| s-401
| ʃeaβe ijɨβõmɨrwera βastião ʃemoawje . Nitɨβi ʃeaβaetepwera |
| s-402
| Akajwa ! |
| s-403
| Erekepe , Wajʃara ? Nerejuri ʃerepɨka ? |
| s-404
| Tete marã ejaβo mã ? Rorekaʔẽ ʃepopwa , ʃerapɨaβo , ʃeapɨpɨka . |
| s-405
| Ija mosapɨrɨ βe pekaj ojepewasune . |
| s-406
| Iaŋaturã , koʔɨre , paʔi Tupã rawsupa jẽ , ʃeremiarõ janune . |
| s-407
| Perorɨ , ʃeraʔɨreta , ʃeri . Ko ajko pepɨsɨrõmo . |
| s-408
| Ajur ɨβaka swi perokɨβɨja rupi jepi je pepɨtɨβõmo . |
| s-409
| Ko taβa renɨreme , pepɨri jẽ ʃerekow . narojaj mamõ ʃesow taβa raroanamo jẽ janejara ʃemoiŋow . |
| s-410
| Pejaβiʔõ paʔi Tupã karaiβeβe moiŋow . |
| s-411
| aʔe pemopɨatã ; aʔe ko pesumarã peʔaŋa swi imonow . |
| s-412
| Ojojá , ko janejara βoja , São Lourençoaŋaturama , osarõ jẽ peretama , Ajaŋa reitɨka pa , peẽte , pemopuʔama . |
| s-413
| São Seβastião aβe , marana rerekoarwera , tamũja , kɨreʔɨmβawera , omopaβ erimaʔe ; nitɨβaŋai setãmβwera . |
| s-414
| Opa , Paranapuku , Jakutiŋa , Moroʔɨ , Sariweia , wirɨrɨ , Pinoβa , Parigtiasu , Kurusa , Miapeʔɨ , Jaβeβirasɨka tapera akweime niporetai . |
| s-415
| Iawje muʔamarwera ; ojoɨβɨri seʔõmβwera paranã ɨβɨri ikwaj . |
| s-416
| sawsupara , ajurujuβa , mokaβa oweru tejẽ |
| s-417
| iaβaete muru supe São Seβastião ruʔuβa , São Lourenço pɨri βe . |
| s-418
| Memẽte nipo , peʔaŋa amota , iporawsuβ oka , koʔarapukuj ipokoka , imoaɨsoβo , imomoraŋa , tekopwera rekoaβoka . |
| s-419
| Peatõja nojpotari . Peʔaŋa rawsukatuape , oβojaramo perari . |
| s-420
| Peteumẽ pepoʃɨramo aŋire , tokajẽ perekopwera : kaʔu , awasanemwera , temoʔema , marã ʔe , joapisaβa , maranwera . |
| s-421
| Pesawsu pemojaŋara , peimoete paʔi Jesu . |
| s-422
| Sekoaŋaturãŋatu peretama rerekoara , São Lourenço , ajẽ ojpuru . |
| s-423
| Ijasear apɨaβaiβa sekoβe aβe rapɨaβo . |
| s-424
| Sosaŋ , tata poraraβo , omanõ rire torɨβa rerekoβo , oputuwaβo . |
| s-425
| Tupã sɨporaŋete , oropaβ oromanõmo . |
| s-426
| Oremoiŋoβe iepe , nememɨra mojɨrõmo , inõŋatwaβo , orerarõmo , oreʔaŋa pɨsɨrõmo . |
| s-427
| Ejori orerese nememɨra moŋetaβo , toroʔekatu tawje Ajaŋa rawsu peʔaβo , imomosema , imomoʃɨaβo , iʔaŋajpaβa momurwaβo . |
| s-428
| neporãŋatu rawsupa , tekoaʔiβa oromopo . nerese memẽ oroiko , neroβa repiakaʔupa , nerapekoβo , nesunesupa , oreɨβɨjme nererupa . |
| s-429
| Morawsuβerekosara , oroʔe paβẽ eneβo . |
| s-430
| Neporãŋatu rawsupa , tekoaʔiβa oromomo . nerese memẽ oroiko , neroβa repjakaʔupa , nerapekoβo , nesunesupa , oreɨβɨjme nererupa . |
