| s-1
| АРТЫКУЛЪ 1. |
| s-2
| О выбиранью судей въ повѣтѣ. |
| s-3
| Уставуемъ, ижъ въ тыхъ повѣтѣхъ, которые суть нижей росписаны, и въ кождомъ таковомъ повѣтѣ, гдѣ еще до сихъ часовъ не обраны, зособна мають быти судья подсудокъ и писаръ, которые такъ и тымъ обычаемъ мають быть выбираны и на таковые уряды установлены. |
| s-4
| На первей маемъ мы Господаръ часъ певный зложити и то листы нашими по всихъ таковыхъ повѣтехъ ознаймити, гдѣ въ кождомъ повѣтѣ княжата панове рада наша, также рицерство и шляхта вси, хто кольвекъ якого стану будетъ тамъ имѣнья свои мѣти, зъѣхатися мають до двора, которій на посродку того повѣту будетъ, и тые которые ся зъѣдутъ не ждучи никого, хтобы въ повѣтѣ имѣнье маючи пріѣхати не хотѣлъ, ку тому року мають выбрати зо всее шляхты того повѣту братьи своее на кождый врядъ таковый, на судейство чотырохъ людей добрихъ, на подсудство другихъ чотырохъ, на писарство третихъ чотырохъ людей добрыхъ, цнотливыхъ, ростропныхъ въ правѣ у мѣстныхъ, роду шляхецского, въ томъ повѣтѣ добрѣ оселыхъ, не иное вѣры только Хрестіянское; и выбравшы ихъ, тыхъ выбраныхъ черезъ листы свои намъ Господарю ознаймити мають, а мы съ тыхъ всихъ дванадцати особъ выберемъ трехъ до того повѣту на врядъ земскій, на судъ судою и подсудка и писара. |
| s-5
| Которіе отъ насъ выбраные и потверженые на першыхъ рокохъ судовыхъ передъ повѣтовымъ воеводою, або въ небытности воеводиной передъ кашталяны, а въ земли Жомоитской передъ старостою Жомоитскимъ, при зобранью шляхты, што ихъ тамъ въ томъ часѣ будеть, маеть судья подсудокъ и писаръ присегнути тыми словы: |
| s-6
| Я присегаю Пану Богу во Троицы единому, ижъ въ томъ повѣтѣ водлѣ Бога справедливе подле права и статуту сего писаного Великого Князства Литовского, водлугъ жалобы и отпору, ничого не прикладаючи ани уймуючи, буду сознавати и записы пріимовати, не фолкгуючи высокимъ и подлымъ станомъ на достойностяхъ и на врядехъ седячимъ, на богатого ани на вбогого, на пріятеля кровного заховалого, ани на непріятеля, на тутошнего, не на гостя не смотречи, не съ пріязни не зъ вазни не зъ боязни не за посулы и дары, ани сподеваючися на потомъ дарованья и якого нагороженья, и не радечи сторонѣ, а ни боячися казни помсты и погрозокъ, але самого Бога и его светую справедливость и право посполитое и сумнѣнье свое передъ, очима маючи, тежъ роковъ николи не омѣшкиваючи, кромъ великое правдивое и зложное хоробы; а якъ то справедливе присегаю Богу, такъ ми Боже помози; а естли несправедливе, — Боже ми не поможы. |
| s-7
| А писаръ земскій маеть по Руску литерами и словы Рускими вси листы и позвы писати, а не иншымъ языкомъ и словы, и такъ маетъ писаръ присегати. |
| s-8
| Я, N, присегаю Пану Богу въ Троицы единому на томъ, ижъ справедливе водлѣ Бога и того права писаного и подлугъ мовенья и споровъ сторонъ, ничего не прикладаючы ани уймуючы, у суду записовати и радити судьи и подсудку вѣрнѣ и справедливе, подлѣ сознанья сторонъ и споровъ на судехъ и освѣдченья и оповѣданья судового и сказанья судового, и въ книги судовые вписовати буду а пилновати и догледовати, абы подлѣ сее присеги моее справедливе были вписованы, не маючы баченья на высокіе а ни подлые станы на достойностяхъ седячыхъ, на богатого, ани на вбогого на пріятеля кровного заховалого, ани на непріятеля, на тутошнего, ани на гостя, не съ пріязни не зъ вазни не за посулы и дары, а не боечыся вазни и помсты и погрозокъ, не ждучы нагороженья, але самого Бога и его светую справедливость и право посполитое передъ очима маючы, и сумнѣнье свое добрѣ а побожнѣ справуючы, такъ ми Боже поможы. |
