| s-1
| soror Tonantis hoc enim solum mihi nomen relictum est semper alienum Iouem ac templa summi uidua deserui aetheris locumque caelo pulsa paelicibus dedi tellus colenda est paelices caelum tenent |
| s-2
| hinc Arctos alta parte glacialis poli sublime classes sidus Argolicas agit hinc qua tepenti uere laxatur dies Tyriae per undas uector Europae nitet illinc timendum ratibus ac ponto gregem passim uagantes exerunt Atlantides |
| s-3
| ferro minax hinc terret Orion deos suasque Perseus aureus stellas habet hinc clara gemini signa Tyndaridae micant quibusque natis mobilis tellus stetit |
| s-4
| nec ipse tantum Bacchus aut Bacchi parens adiere superos ne qua pars probro uacet mundus puellae serta Gnosiacae gerit |
| s-5
| sed uetera sero querimur una me dira ac fera Thebana tellus nuribus a sparsa impiis quotiens nouercam fecit |
| s-6
| escendat licet meumque uictrix teneat Alcmene locum pariterque natus astra promissa occupet in cuius ortus mundus impendit diem tardusque Eoo Phoebus effulsit mari retinere mersum iussus Oceano iubar |
| s-7
| non sic abibunt odia uiuaces aget uiolentus iras animus et saeuus dolor aeterna bella pace sublata geret |
| s-8
| quae bella |
| s-9
| quicquid horridum tellus creat inimica quicquid pontus aut aer tulit terribile dirum pestilens atrox ferum fractum atque domitum est |
| s-10
| superat et crescit malis iraque nostra fruitur in laudes suas mea uertit odia dum nimis saeua impero patrem probaui gloriae feci locum |
| s-11
| qua Sol reducens quaque deponens diem binos propinqua tinguit Aethiopas face indomita uirtus colitur et toto deus narratur orbe |
| s-12
| monstra iam desunt mihi minorque labor est Herculi iussa exequi quam mihi iubere laetus imperia excipit |
| s-13
| quae fera tyranni iura uiolento queant nocere iuueni |
| s-14
| nempe pro telis gerit quae timuit et quae fudit armatus uenit leone et hydra |
| s-15
| nec satis terrae patent effregit ecce limen inferni Iouis et opima uicti regis ad superos refert |
| s-16
| parum est reuerti foedus umbrarum perit uidi ipsa uidi nocte discussa inferum et Dite domito spolia iactantem patri fraterna |
| s-17
| cur non uinctum et oppressum trahit ipsum catenis paria sortitum Ioui Ereboque capto potitur et retegit Styga |
| s-18
| patefacta ab imis Manibus retro uia est et sacra dirae mortis in aperto iacent |
| s-19
| at ille rupto carcere umbrarum ferox de me triumphat et superbifica manu atrum per urbes ducit Argolicas canem |
| s-20
| uiso labantem Cerbero uidi diem pauidumque Solem me quoque inuasit tremor et terna monstri colla deuicti intuens timui imperasse |
| s-21
| leuia sed nimium queror caelo timendum est regna ne summa occupet qui uicit ima sceptra praeripiet patri |
| s-22
| nec in astra lenta ueniet ut Bacchus uia iter ruina quaeret et uacuo uolet regnare mundo |
| s-23
| robore experto tumet et posse caelum uiribus uinci suis didicit ferendo subdidit mundo caput nec flexit umeros molis immensae labor meliusque collo sedit Herculeo polus |
| s-24
| immota ceruix sidera et caelum tulit et me prementem quaerit ad superos uiam |
| s-25
| perge ira perge et magna meditantem opprime congredere manibus ipsa dilacera tuis quid tanta mandas odia |
| s-26
| discedant ferae ipse imperando fessus Eurystheus uacet |
| s-27
| Titanas ausos rumpere imperium Iouis emitte Siculi uerticis laxa specum tellus gigante Doris excusso tremens supposita monstri colla terrifici leuet sublimis alias Luna concipiat feras sed uicit ista |
| s-28
| quaeris Alcidae parem |
| s-29
| nemo est nisi ipse bella iam secum gerat |
| s-30
| adsint ab imo Tartari fundo excitae Eumenides ignem flammeae spargant comae uiperea saeuae uerbera incutiant manus |
| s-31
| i nunc superbe caelitum sedes pete humana temne |
| s-32
| iam Styga et Manes ferox fugisse credis |
| s-33
| hic tibi ostendam inferos |
| s-34
| reuocabo in alta conditam caligine ultra nocentum exilia discordem deam quam munit ingens montis oppositi specus educam et imo Ditis e regno extraham quicquid relictum est ueniet inuisum Scelus suumque lambens sanguinem Impietas ferox Errorque et in se semper armatus Furor hoc hoc ministro noster utatur dolor |
