, pfallentzgrave by Rine, obroster druchsesse dez Romischen riches und hertzog in Beiern, und bat uns, daz wir im einen fürsprechen geben; er hórte solich sache, die sin herschaft und freyheit antreffen, do mit die Pfallentz gefreyt wer, und welt die verantwrten, wanne ein ieglich kürfürst die fryheit het, daz nieman cheinen sinen man laden solt für chein gericht noch beclagen, danne vor dem kürfursten, dez man er wer; und da solt dem clager unvertzogenlichen recht beschehen nach sines hofes recht und gewonheit. Da fragten wir die kürfürsten umb, die by uns sassen, den erwirdigen fürsten hern Gerlachen ertzbischof ze Mentze und den erwirdigen fürsten hern Wilhelm ertz- bischoff ze Cólne. Die sprachen: sind dem mal und wir auch ein kürfürst weren, wir solten einem andern fürsten daz gericht und den stab an unserer stat enpfelhen und solten uns mit in umb die egenant sache gesprechen, waz unser und allerer kürfürsten recht, freyheit und gewonheit wer. Da