or
2
o
9:
>
Urkunden zum Jahre 1423. 161
do mit dem kunigrich zu Ungern mit sammen stossen und des
ganzen cristen names und der Ungern tegliche finde synt, hat,
so haben ouch unsern mut beweget vil ander sachen und rede-
liche ding, die wir durch kurze willen zu desser zeit vorlassen').
Und dorumb durch allir oben geschrebin sachen sunder-
licher bewegunge willen unsirs allergnedigsten hirn des vor-
schrebin alse getraue fursten, lande, hirn, ritter, knechte und
stete, nemlich wir Conrad von gotes gnaden bisschoff zu
Bresslaw, Johannes zu Rathibor, Przemko zu Troppaw, Bolko zu
Teschin, Bolko und Bernhard, gebruder zu Oppol, Lodewig zum
Brige und zu Legnicz, Johannes zu Monsterberg, Conrad
Kenthener zu Alsen, Johannes zum Sagen, Ruprecht zu Lobyn,
Henrich der eldere zu Grossen Glogaw, Conrad zur Steynaw,
Kazimir zu Awswinczen, Conrad der weisse zur Kosil, Wenczlaw
und Lodewig, gebruder zu Nympcz und zur Olaw, und Wenczlaw
zu Crossen, herzogen und hirren, und wir nochgeschreben lande
und stete Breslaw, Namslaw, Newmarkt, Sweidenitz, Jawir,
Lusitz und wir sechs lande unde stete, Budissen, Garlicz, Sittaw,
Camenez, Lobaw und Luban, hirren, ritter und knechte mit
alle der lande zugehorunge [haben] uns mit wolbedochtem mute
und sunderlichem guttem vorgahabeten rate also mit dem kunig-
reiche zu Ungern, erczbisschoffe, bisschoffen, prelaten, hirren und
steten und dem h. homeister und seynem ganzen orden mit
dem lande Prewssen und des landes zugehorunge unde iren
helfern vorbunden wider den kunig zu Polan, seyn kunigrich,
seine beileger unde helfer in solicher weise, das alle die, die in
das vorbuntnisse komen synt, von stunden, wenn man das zu
rate wirt, gleich mittenandir entsagen sullen dem kunige zu
Polan, seym kunigreiche, helfern unde beilegern, also das wir
einer dem andern helfen sullen, mit leibe und gute getreulichen
an geferde unde argelist den angehaben krieg zu volfuren und
zu eynem ganzen ende auszuharren gleicher weis, als ab der
krieg eynen iglichen besundern anrurte unde antretende wer.
Und wer es sache, das der kunig von Polan adir Witold, ir
helfer adir beileger des nicht erbeitet?), sunder eyn teil adir
mer angreiffen wurde, wenne das der adir die, die angreiffen
1) übergehen.
2) abwartet.
11