| s-35
| incipite famulae Ditis ardentem citae concutite pinum et agmen horrendum anguibus Megaera ducat atque luctifica manu uastam rogo flagrante corripiat trabem |
| s-36
| hoc agite poenas petite uitiatae Stygis |
| s-37
| concutite pectus acrior mentem excoquat quam qui caminis ignis Aetnaeis furit ut possit animo captus Alcides agi magno furore percitus uobis prius insaniendum est |
| s-38
| Iuno cur nondum furis |
| s-39
| me me sorores mente deiectam mea uersate primam facere si quicquam apparo dignum nouerca uota mutentur mea natos reuersus uideat incolumes precor manuque fortis redeat |
| s-40
| inueni diem inuisa quo nos Herculis uirtus iuuet |
| s-41
| me uicit et se uincat et cupiat mori ab inferis reuersus |
| s-42
| hic prosit mihi Ioue esse genitum |
| s-43
| stabo et ut certo exeant emissa neruo tela librabo manu regam furentis arma pugnanti Herculi tandem fauebo scelere perfecto licet admittat illas genitor in caelum manus |
| s-44
| mouenda iam sunt bella clarescit dies ortuque Titan lucidus croceo subit |
| s-45
| iam rara micant sidera prono languida mundo nox uicta uagos contrahit ignes luce renata cogit nitidum Phosphoros agmen signum celsi glaciale poli septem stellis Arcados ursae lucem uerso temone uocat |
| s-46
| iam caeruleis euectus equis Titan summa prospicit Oeta iam Cadmeis incluta Bacchis aspersa die dumeta rubent Phoebique fugit reditura soror |
| s-47
| labor exoritur durus et omnis agitat curas aperitque domos |
| s-48
| pastor gelida cana pruina grege dimisso pabula carpit ludit prato liber aperto nondum rupta fronte iuuencus uacuae reparant ubera matres errat cursu leuis incerto molli petulans haedus in herba |
| s-49
| pendet summo stridula ramo pinnasque nouo tradere soli gestit querulos inter nidos Thracia paelex turbaque circa confusa sonat murmure mixto testata diem |
| s-50
| carbasa uentis credit dubius nauita uitae laxos aura complente sinus |
| s-51
| hic exesis pendens scopulis aut deceptos instruit hamos aut suspensus spectat pressa praemia dextra sentit tremulum linea piscem |
| s-52
| haec innocuae quibus est uitae tranquilla quies |
| s-53
| et laeta suo paruoque domus spes immanis urbibus errant trepidique metus |
| s-54
| ille superbos aditus regum durasque fores expers somni colit hic nullo fine beatas componit opes gazis inhians et congesto pauper in auro |
| s-55
| illum populi fauor attonitum fluctuque magis mobile uulgus aura tumidum tollit inani hic clamosi rabiosa fori iurgia uendens improbus iras et uerba locat |
| s-56
| nouit paucos secura quies qui uelocis memores aeui tempora numquam reditura tenent |
| s-57
| dum fata sinunt uiuite laeti properat cursu uita citato uolucrique die rota praecipitis uertitur anni durae peragunt pensa sorores nec sua retro fila reuoluunt |
| s-58
| at gens hominum fertur rapidis obuia fatis incerta sui Stygias ultro quaerimus undas |
| s-59
| nimium Alcide pectore forti properas maestos uisere Manes certo ueniunt tempore Parcae |
| s-60
| nulli iusso cessare licet nulli scriptum proferre diem recipit populos urna citatos |
| s-61
| alium multis gloria terris tradat et omnes fama per urbes garrula laudet caeloque parem tollat et astris alius curru sublimis eat me mea tellus Lare secreto tutoque tegat |
| s-62
| uenit ad pigros cana senectus humilique loco sed certa sedet sordida paruae fortuna domus alte uirtus animosa cadit |
| s-63
| sed maesta uenit crine soluto Megara paruum comitata gregem tardusque senio graditur Alcidae parens |
| s-64
| o magne Olympi rector et mundi arbiter iam statue tandem grauibus aerumnis modum finemque cladi |
| s-65
| nulla lux umquam mihi secura fulsit finis alterius mali gradus est futuri |
| s-66
| protinus reduci nouus paratur hostis antequam laetam domum contingat aliud iussus ad bellum meat nec ulla requies tempus aut ullum uacat nisi dum iubetur |
| s-67
| sequitur a primo statim infesta Iuno numquid immunis fuit infantis aetas |
| s-68
| monstra superauit prius quam nosse posset |
| s-69
