| s-1
| Кытур ынӈытэӄэ Медведев прэзидэнто энма Канчаланэты гэрэмкичиԓин. |
| s-2
| Ынкъа ԓюут ӈыръа вертолёттэ вакъогъатӈа . |
| s-3
| Ныныпчеӈивйивӄин коԓё нымныма Медведевъым . |
| s-4
| Гэчевкы нынтыӄин таӈкоԓё ынкы ныгынритӄин. |
| s-5
| Ԓюутэ Абрамович ӈыронвертолёта вакъогъэ нэмыӄэй. |
| s-6
| Медведев ивкэ ԓыгэн ынкы напэԓягъан йъэԓыги Абрамович наягнагъан. |
| s-7
| Тыӈэԓӄотна нэнатвыӄэн. |
| s-8
| Ӄоԓе итгъэт ӄынвэтэ ӈиръэ ӈэвысӄэтти эԓерэты натанат. |
| s-9
| Ӄоԓ вэтгавӈавъым ӄоԓ камэԓгыӈав. |
| s-10
| Ынкы иԓирыкы нантыӈӈонатъым . |
| s-11
| Ӄоры ӄоԓетъыԓёӈ иквъэтэ оʼравэтԓьат эчвэра игыт мэтчимгъунӈээʼтэ . |
| s-12
| Этъым мыныгытынат мынривԓынэт. |
| s-13
| Ынпыначгын иквъиӈа амвынэ. |
| s-14
| Камэԓгыӈав ӄри ӄривԓыгыткы. |
| s-15
| Ынкъам вэтгавӈав виин ынкы опопы ӄээӄын нрэчимгъунӈэӈгъэн. |
| s-16
| Энмэн гатваԓен каԓьайӈын ынкъам пчеӄаԓгын. |
| s-17
| Ԓьувыԓгыгъэт. |
| s-18
| Иквъэт ги мынӄымԓёченмык. |
| s-19
| Каԓьайӈын эгэ мынӄымԓёченмэв. |
| s-20
| Каԓьайӈын нрзб янот гым мӄымԓёчетык. |
| s-21
| Пчеӄаԓгын иквъи эгэ евъев. |
| s-22
| Оонъыԓгыӄай пиринин. |
| s-23
| Энаркэынэн гыткаԓгыӄай. |
| s-24
| Выквыԓгыйӈын пиринин каԓьайӈа. |
| s-25
| Чит ӄымԓёркынэн пчеӄаԓгыӄай. |
| s-26
| Пчеӄаԓгыӄая гыткаԓгын гэнруԓтэтԓин. |
| s-27
| Оонъыԓгын гэтриԓԓин. |
| s-28
| Эв ии рыпэт чыпъэв. |
| s-29
| Ытръэч. |
| s-30
| Ӄэԓёӄъым эмнуӈкы гым гъурэтигымэ . |
| s-31
| Ытԓьатаӈ эмнуӈкы гэ гэнагтоԓен о. |
| s-32
| Ытԓыгыт ытԓьат ынӄэнэ Нутэвги и Омрыквытгавыт. |
| s-33
| Это она ытԓонъымыт ныԓгиныӈинӄинэ гаккантоԓен ынпычьын гымнин ынинэԓьын ынӄэнэ Котыгыргинэ Иван. |
| s-34
| Потом потом вслед конечно ынык я ч ыныкъым гъэмэтыԓенъымэ ынпыӈэв гымнинэ нутэӈэвыт. |
| s-35
| Ынӄэнэ чеԓг гачеԓгыръоԓенат гатъыԓыӈӈоԓенат. |
| s-36
| И ынӄэн уйӈэ гэнъэԓԓин гагаԓята аԓымы ӈавкэтԓьан. |
| s-37
| Потом конечно гымыкэ гымыкъымэ яачыкэнатэ . |
| s-38
| Вытгытчьэн нэмыӄэе ӈээккэӄэй нэмыӄэе гагаԓяԓен. |
| s-39
| Ынӄоры Оʼмрыӈа нагтоаʼн. |
| s-40
| Гымнинэ игыткин чакэттомгыт ымыԓьо Кымъытваԓьынтэыʼм . |
| s-41
| Ынӄорыӈ ытԓыгынэ гатъыԓыӈӈоԓен ынӄэн. |
| s-42
| Гаԓвавыӈӈоԓен ӄынвэт чейвыткук ынӄэнэ . |
| s-43
| Ымы эʼчек выква вык ныквынтоӄэн ынӄэнэ . |
| s-44
| Эʼчек выквыӄагтэ тэгнувъэԓеӄин ытԓьата энанымӈыԓяквъэ ынӄэн. |
| s-45
| Эʼчууԓгычыку ԓюут ръэнут пэгԓягъэ. |
| s-46
| Ӄытԓыги выквыԓгыӄай тэгнувъэԓеӄин тэгныкээӄин ынӄэнэ . |
| s-47
| Нивӄинъым ӄэԓюӄ мури ныԓгиныӈинмури ныӈинмуриыʼм ынӄэнэ ыʼттъыгрээн тынинтыгъэн выквыԓгыӄай. |
| s-48
| Уйӈэ эчимгъукыԓьымури ӄэԓюӄ нэмыӄэйъым читъым ынӄэнэ тынэёԓӄыԓьымэ ӈутку рэтԓетъёԓӄыԓ иʼнничгэ иʼнничгу гэтэйкытэ ынӄэн выквыԓгыӄай. |
| s-49
