gehorsam vnd gewártig sein; vnd wellichen sy also tůglich erchannten,
dem selben sollten sy des ir insigel vnd brieff geben die solt er furter
(sic) dem hauptman zw bringen, ine dar mit zu berichten, das er zw
den sachen tuglich ware vnd demnach komen wolt wie vor steet.
Vnd so die ordnung also furgnomen, so ist an zweiuel, es wur-
den vil treffenlichen lute das crucz annemen, die dann zw den
kriegslüffen tüglich vnd auch mit zerung versehen wárn; vnd des-
halben so wurd die obgemalt zale der zwainczigk oder vier vnd
zwanczigk tausent vast erhóhet vnd gemeret.
Item es sóllen auch einem yeden óbristen hauptman zwien, ainer
von vnsers hailigen vaters des baptes, vnd der ander von (von) vnsers
herren des kaysers Wegen, zügegeben werden; mit der selben hilff
vnd beystandt sol der hauptman sein volk ordnen, den krieg, wie
der auff den táge alhie furzunemen beschlossen wurdet, hanndeln
vnd vben; vnd dieselben zwien sollen auch, wann sy von dem
hauptmar darumb ersucht werden, der cristenhait zü gut, ir Óbrig-
kait vnd der straff gegen den vngehorsam vnd vnderwártigen prau-
chen vnd des von bapsts vnd kaysers vollenn gantzen gewalt vnd
macht haben, auff das vnder dem volk gehorsam gehannthabt vnd
zwitrácht verchomen werde,
Ob man mer lüte not sein wurde, sol der hauptman mitsampt den
zwayen, so ym von bapst vnd kayser zugeordnet wurden, vollen ge-
walt vnd macht haben, weyter vmb hilff vnd beystandt in das gancz
reich auszwschreiben vnd bey penen zu gepieten.
Vnd ainem yedlichen óbristen hauptman sol ain auszaygen ettli-
cher lannde bescheen vnd die cruczen, so aus denselben lannden vnd
steten darinne gelegen, wider den Górsicken vnd seinen anhanngk
ziehen werden, sollen vnder dem hauptman sein, dem dieselben lannde
oder stete angezaygt werden.
Item man maint auch, ob in dem kunfftigen summer vnd winter
die sach wie vorstat nicht geendet wurde, das man damit nicht ab-
lassen, sunder die keczerey in Beheim geleichwol darnach auszwrew-
ten mit getrewen fleys vnd ernst sich vndersteen soll, vnd dem nach
das den obgemelten hauptlüten die vorgenante zale zw ros vnd zw
fuss ainem yeden auf den summer, als man in dem sibentzigisten jare
Zelen in allermassen zugegeben wurde, als er die auf disen nachst-
kunfftigisten summer, als oben gesaczt ist, haben sol. Also das er auf
sand Jórgen tage desselben sibentzigisten járigen summers mit der
gemelten anzale volks vnd vmb zu Beheim erschein den sachen mit
dem krieg vnd ernst denselben summer vnd winter darnach ferrer
nachzügeen gleicher weyse er in dem nachstkunfftigen summer vnd
winter wie vorsteat tun soll.
37