| s-431
| Morawsuβerekosara , oroʔe paβẽ eneβo . |
| s-432
| jori , neporawsuβara mojaʔoiaʔoka oreβo , orerawsupa , oremoʔeβo , oreʔaŋa resapeβo . |
| s-433
| Emoierekuaβ oreβo Jesu , nememɨporaŋa . Teʔikatu oreʔaŋa seroβja , sawsuβeteβo , imomewaβo , ʔareareβo , iniβe nemoeteβo . |
| s-434
| janekajemire , janerawsupa , Tupã amõ kujãŋatu mojaŋi . |
| s-435
| Tupã sɨaŋaturama , ajeroβja nerese |
| s-436
| Ejpotamirĩumẽ , tatape ʃesoawama . |
| s-437
| Ejmojewasem Ajaŋa ; tojepeʔa ʃeswi . |
| s-438
| Ejmoiŋokatu ʃeʔaŋa , paʔi Tupã reko rupi . |
| s-439
| Aimono βejẽ ʃejeʔeŋa opaβejẽ peẽβe , xeraʔɨreta . Perawsupa e , perekomojaŋaβa aimono βejẽ peẽβe . |
| s-440
| Marãnamo ? |
| s-441
| Opaβejẽ peruβeteramo witekoβo e , perekokatu kajema swi . |
| s-442
| Nikatui jẽ ko janeretama pupe jẽ ; pereko pupe pekajemetekatwaβo , ʃeswi , cristãoramo pereko pupe . |
| s-443
| Ko ʃejeʔeŋa aimono βejẽ tekoaiβa swi pepɨsɨrõawama rese . |
| s-444
| Emonãramo , tapeikuwa paβẽ peposaŋa peẽβe ʃeremimono . |
| s-445
| Aiko niã ise peẽβe opaβejẽ maʔe mojaŋawama rese . |
| s-446
| Sasɨete ã iseβe maʔeaiβa peremimojaŋwera rese ko marana perawsuβareʔɨma . |
| s-447
| Marãramo , ko ɨβɨ poreteramo perekoreme , amarãmojaŋɨpe orewasemaβa ri ? |
| s-448
| Nasawsuβarɨpɨramo ruã sekow ? |
| s-449
| Maʔẽtepe e mokõj ɨwã maramojaŋape ? |
| s-450
| Orerese omaramojãβaʔe , apɨaβaiβa Pitikoara , kajẽmaβi Serijaʔẽpe . |
| s-451
| Apɨaβaíβa pɨtɨβõsara opakatu ikajemi kwese akɨ̃ maramojaŋape . |
| s-452
| Apɨaβaíβa irũramo oaʔo rese omaramojãβaʔepwera , opakatu ikajemi oreswi . |
| s-453
| Nojemeʔeŋi jei ãwa supe quartel . |
| s-454
| Marãnamo , ko ɨβɨ poreteramo ãwa rekoreme ? |
| s-455
| Peikuwakatu karaiβa opaβejẽ maʔeaiβa peremimojaŋa rese , opaβẽ culpa sejtɨkite aʔereme , koβaʔe swi pepɨsɨrõawama rese |
| s-456
| Ko ise perekorama , peremimojaŋwama , perekomojaŋaβa aimono βejẽ peẽβe tapeimoaβaíβ ɨmẽ apɨaβaíβa ojopaʔũme , ojoirũramo pererekoaíme . |
| s-457
| Iswi pesemawama maʔe apɨaβaíβa rɨrɨja swi pejeaŋune . |
| s-458
| Okajemeta ʔɨwama , apɨaβaiβa , oreswi . |
| s-459
| Kwese orowar βejẽ tuβisaβa , opaβejẽ ianama , jeroβjasaβa . |
| s-460
| Quatro cento iβoja ojopɨtera rupi orowar . |
| s-461
| Amõ okajem oreswi irũramo . |
| s-462
| Okajẽ capitão Andre de Souza βioβɨ , capitão Matheus Monteiro , capitão Gaspar Ijiβakwagiriβa opamejẽ iβojaete aβe . |
| s-463
| Peimoʔaŋ ɨmẽ , tuisamojaŋape orewasemaβa supe , quartel jemeʔeŋa . |
| s-464