| Ынӄэнъым ынкъам гым итыкэ . |
| s-50
| Чакэттомгыӄай уйӈэ гагаԓяԓенъым . |
| s-51
| Гым ытԓьата гэнапытӄынԓыватԓен. |
| s-52
| Ынӄэнэ энмэч тъэргииӈит ӈэръамытԓыӈгээӈэԓьэвымэ панэнаыʼм ынӄэн ныԓёойгым ытԓьак ынӄэн. |
| s-53
| Яԓгытык яԓгыт ныяԓгынморэ нытарагӄэнатъым йъэԓыги гым ынӄэнэ ытԓьак тароӈыԓьын айкоԓятԓьын нинививым. |
| s-54
| Мэмэй аны мыммэмэаʼк. |
| s-55
| Ӈэвэӄъым нинивӄин. |
| s-56
| Аны евъев евъев. |
| s-57
| Гымъым ӄэԓюӄ ынпыӈэвӄэе эпэӄэйъымэ ынӄэнэ ынпычьын чакыгэт гымыкытԓьэн энмэч ынанэ нэмыӄэй гэнмэйӈэвԓинэтэ . |
| s-58
| Ӈирэчеӈэ ӄынутъымэ ганрагтатԓен ынӄэн ӄԓявыԓя тъэче эмӈинӄэгԓ эмнэнэнэԓьэыʼм ынӄэн ӄԓявыԓтэ. |
| s-59
| Ӄунэчеӈэ ыʼттъыёԓкэнъым итыкэ Ӄайвыквын ытри Ӄайвыквыӈа. |
| s-60
| Ӈинӄэгти ынан рымэйӈэвнинэт. |
| s-61
| Ӄоры нэмэӈэ уйӈэ нъэԓык тумгытумъым нэмэ ынӄэнэ . |
| s-62
| Нэмэ ганрагтатԓен нэмэӈэ ӈиръэ ӈинӄэгти Выквытыӈатъым Ԓьэтыӄай. |
| s-63
| Гым эмнуӈкы тъурэтгъэк. |
| s-64
| Гымнинэт ытԓьат гымнин ытԓыгын ынкъам ытԓя гымнинэт ытԓьат ынкъам ытԓыгыт чачча ныяԓгытӄэнатъым . |
| s-65
| Ԓюут ёоʼръогъэ. |
| s-66
| Ынӄо тыԓянвык нытваӄэн аԓвабригаден яратъым . |
| s-67
| Ынкы гым тъурэтгъэк аԓваярак. |
| s-68
| Гэмэԓетԓин айвэм эргатыкъым . |
| s-69
| Ытԓыгэ тэйкынин яраӈы. |
| s-70
| Ынӄо мури ыммэмы мытрагтымык. |
| s-71
| Ынӄо мытъяԓгынмык пятеԓьэпы. |
| s-72
| Ынйивӈэвэ мынпъоӈӈытамык. |
| s-73
| Ии. |
| s-74
| Янотъым гым трачаёгъа ынӄо мынпъоӈӈытама ӄэйвэм . |
| s-75
| Янотъым гымэ ӈинӄэгти каԓеткорагты трэнэквэтэвӈынэтъымэ . |
| s-76
| Тумгытумэ транӄамэтвавӈынъым . |
| s-77
| Ынӄо мынԓеркын. |
| s-78
| Чакэттэты трачаёсӄэвъым . |
| s-79
| Ынкъамэ триԓгытэквъэыʼм травэръэпыгъа трасапокгыпгъа. |
| s-80
| Ынӄо гыныкы травэтгавъёԓгыткогъам ынкъам мынԓеркын мынԓеркын. |
| s-81
| Эгэй. |
| s-82
| Торкаԓеткопааԓьэвым. |
| s-83
| Тыта тытаԓяпԓытконат ръэнутэт а. |
| s-84
| Ыʼттъымыт таԓяпԓыткогъэ. |
| s-85
| А та тытаԓяпԓытконат ыʼттъымыт. |
| s-86
| Кэԓеӈынэ ынӄэн ынпыӈэвӄэй гымнин Кэԓеӈынэ нэнамӈыԓёйгым. |
| s-87
| Эм тыта таԓяпԓыткоэʼ тытаԓяпԓыткоаʼ. |
| s-88
| Нивӄин ӄы ӄытаԓяпатгэ. |
| s-89
| Ну ынӄэнэ тынпыэʼн таԓяпат. |
| s-90
| Нывинтивым чама ынӄэн ԓгипыгыпгэтыԓьэтӄин таԓяпат. |
| s-91
| Оʼтчой ныпыгыпгэтыԓьэтӄин нинивигым. |
| s-92
| Вынэ эпэӄэй ынӄэнэ таԓяпат оʼтчой ԓгипыгыпгэттыԓеэркын. |
| s-93
| А ӄынгэргэквынъым . |
| s-94
| Оʼтчой нывакъотвайгым н нычимгъуйгым. |
| s-95
| Кытвыԓӄун миӈкыри мынгэргэвын. |
| s-96
| Эмӄэԓеԓвынэ нивигым этъым мыӄэпԓюгъэн. |
| s-97
| Н уттытъуԓӄэгти ни ни пэнъёԓгычыко нэнаёйгым. |
| s-98
| Ӄынвэт ынпыӈэвӄэй нэнамӈыԓёйгым. |
| s-99
| Эпэӄэй эты мыӄэпԓюгъэн что ли. |
| s-100
| Ӄоԓьым нытэнӈыткуӄин аны ванэ ӄъыԓтыёгэ. |