marggraff Johannsen seinen vettern mit IIII* pterden bey vnsern her-
ren dem konig hie zu Preslaw gewesen vnd yn grossen gnaden
vnd freuntschafft von sein gnaden abgeschiden.
Item vnser herr, der konig hat alle lontschafft in Merhern gen
Prun geuordert auff visitacionis Marie, vnd ist die rede, dos sein
gnade dornach zu vnserm gnedigen herrn dem kayser sich fugen
sulle.
Item vnser herr, der konig hat mit rate willen vnd wissen der
bebstlichen legaten vnd keyserlichen rete mercklichen vrsach halben
mit dem Jersicken vnd seinem anhang einen fride geslossen vnd
auffgenommen bis auff den newen jars tag schierst, doch vnauffge-
halten vnd vnauffgeschoben des banns auff die ketzer gelegt, der
nichtz dest mynder seinen furgang vnd ubung dazwischen haben
solle.
Item der Jersick hat dazwischen alle die, die auff seinen seitten
sein vom adel vnd ausser der stetten zu im gen Prag geuordert,
daselbst sie von newen wider zusamen gesworen bey irem glouben
in dem itlich. gebor[e]n vnd bisher gestanden sein, bis in dem tode
zu bleiben.
Item so ist ein sage, das der Jersick in beweglicher auffrut sey
wider zu velde ze zichen vnd den angerurtten, gesetzten fride[n]
mitzehalten, ob dem also sey oder nit, wirdet in kurtz ausbrechen.
Item in der gemeinde ist ein rede, der Jersick vnd sein anhang
wollen des kónigssun zu Polan einlassen, vnd der konig von Polan
schick sich dornach aber dogegen etlich die innerhalb XIIII tag von
Polan heraus komen sein, das sie davon, im land zu Polan gar
nichtz vernemen haben.
Item es ist ein treffenliche potschafft zu dem konig von Polan
geschickt, doch allain von dem behemischen herren vnd nicht dem
konig, als ich vermein, dann sich sein gnade deshalb nit ferchsteen
vermerken lassen wolle. Datum am suntag nach Viti martyris, anno
etc. LXIXo
Souvěká kopie na papíře.
43