| Pejmoʔaŋ ɨmẽ apɨaβaíβa oreswi pepɨsɨrõ . |
| s-465
| Isupe jõ ã quartel jemeʔeŋi . |
| s-466
| Marãnamo , soβajɨwaramo sekoreme ? |
| s-467
| Emonãnamo , petejẽumẽ βejẽ aβa ojemomotaβejẽmo , apɨaβaiβa maranirũramo owekorama rese . |
| s-468
| Naipotaraŋaj βejẽj pekajema . |
| s-469
| Emonãnamo , opamejẽ pejor ʃeropejana , iseβe pejkɨaβo . |
| s-470
| ʃejɨrõŋatu ipóne peẽβene opaβejẽ maʔeaiβa peremimojaŋwera resene . |
| s-471
| Ko jõ peposaŋa . |
| s-472
| Emonãnamo , pepuʔã sese , isui pesema . |
| s-473
| Emonã perekoreme , ʃerorɨβetene . |
| s-474
| Janejara Paʔi Tupã tekoβekatu tomeʔeŋ eneβe . |
| s-475
| iko ʃepapera ene sepjakʔ janone , ʃerorɨkatu ʔã opaβejẽ maraneʔɨma rese wiporanupa , ʃeaβe ʔã naʃemarani jẽ witekoβo , peʔẽme maʔe mojaŋawama rese , maʔe remimotara . |
| s-476
| Maʔe mojaŋawama rese , ajmono ʔã ʃesoldados eβapo nerape ɨpɨ , pesema rese kwãj awa mosema repjaka wiʔjaβo . |
| s-477
| Ajmono Capitão Diogo da Costa , ipɨsɨk aβa amõ kojpo kujã amõ tajmoŋeta . Perenosema iko orojur peje isupe , imoŋeta rajẽ . Imoŋeta rojre , tapejmono awamoŋa kuapa wiʔjaβo . |
| s-478
| Paʔi Tupã janejara remikuwaβamo , iko ʃejeʔeŋa aimono eneβe , Sr Pedro Poti . |
| s-479
| Marãnamo ʃeʔã neanama retekatu ? |
| s-480
| Ejor esema Ajaŋa rata nuŋara swi |
| s-481
| Ejkuwaβ christãoramo nereko . |
| s-482
| Marã erejmokajẽmotaretekatu christãoramo nereko ? |
| s-483
| Marã erejmokajẽʔmotarete Paʔi Tupã raʔɨramo nereko ? |
| s-484
| Marã erejkopotarete ? |
| s-485
| Teko kuwaβeʔɨmamo , erejemokajẽmotaretekatu , ene ajẽ , ejkoβo |
| s-486
| Moβɨ christãokajema eresepja ? |
| s-487
| Karaiβa naokajeβaʔeruã . |
| s-488
| Marãnamo christãoramo sekoreme , nikatui , Paʔi Tupã imokajema ? |
| s-489
| iko βe orojko renosema mota , sñor capitãoMor Antonio Felipe Camarão jeʔeŋa rupi , opaβejẽ karaiβa ruβisaβa jeʔeŋa rupi βe . |
| s-490
| ʃeputupaβete ʔã witekoβo rese , oreswi jewasema repjaka . |
| s-491
| Naanamaruãte ore ? |
| s-492
| Maʔe rese oreamotareʔɨm jepe ? |
| s-493
| Ore noromojaŋi maʔeaʔiβa amõ peʔẽmo . |
| s-494
| Neʔĩ , ʔẽ najmojaŋi maʔeaʔiβa amõ oreβe . |
| s-495
| Emokwej capitãoMor papera sow eneβe . |
| s-496
| Emokwej Antonio Paraopeβa supe amõ kapitãoMor papera sow . |
| s-497
| Paʔi Tupã temõ ojke pɨʔamo , christão we ! |
| s-498
| Aʔemo peseme orerorɨβetemo , pesememo , memẽ repjakamo . |
| s-499
| Emokwej mokõj kujã ajmono peʔẽme , moranuβa rerasoβo , tomomβeʔu ke ʃereko eneβe . |
| s-500
| Ajpo jõ moranuβa sow . |