der cristenlich herezug wider die keczer von Beheim furgang gewyn-
net durch vnsere herren die kurfursten, auch andern des heiligen richs
fursten in mercklicher zal, das dann die stette noch irem harkummen
auch willig vnd gehorsam sient vnd sin wellent dozu zu dienen vnd
Zu helffen als fromme cristen.
Item, obe nü gefroget wurde, was der stette meynung were noch
irem harkummen zü dienen oder zü helffen, so mógent ir daruff sa-
gen: jeglich statt wisse wol, mit wie vil vormals in andern herzügen
gedienet habe wider Beheim. Do sie dann zu riten mit macht sterckr
vnd ir vil ine mitteinander daran worent wann jetzt, nach dem su jetz
geteile oder gezweyet sint, das ir vil es mit der heiligen Rómischen
kirchen halten vnd selbs im krieg wider die ketzer sient, deshalp uch
bedunk, das man nit so starck oder so gross macht notdurfft sii, als
man vor zite gehebt habe.
Item, obe gefraget wurde, wie vil die stat Strasburg vor ziten wider
die Beheim geschickt habe, so mugent ir sagen: XVI mit gleuen,
jeglich solch vierde, das were LX pferde. Aber so viel móge die stat
Strasburg jetz nit entberen, manigerley vffrüre vnd samelunge halp,
so sich in dutschen vnd welschen landen gróslich zu diser zit herhebe ;
auch bestand jetz erlich (sic) fursten by sechs mylen weges von
Strasburg vil volcks zu velde ligen, haben vor eim sloss mit bussen
vnd gezüge noch dem dann rouberij vnd grossen beschedigunge uss
demselben slosse und auch aus andern slossern bitzhar gescheen ist,
vnd sich derselben beschediger anhanger dogegen bewerben; auch
sich sust ander kriegsloüffe in Niderlant jetz treffenlich handeln vnd
vil volcks züzihet, so besorgt man sich auch teglich, das sich in Óber-
lant aber swere treffenlich kriege kürtzlich erheben werden; so ist
auch der stat Strasburg sunder ernstlich warnunge offenbar vnd
heimlich getan, wie das man sie vndersten welle, zü beschedigen. Des-
halb der rat Strasburg notdurfft heischet, die iren deste me by ir zu
behalten vnd zü ir selbs notdurfft zü gebruchen, doch so sint die rete
der stat Strasburg nit deste myner gütwillich als frommen cristen
zu dem cristenlichen herezug, ist es das der in egemelter mossen
fürgang gewynnet, ouch ettlich die iren, nemlich irr reisigen geziget
Zu schicken, so vil sie dann ir anligunge oder not halp enperen mó-
gend vnd besunder in sollicher redelicher zale wol gerüstet, das su
hoffent, das su des ere vnd danck haben.
Item, obe man aber vber ein wissen wolt, wie vil oder, obe man
die stat Strasburg vber ein zü hoch anslahen wolt, so nement es
hinder sich an die rete der stat Strasburg zü bringen, es sii durch
uch muntlich oder sust durch uwer geschrifft, uff das man uch so-
lichs alsdann mag zu wissen tun, (das nach aller gestalt vnd han-
40