| s-9
| А потомъ, кгды бы который съ тыхъ на початку и знову отъ насъ теперъ выбраные умеръ, судья, подсудокъ, або писаръ, а трафило се бы то въ небытности нашой; тогды тые, которые на тыхъ урядѣхъ зостануть, мають о томъ дати знати воеводѣ своему, а въ земли Жомоитской старостѣ Жомоитскому; а воевода маеть черезъ листы свои старостамъ врадникамъ и шляхтѣ того повѣту, а староста Жомоитскій тивуномъ шляхтѣ и всякого стану оное Жимоитское земли обывателемъ часъ зложити, на который зъѣхавшися вси станы оного повѣту и до такового двору нашого, яко вышей описано, мають на мѣстце того умерлого чотырохъ особъ таковыхъ же, яко и первымъ выменено, обрати и намъ черезъ листы свои отворотные за печатью воеводиною ознаймить; а мы потомъ съ тыхъ чотырохъ одного, который се намъ видѣти будеть, выбравшы на мѣстцѣ того умерлого судьи подсудка або писара, которого съ тыхъ въ тотъ часъ потребовати будуть, не отволочнѣ установити. |
| s-10
| А гдѣ бы на судство обрали подсудка або писара земского; тогды на тое мѣстце тамъ же за разомъ на тотъ врядъ обобравшы къ намъ послати мають; а тотъ, кому тотъ врядъ дамо, потомъ на першыхъ рокохъ судовыхъ будеть повиненъ первей на мѣстцу тамъ передъ тымъ воеводою або кашталяномъ и передъ старостою оного суду такъ, яко вышей описано, присегнути, тожъ потомъ врядомъ своимъ владнути и справавовати. |
| s-11
| И такъ мають вжо вѣчными часы въ повѣтехъ около выбранья тыхъ врядниковъ справоватися и заховати. |
| s-12
| Розделъ четверътый. |
| s-13
| О судьях и о судех. |
| s-14
| Артыкулъ 1. |
| s-15
| О вольномъ обиранью вряду земъского, судий, подъсудъков и писаров в кождой земли и поветѣ. |
| s-16
| Што продокъ нашъ славное памети король его м[и]л[о]сть и великий князь литовъский Жикгимонтъ Августъ, выдаючи ку вжыванью обывателемъ того паньства, великого князства литовского, сесь статутъ права посполитого земъского, черезъ них же самых зъ старого ихъ статуту и зь иншихъ розныхъ правъ хрестиянскихъ поправены [!], межы инъшими волъностями, свободами и порядками, в немъ описаными, еще ку розширенью большое волности и осягненъю прудъшое справедливости рачилъ имъ за сполною на то всихъ становъ згодою и призволеньемъ, яко вернымъ подданымъ своимъ а людемъ здавна вольнымъ, зацнымъ и учъстивымъ, того узычити и позволити, абы для шафунку и отправованья справедливости людъское на местъце г[о]с[по]д[а]ръское суд[ь]и земъские, то естъ судья, подсудокъ и писаръ в кождой земли и повете водле розграниченья, розъписанья и порадку, около того вделаного, были вольне обираны, которые бы всякие справы, тому суду земскому прислухаючые, отправовали, яко то им привильями его королевское м[и]л[о]сти, у Бельску и у Вильни на тотъ статутъ выдаными, достаточне естъ обваровано и утвержоно и в семъ статуте описано, гдѣ жъ и мы, Стефанъ, бож[ъ]ю м[и]л[о]стью король польский, великий княз[ь] литовский, приходячи на панованье того великого князства литовского, подъ тымъ то статутомъ и в томъ же помененомъ порадъку судовъ обывателей здешнего панства знашли и застали, и тепер они того уживають. |
| s-17
| А ижъбы то им и на потомные вечные часы непорушне трвало, яко то собе привильями и тымъ же статутомъ и первей обваровано мели, такъ и теперъ хочемъ то мети и уставуемъ, ижъ кгды бы который з врядниковъ тыхъ земъскихъ, судья, подсудокъ або писаръ умеръ, тогды другие врядники, живо позосталые, мають нам, г[о]с[по]д[а]ру, о томъ через листъ свой знати дати то, кгды быхмо были в здешнемъ паньстве нашомъ, великомъ князстве литовъскомъ. |
