| s-1
| Vepsän mal eläba vägevad da melekahad naižed , kudambad ičeze melel da surel tabal voiba tehta kaiken ičeze kanzan da kodiman täht . |
| s-2
| Natalja Silakova om üks' heišpäi . |
| s-3
| Hänen elo om omištadud korktale azjale – vedäda ristituid da tehta kaiken heiden hüvüden täht . |
| s-4
| Nügüd' hän om Kalag' - külän pämez' da läz kaht vot hän oli Vepsän kul'tursebran pämehen . |
| s-5
| Nece rad pakičeb vastusenpidändad da väged . |
| s-6
| No suren taban taga om peittud čoma da laskav naine , kudambal om ičeze uništusid da tahtoid . |
| s-7
| Minei tuli oza vastatas Natalja Silakovanke Kalages , ani hänen jubilejan edel , mitte om 23. sügüz'kud . |
| s-8
| Išttes čomal Änižjärven randal hän starinoiči : – Minä olen sündnu Piterin agjaha , Himjogi - külähä . |
| s-9
| Se seižub ei lujas edahan Kaskezaspäi , Piterin agjan da Karjalan valdkundan röunal . |
| s-10
| Konz minä olen sündnu , vanhembad da mö vellenke ajoim elämaha Kaskez - posadaha . |
| s-11
| Sikš meletan , miše minun jured oma Kaskez - posadaspäi , ved' minä laps'aigaspäi elin neciš vepsläižes küläs . |
| s-12
| Sigä seižub meiden kanzan pert' , necen sijan polhe minun südäimes eläba kaiked lämembad johtutesed . |
| s-13
| Pagištihe-ik Teiden kanzas vepsän kelel ? |
| s-14
| Ka , minä muštan , miše meiden kanzas kaiken aigan kului vepsän pagin . |
| s-15
| Tatan polespäi kaik oma vepsläižed . |
| s-16
| Minun mamoi om venälaine , no konz kanzas pagištihe vepsän kelel , ka hän el'genzi lujas hüvin . |
| s-17
| Muštat-ik Tö ičetoi školan vozid ? |
| s-18
| Kaskezas ei olend školad , sikš kaik lapsed Kaskezaspäi da Tožegespäi käveliba Kalag' - külän školha . |
| s-19
| Nece oli puine , kulu škol , kus openzihe kahesa klassad . |
| s-20
| Lapsed toižiš külišpäi eliba internatas . |
| s-21
| Vaiše lebupäivile lapsed voiba ajada kodihe , vastatas vanhembidenke . |
| s-22
| Minä en navedind eläda internatas , en voind eläda edahan kanzaspäi . |
| s-23
| Sikš paksus minä ajoin avtobusal Toižegehesai , a sid' jaugai kävelin Kaskezaha . |
| s-24
| Homendesel ajoin školha mašinal kiviradnikoidenke , kudambad radoiba ORDas Kalag' - küläs . |
| s-25
| Vepsän kel't školas ei olend . |
| s-26
| Eskai ei sand pagišta sil . |
| s-27
| Vaiše babad kodiš pagižiba vepsän kelel . |
| s-28
| Nügüd' minä tahtoižin , miše lapsed pagižižiba vepsän kelel , miše ristitud muštaižiba ičeze jurid . |
| s-29
| Om sel'ged , miše meiden vepsän mal eläba erazvuiččed rahvahad . |
| s-30
| Paksus hö tuleskeleba radmaha kivikarjeroihe vai kuna-se völ , i nece om hüvä , miše mö voim eläda hüväs kožmuses . |
| s-31
| No meile ei pida unohtada ičeze jurid da kodikel't . |
| s-32
| Ristitud , ked ei tekoi ičeze jurid , ei voigoi eläda hüvin necil mal , ei voigoi löuta ičtaze neciš mirus , ei voigoi kazvatada lapsid ičeze rahvahan veroid möto . |
| s-33
| Nügüd' kaikes mirus ristitud napriba tugeta ičeze rahvahid , tahtoiba teta ičeze kanzan istorijad . |
| s-34
| Minä meletan , miše nece om lujas hüvin . |
| s-35
| Meiden Kalag' - posadas mugažo tugedaba vepsän rahvast . |
| s-36
| Mö opendam vepsän kel't školas , tegem melentartuižid projektoid , tegem čomid koncertoid da praznikad , kus ristitud voiba johtutada ičeze jurid , panda päle vepsläižid sädoid da pagišta kodikelel . |
| s-37
| Jo toižen kerdan meiden posadas oli tehtud ' Kalarand ' - praznik . |
| s-38
| Se pidätas čomal sijal , Änižjärven randal . |
| s-39
| Nece praznik om kaks'keline . |
| s-40
| Mö pagižem sil kut vepsän kelel , muga venän-ki kelel . |
| s-41
| Mö naprim tehta muga , miše lapsed da heiden vanhembad , adivod da külän eläjad el'gendaižiba toine_tošt . |
| s-42
| Kacmata sihe , meiden praznikal lujas paksus kulub vepsän pagin . |
| s-43
| Lapsed da pajosebrad pajataba vepsän kelel , praznikan vedäjad terverhtoitaba adivoid vepsän kelel . |
| s-44
| Mittušt professijad Tö valičit školan jäl'ghe ? |
| s-45
| Kut elo-oza vedi Teid nügüdläižele radsijale ? |
| s-46
| Ka , minun elos oli äi professijoid da äi radod-ki . |
| s-47
| Ezmäi minun rad ei koskend vepsläižid . |
| s-48
| Minä lopin kooperativižen tehnikuman , sid' radoin magupaštatesiden paštajan da sen jäl'ghe radoin pähižiden omblijan . |
| s-49
