seigneuries et de ceulx dont nous avons le gouvernement, et à leurs
lieuxtenans salut.
Comme pour obvier aux trés grans et dampnables maulx, perils
et inconvéniens irréparables, qui au vitupére, e scandale et énorme
lésion de nostre foy catholique et de nostre mére Saincte Eglise en
notre grant déplaisance estoient apparant d'avenir en noz pays et
seigneuries de par deca, mesmement en noz ville et chatellenie de
Lille, à cause de ce que plusieurs noz subgiez puis peu de temps
en ca, par la séduccion de l'ennemi, ont tenu, creu et dogmatisé
plusieurs des erreurs dampnables que tiennent contre nostre foy
chrestienne et nostre mére Sainte Eglise les faulx hérites Praguois;
et pour décevoir autres simples gens esdits erreurs en la secte
dampnable et perverse desdits Praguois, ont tenu plusieurs conven-
ticles secrés en lieux souspecconneux et à heures suspecttes.
Ayant aprés deues informacions sur ce faicte plusieurs foys devant
les juges de la foy, et plusieurs de nozdits subgez comme suspects
et chargiez des cas dessus dits (par espécial Aleaume Polet, Thomas
Vuemel, Pierart du Puch, Piérart Estoquiel, de Lille; Colart Gulant,
Jehan Hacoul, Piat Morel, Jacot de Goutiéres, Mahieu Quedin, de
Seclin; Jehan du Pire, Gillot Flament, Jehan de Hellin, Henri Des
Mons, d'Avelin; Jehan Dannetiéres, Piérart le. Maire, d'Annevelin;
Jehan d'Egremont dit le Brun, de Fretin; Jehan Tart, de Torquoing ;
Vincent Blahuer, Piérart Brassart, de Landas; et Jehan du Breuch,
d'Avechin), lesquelz ainsi évoquiez n'ont voulu retourner à obéissance
de nostre dite mére Sainte Eglise ne eulx reconscillier à icelle, ains
soit comme obstinez en leurs malices se sont les aulcuns d'eulx
absentez et rendus fugitifs, et les autres en lieux secrez de noz
dittes villes et pays se treuvent... et recelement.
Pour ce est-il que nous qui, comme prince catholique, pour le
soustenement de nostre foy et de nostre mére Sainte Eglise voul-
drions notre personne et de noz vassaux... Et bien vueillans . . .,
et que cette matiére avons trés à cuer et ne la vouldrions pour
nulle chose tolérer ne dessimuler — vous mandons et commettons
et à chacun de vous comme à lui appartendra, trés estroitement et
nomément, que lesdits Aléaume Polet, Thomas Vuemel et autres
dessus nommez, quelque part que les pourra trouver, en lieu saint
ou dehors, vous les prenez pour les rendre toutesfois et délivrer
aux prélas et inquisiteurs juges en ceste matiére, pour en faire ce
que de raison appartendra. Et néantmoins tous autres, dont par
lesdits juges sera requiz et qu'ilz vous affermeront estre coulpables
des erreurs dessus dites, ou d'avoir récepté, favorisiez, recelé ou
déffendu les dessuz nommez ou autres semblables, pareillement,
114
