lite vnd gemain ritterschafft in Swaben der gesellschaft mit sant Geo-
rienschilte, vnser vndertànig, willig, frántlich dienst, vnd was wir
eren, liebes vnd gütz vermogen mit sundern gantzen willen zü voran
vmbe drossenlich berait, Vns zwiefelt niht ir haben die grossen,
swären lôffe in dem lande zü Behaim erwachssen, vnd wie da
durch lange zit manig from cristenmensch verarmt, ertótet vnd ge-
martet ist, sonder zü vorderst cristenlicher geloub geswechert wirt,
etc. lang vnd wol verstanden. Nu sind vns ietzund von fürsten, herren,
rittern, knechten vnd stetten, wie die ketzer von Beheim in dem
lande zu Missen vnd in der hocbgebornen vnd hochvirdigen fürsten
vnser gnádigen herren, her[re]n Fridrichs, marggrave zu Brandenburg
vnd etc, des bischoffs von Babenberg dasselbe slosse Babemberg, als
wir vernommen, sy ouch gewonnen vnd ingenommen haben vnd in
andern landen daby solich gross berlich übeltat vnd misshandeln an dem
hailigen sacrament des erwirdigen fronlich[n]ams vnsers herren Jhesu
Crysti zu vorderst, an zerstóren der hailigen gotzhusern, an verderben
vnd vertriben alles wesens gaistlicher vnd weltlicher personen, edler vnd
vnedler, so su téglichs ane uffnóren begend vnd fürnemend vnd sich
für Nüremberg zü legern maynen von den lóffen allen wie swere, wie
gross vnd wie ernstlich sú an in selbs sind grüntlich in geschrifft mit
sin zü begriffend vnd schnells da wider helfen, zü tüend, also klaglich,
angstlich vnd jamerlich briefe, gebette vnd anrüfung komen, das den
hailigen cristenlichen gelouben, die hailigen cristenhait vnd die frommen
cristenmenschen zü retten, uffzühalten züsterggend vnd wider zü bringen
nie so not getan hatt. Vnd wanne also vns bedunket ain ieglicher cris-
tenlicher mensch durch solich grosse übel, jamer vnd not in allem sinem
gemüte beswóret vnd dawider nach sinen statten zü tünd in sine[m]
gewissen billich geraitzet vnd genaiget sin sol, darumb zü lobe Gott dem
almechtigen, der werden himelküngin, der rayner jungfrówen, siner
lieben müter Maryen vnd dem hailigen ritter, sant Georien zü ret-
tung, zü uffhaltung vnd zü widerbringung des hailigen cristenlichen
geloubens zü wirden vnd zú eren dem hailigen Rómischen riche
vnd sonder zü trost, zü helff, zü vestung vnd zü sterggund der
cristenlichen menschen, so teglichs der grossen jamer not vnd wider-
wertikait wartend sind, wellend wir uff sinstag néchst vor sant
Mathyas tag des hailigen zwolffbotten schierestkomende tusend
raisiger pfert wollerzügt vnd vssgerüstet vmb Nórdlingen haben
fürer gen Nüremberg zü oder an ander ende, da das not wirt zü
ziehen vnd mit bezügtem füssvolk, ob das not wirt, also vil wir
vermógen nachzüziehend gerichtet sin vnd wyle wir von den obge-
Schribenen fürsten, herren, rittern, knechten vnd stetten menglich,
den wir erlangen mógend anzürüffend vnd zu solich gross jamer
112