| Nece oli hüvä rad , eskai ühtnin konkursoihe da sain ezmäižid sijoid . |
| s-50
| I muga oli kaikes rados . |
| s-51
| Nece om minun elon sänd – ku minä pätin tehta midä-se , ka minei pidab tehta necidä lophusai . |
| s-52
| Oli-ik mugoine aig , konz Teile pidi vajehtada ičetoi elod ? |
| s-53
| Äjak-se aigad mindai ei olend Venämal . |
| s-54
| Minä ajoin radmaha verhaze maha . |
| s-55
| Sigä om toine elo , toižed ristitud oma ümbri sinus . |
| s-56
| I konz minä pördimoi kodimale , minä el'genzin , miše tägä minä en voi kävutada ičein tedoid , en voi rata nikus . |
| s-57
| Sil aigal minä pätin udes išttas partan taga , i konz minei oli 40 vot , minä udes mänin opendamhas . |
| s-58
| Minä valičin oiktuz'tedon alovehen . |
| s-59
| Muštan , miše ezmäi oli lujas jüged opetas , el'geta da panda muštho kaik tedoid . |
| s-60
| Hüvä , miše minun elos oliba ristitud , kudambad abutiba minei da kaiken tugeziba . |
| s-61
| Heiden abul da ičein surel naprindal minä sain diploman i radoin völ erazvuiččiš sijoiš . |
| s-62
| Ozutesikš , radoin opendajan institutas , lugin lekcijoid läz 15 vot . |
| s-63
| Konz Tö zavodit rata vepsläižidenke ? |
| s-64
| Mitte radsija nügüd' Teil om ? |
| s-65
| Minä kaiken aigan navedin ühtneda vepsläižiden eloho . |
| s-66
| Olin Vepsän kul'tursebran aktivižen ühtnikan . |
| s-67
| No oli aig , konz minä zavodin rata vepsläižidenke enamba i el'genzin , miše minei pidab völ enamba abutada heile , i oigeta kaik ičein väged neche radho . |
| s-68
| Sil-žo aigal minun päha tuli meletuz – tehtas Kalag' - külän pämeheks . |
| s-69
| Minä meletin pit'kha , pidab-ik minei tehta necidä . |
| s-70
| Valičusiden edel minä tahtoin el'geta , voin-ik minä tehta midä-se ut da hüväd külän eläjiden täht . |
| s-71
| Minä tahtoin kut-se vajehtada elod küläs , kaita vepsläšt kul'turad da kel't . |
| s-72
| Nece om lujas jüged rad , tehta vajehtusid ei ole kebn da teravas azj . |
| s-73
| Ristitud paksus küzuba , pakičeba meid , no kaikile pidab el'geta , miše ei voi pätta kaik problemad ühtes päiväs , sen täht pidab aigad . |
| s-74
| A vodel 2017 mindai valitihe Vepsän kul'tursebran pämeheks . |
| s-75
| Nece rad om tärged , ved' mö voim kirjutada projektoid da tehta äjan vepsläižiden täht . |
| s-76
| Se abutab kaita rahvast da noustatada ristituiš rahvahališt ičetundmust . |
| s-77
| Ned oma vägevan vepsläižen naižen sanad . |
| s-78
| Niiš om sur' armastuz ičeze rahvahaze da kodimaha , a völ nece om toiv , miše meiden vepsän rahvaz eläškandeb paremba . |
| s-79
| Mö ozatelem Natalja Jevgenjevnad sündundpäivänke . |
| s-80
| Toivotam hänele kovad tervhut , väged da korktad ozad . |
| s-81
| Natalja Silakova johtutab ristituile , kut pidab armastada ičeze rahvast , kel't da kodimad . |
| s-82
| Hän abutab udessündutada Kalag' - küläd da paremboita külän eläjiden elod . |
| s-83
| Nece rad ei ole kebn , no se om lujas tärged meiden täht . |
| s-84
| Išttes čomal Änižen randal Natalja Jevgenjevna andoi vastusid minun küzundoihe . |
| s-85
| Vaiše aldod da kajagad kuliba meiden paginad . |
| s-86
| Om Vologdan agjas čoma vepsläine der'oun – Päžar' . |
| s-87
| Seižub se mecoiden keskes , Päžarven da Kod'arven randoil . |
| s-88
| Ken tuleb Päžarvehe , ka kaičeb necen tahon südäimes i pördase tänna völ kerdan . |
| s-89
| Mi vedäb neche tahoze ristituid ? |
| s-90
| Tägä ei ole sotovijad sidod , tänna ei ajelkoiš avtobusad . |
| s-91
| Necen der'ounan päbohatuz om rahvaz . |
| s-92
| Tägä eläba vepsläižed . |
| s-93
| Päžar'laižed navediba ičeze mad , kaičeba sidä i pagižeba kodimal vaiše armhal vepsän kelel . |
| s-94
| Hö vasttaba tulnuzid heiden pertihe adivoid lämäs – jotaba čajul , sötaba pirgoil da surel tahtol starinoičeba , kut der'oun eläb nügüd' da sen enččen elon polhe . |
| s-95
| Kezal Päžarves elo kehub – irdal vändaba lapsed , lehmäižed käveleba der'ounadme , linmaiš pertidenno radaba tägälaižed eläjad , a nituil nittas heinäd da pandas kegoid . |
| s-96
| Tal'vel Päžarvehe jäb läz 40 mest . |
| s-97
| No kaikse elo tägä ei azotade . |
| s-98
| Lauk ajelese tänna kaks' kerdad nedališ , om tägä počt-ki , radab kirjišt . |
| s-99
| Tuldes Päžarvehe kaik rigehtiba kacmaha sijališt muzejad . |
| s-100
| Todeks sanuda , siš om midä kacta ! |