| s-18
| А гдѣ бы се то трафило в небытности нашой в томъ паньстве, тогды о томъ мають дати ведати воеводе, а в земли Жомоитъской - старосте жомоитъскому, а в небытности воеводы або старосты, ино кашталяномъ оное земли. |
| s-19
| А за таким даньем знать маемъ мы, г[о]с[по]д[а]ръ, через листъ нашъ безъ жадное проволоки, а в небытности нашой маеть воевода або кашталянъ через листы свои старосте поветовому, врядникомъ земъскимъ и шляхте того повету, а староста жомоитъский або тежъ кашталянъ - тивуномъ, шляхте и всякого стану оное земли Жомоитъское обывателемъ также через листъ свой часъ ку зъехан[ь]ю зложити, приславшы такий листъ в тотъ поветъ до вряду кгродского передъ часом, на то зложонымъ, за чотыри недели. |
| s-20
| И тот листъ маеть быти везде в томъ повете обволанъ и объголошонъ тымъ обычаемъ, яко и о иншихъ листехъ наших соймовыхъ або военъных естъ вышей описано в розделе третемъ. |
| s-21
| На которий рокъ зъехавшисе вси обыватели оного повету от вышъшого до низшого стану до замку албо двору нашого, и тамъ тые, которие се до того обранья на день зложоный зъедуть, колько ихъ будеть, вжо инъших неприбылых не ждучи, мають на местъцо того змерълого врядника спосродку себе чотырох особъ шляхътичовъ, людей добрыхъ, побожныхъ, цнотливых, годныхъ, в праве умеетныхъ, писати умеючых, родичовъ того паньства, великого князства, и в томъ повете не ново, не змышлене оселых обрати и намъ, г[о]с[по]д[а]ру, имена тыхъ особъ обраных на писме за печатьми своими ознаймити. |
| s-22
| А мы с тыхъ чотырохъ одного, который се намъ видети и подобати будеть, выбравши, на местъцо того змерълого врядника неотволочне установити и привильемъ нашимъ на тотъ вряд до живота его альбо до вывышенья з ласки нашое на инший який вышъшый вряд або достоеньство утвердити его маемъ. |
| s-23
| А гдѣ бы на судство подъсудъка або писара, або по зештью подсудъка на подсудъство писара обрали, тогды ку подъсудку або писару вжо инших елеитовъ [!] не потреба будет прикладати, только на местъце подсудково або писарово мают тамъ же заразомъ на ономъ зъезде таковыхъ же, яко вышей описано, особъ чотырохъ обрати и намъ имена их на писме за печатьми своими подати, а мы промежку нихъ одного которого тымъ же обычаемъ, яко верху доложоно, на такий врядъ подадимъ и ствердимъ. |
| s-24
| А кому с тых обраныхъ тые вряды земъские дадимъ, тые врядники потомъ на перъших рокохь судовыхъ будуть повинъни наперъвей тамъ на местъцу судовомъ передъ воеводою або кашталяномъ, а гдѣ воеводы и кашталяна нетъ, ино передъ старостою судовымъ и маршалкомъ оного повету при собранью шляхты, а гдѣ бы воевода, ани кашталянъ, ани староста, ани маръшалокъ не прибылъ, тогды при инъшыхъ врядникох земъскихъ и при собранью шляхты, которые в онъ часъ н[а] тыхъ рокохъ будуть, присягу на тые вряды свои учинити, то ж потомъ вряды своими владнути и шафовати. |
| s-25
| И такъ мають вжо вечными часы в поветехъ около обиранья предъречоных врядниковъ справоватисе и заховати. |
| s-26