| gemina cristati caput angues ferebant ora quos contra obuius reptabat infans igneos serpentium oculos remisso lumine ac placido intuens artos serenis uultibus nodos tulit et tumida tenera guttura elidens manu prolusit hydrae |
| s-70
| Maenali pernix fera multo decorum praeferens auro caput deprensa cursu maximus Nemeae timor pressus lacertis gemuit Herculeis leo |
| s-71
| quid stabula memorem dira Bistonii gregis suisque regem pabulum armentis datum solitumque densis hispidum Erymanthi iugis Arcadia quatere nemora Maenalium suem taurumque centum non leuem populis metum |
| s-72
| inter remotos gentis Hesperiae greges pastor triformis litoris Tartesii peremptus acta est praeda ab occasu ultimo notum Cithaeron pauit Oceano pecus |
| s-73
| penetrare iussus solis aestiui plagas et adusta medius regna quae torret dies utrimque montes soluit ac rupto obice latam ruenti fecit Oceano uiam |
| s-74
| post haec adortus nemoris opulenti domos aurifera uigilis spolia serpentis tulit quid saeua Lernae monstra numerosum malum non igne demum uicit et docuit mori solitasque pinnis condere obductis diem petit ab ipsis nubibus Stymphalidas |
| s-75
| non uicit illum caelibis semper tori regina gentis uidua Thermodontiae nec ad omne clarum facinus audaces manus stabuli fugauit turpis Augei labor |
| s-76
| quid ista prosunt |
| s-77
| orbe defenso caret |
| s-78
| sensere terrae pacis auctorem suae abesse tristes prosperum ac felix scelus uirtus uocatur sontibus parent boni ius est in armis opprimit leges timor |
| s-79
| ante ora uidi nostra truculenta manu gnatos paterni cadere regni uindices ipsumque Cadmi nobilis stirpem ultimam occidere uidi regium capitis decus cum capite raptum |
| s-80
| quis satis Thebas fleat |
| s-81
| ferax deorum terra quem dominum tremis |
| s-82
| e cuius aruis eque fecundo sinu stricto iuuentus orta cum ferro stetit cuiusque muros natus Amphion Ioue struxit canoro saxa modulatu trahens in cuius urbem non semel diuum parens caelo relicto uenit haec quae caelites recepit et quae fecit et fas sit loqui fortasse faciet sordido premitur iugo |
| s-83
| Cadmea proles atque Ophionium genus quo reccidistis |
| s-84
| tremitis ignauum exulem suis carentem finibus nostris grauem |
| s-85
| qui scelera terra quique persequitur mari ac saeua iusta sceptra confringit manu nunc seruit absens fertque quae fieri uetat tenetque Thebas exul Herculeas Lycus |
| s-86
| sed non tenebit |
| s-87
| aderit et poenas petet subitusque ad astra emerget inueniet uiam aut faciet |
| s-88
| adsis sospes et remees precor tandemque uenias uictor ad uictam domum |
| s-89
| emerge coniunx atque dispulsas manu abrumpe tenebras nulla si retro uia iterque clusum est orbe diducto redi et quicquid atra nocte possessum latet emitte tecum |
| s-90
| dirutis qualis iugis praeceps citato flumini quaerens iter quondam stetisti scissa cum uasto impetu patuere Tempe pectore impulsus tuo huc mons et illuc cessit et rupto aggere noua cucurrit Thessalus torrens uia talis parentes liberos patriam petens erumpe rerum terminos tecum efferens et quicquid auida tot per annorum gradus abscondit aetas redde et oblitos sui lucisque pauidos ante te populos age |
| s-91
| indigna te sunt spolia si tantum refers quantum imperatum est |
| s-92
| magna sed nimium loquor ignara nostrae sortis |
| s-93
| unde illum mihi quo te tuamque dexteram amplectar diem reditusque lentos nec mei memores querar |
| s-94
| tibi o deorum ductor indomiti ferent centena tauri colla tibi frugum potens secreta reddam sacra tibi muta fide longas Eleusin tacita iactabit faces |
| s-95
| tum restitutas fratribus rebor meis animas et ipsum regna moderantem sua florere patrem |
| s-96
| si qua te maior tenet clausum potestas sequimur aut omnes tuo defende reditu sospes aut omnes trahe |
| s-97
| trahes nec ullus eriget fractos deus |
| s-98
| o socia nostri sanguinis casta fide seruans torum natosque magnanimi Herculis meliora mente concipe atque animum excita |
| s-99
| aderit profecto qualis ex omni solet labore maior |
| s-100
| quod nimis miseri uolunt hoc facile credunt |