9.
PROGRAM JEDNÁNÍ NA SNĚMĚ NORIMBERSKÉM STRAN
KRÁLE ČESKÉHO
Před 11. květnem, 1469.
Archives de ville, Strasbourg, AA, 213, Nr. 6.
VON disen hernach geschriben stucken vnd capiteln ist zw reden
vnd zw ratschlagen, dach dem bäpstlichen legaten vnd kayserlichen
anwalt an iren bápstlichen vnd kayserlichen bevelhen, massen vnd
ordnungen wie dann das die bullen vnd brieffe daruber gegeben
innen halten, gantz vnvergriffenlich.
Des ersten, das in dem schierstkunfftigen summer, vmb sand
Johannem baptisten tage ain mercklich volk zu ross vnd fuss, mit
namen auf das mynst zwainczigk oder vier vnd zwainzigk tausent
manne, der sechs tausent zü ross, vnd die andern zu fuss, die dann
ZW.der were geschickt vnd mit harnasch, buchsen vnd andern
sachen darzü gehórende wol versehen sein, den Gorsicken vnd sein
anhanng zü beziehen gesandt werden sollen.
Item dem selben volk sollen etlich namhafftig curfursten oder
fursten, des oder der man sich dann verainigt, zü obristen haupt-
lüten von vnsers hailigen vaters, des bapstes vnd vnsers herren,
des kaysers wegen gegeben werden.
Item, ob man in rate fund, das mer dann ain hauptman sein solt,
das dann ainem yedem hauptman ain nemlich anzale des vorge-
melten volks zü ross vnd fuss zugeordnet wurde, das vnder seiner
hauptmanschafft vnder im in den sachen wider den Górsicken vnd
seinen anhanngk gehorsam vnd gewartig wire.
Nemlich so solt auch ain yeder curfurst, furst, grave, herr, ritter,
knecht, stat vnd ander das volk, so er vnd sy also schicken wur-
den, mit gelt, harnasch vnd andern notturfften zü den sachen ge-
hórende also versehen, das er zum mynsten bis sand Martins tage
schierstkommend zu Beheim, bey seinem hàuptman bleiben vnd den
krieg wider den Górsicken vnd seinen anhanngk, wie hernach steet,
üben möchte,
Es solt auch da bey gehanndelt werden, ob die sach durch den
krieg oder sunst hie zwischen sand Martins tage nicht geendet wurde,
das ain yeder hauptman ain anzale seines volkes zw fuss von
vorigten (sic) winter im kunigkreich lies die mit sampt dem volk,
so der durchlüchtigist kunigk zw Hungern etc. auch zw Beheim
35
