56
or
30
Urfunden zum Jahre 1421.
Lawben, Lobaw und zu Chamentez, bekennen offintlichen mit
desem brive allen den, die en sehen adir horen lesen, das
wir zu eren, rat, fromen dem allirdurchlauchstigisten fursten
und herren, herren Sigmunden Romischen konige, zu allen zyten
merern des reichs, zu Hungern, Behem etc. konige, unserem
gnedigistem lieben herren, und ouch sunderlichen durch fredis
und bestis wille der lande und stete Budessin, Garlicz, Sittaw,
Lawben, Lobaw und Camencz, uns als ein foyt mit den hoch-
gebornen fursten herren Ffriderichen, herren Wilhelmen und
herren Ffriederichen, gebrudern und vettern, landgroven in
Doringen und marggraven zu Missen, unsern libin ohmen, vor-
eynit und vorbunden haben, voreynen und vorbinden uns mit
den in crafft diess brieffis fumff gantze jar nach datum dieses
brieffis nehst nachenander folgende, als hernach geschreben steet:
Wir sullen und wollen vorbasmer der obgenanten herren
lande, lute und stete, herren, ritter, und knechte, mit uns also
voreynit, getroulichen schutezen und beschirmen gleich desen
landen und steten, die wir von unserm genedigin herren, dem
konige, inne haben, und sollen und wollen ouch die unsern
nach nymandes fremden nicht gestaten, das sie der genanten
herren lande und stete mit raube, brande adir name in keine
weise beschedigin ane geferde; von welchin partien das auch
ubir faren wurde, so sal das ander teyl dorumb nicht uffhalden
adir vorkummern, sunder man sol darumb zu tagen komen und
umb den broch das uzrichten noch redelichkeit. Welchir adir
in unser foyttei und pflege der manne, der wir macht hetten,
das obirfure und wir des von den genannten herren und iren
landen und steten vormanit wurden, den adir die sollen und
wollen wir dorzu brengen, das der adir die das wedir thun und
wandiln musten, das sulch name adir schade ganz gekart und
uzgerichte& wurde bynnen vyer wochen nach der vormanunge
nehst folgende ane geferde. Wir sullen nach wollen ouch nicht
gestaten, das ymandes in desen landen und sechs steten obgnant
gehauset adir geheget werde, der der obgnanten herrn lande
und stete beschedige, und wurde uns ymand benand, der adir
die in unsser foyttei und desen landen und steten legin
und der gnanten herrn land und stete beschedigitten, zu den
sullen wir thun gleichinweiss, als zu unsern eigenen!) fynden.
1) palady hat eigen den, fo hat auch die AUbichrift auf der Milichfhen Bibliothet,