| А присега суд[ь]и и подъсудку мает быти тыми словы: 'Я, н.[айме], присегаю пану богу вшехмокгонцому, в тройцы едыному, ижъ в томъ повете (н.[айме]) водле бога справедливе и водле права статуту сего, даного великому князству литовъскому, водлугъ жалобы и отпору сторонъ, а не водлугъ ведомости своее, ничого не прикладаючи, ани уймуючы, буду судити, сознан[ь]я и записы приймовати, не фолькгуючы высокимъ и подлымъ станомъ, на достойностях и врядехъ седячих, на богатого и на вбогого, на приятеля кровного заховалаго, ани на неприятеля, на тутошънего, ани на гостя не смотречы, не с приязни, не з вазни, не з боязни, не за посулы и дары, ани сподеваючисе напотомъ даровъ и якого нагороженья и не радечы стороне, ани боячисе казни, помъсты и погрозокъ, але самого бога и его светую справедливость и право посполитое и сумненье свое передъ очима маючи, тежъ роковъ николи не омешкиваючи, кром великое, правдивое зложное хоробы. |
| s-27
| А якъ на томъ справедливе присегаю - такъ ми, боже, поможи, а естли бы не справедливе - боже, мя убий'. |
| s-28
| А писаръ земъский маеть по-руску литерами и словы рускими вси листы, выписы и позвы писати, а не иншимъ езыкомъ и словы. |
| s-29
| А присягнути маеть на врядъ свой писарский тыми словы: 'Я, н.[айме], присегаю пану богу, в тройцы единому на томъ, ижъ справедливе водъле бога и того права писаного и водлугъ мовенья и споровъ сторонъ, ничого не прикладаючи, ани уймуючы, буду записывати и радити суд[ь]и и подсудку веръне и справедъливе, подле сознанья сторонъ и споровъ на судехъ, осветченья и оповеданья судового, и сказанья судовные буду вписывати а пильновати и догледати, абы водле сее присеги моее справедливе были вписованы. |
| s-30
| А книгъ первъшихъ, кгды хто выписовъ альбо видимусов якихъ потребовати будеть, тежъ ихъ справедливе и верне, яко в книгахъ записано будеть, з ведомостью суд[ь]и и подсудъка выдавати буду, не маючи баченья на высокие и подлые станы, на достойностяхъ седячихъ, богатого, на въбогого, на приятеля кровного и заховалого, ани на неприятеля, на тутошнего, ани на гостя, не с приязни, не з вазни, не з боязни, не за посулы и дары, ани боячисе казни, помъсты и погрозокъ, не ждучи нагороженья, але самого бога и его светую справедливость и право посполитое передъ очима маючи и сумненье свое добре, побожне справуючи - такъ ми, боже, поможы. |
| s-31
| А естли не справедъливе - боже, ме убий'. |
| s-32
| Всимъ вобецъ станомъ Великого князства Литовъского Левъ Сапега, подъканъцлерый Великого князства Литовъского, староста слонимъский, маръковъский и мядельский, повольные и зычливые службы свои оферую. |
| s-33
| Обачывали то усихъ вековъ люди мудрые, же в кождой речы посполитой чоловеку почъстивому ничого не маеть быти дорожшого надъ вольность, а неволею такъ се маеть гыдити, же не только скарбами, але и смертью ее одъ себе отганяти есть повиненъ. |
| s-34
| А прото люди почъстивые не только маетности, але и горлъ своихъ противъ кождому неприятелю выносити не жалують, абы подъ ихъ окрутное опанованье не приходили, а з волности своее будучи злуплени, водлугъ воли и мысли ихъ яко невольники не мусели жити. |
| s-35
| Але вже мало бы и на томъ было, ижъбы чоловекъ з неволи от посторонного неприятеля былъ воленъ, кгды бы домового неприятеля надъ собою терьпети муселъ. |
| s-36
| Тогды тотъ монъштукъ або удило на погамованъе кождого зуфальцу есть вынайдено, абы, се боячы права, от кожъдого кгвалъту и збытку погамовалъ, а надъ слабшимъ и худъшимъ не паствилъсе и утискати его не могъ, бо для того права суть постановлены, абы можному и потужному не все было вольно чынити. |
| s-37
| Яко Цыцеро поведилъ, ижъ естесмо невольниками правъ для того, абысьмы вольности уживати могли. |
| s-38
| А естли жъ чоловеку почъстивому ничого нетъ мильшого надъ тое, кгды, во отчызне своей безп[е]чне мешкаючы, не боитсе, абы его хто на доброй славе его змазати албо на теле и на здоров[ъ]ю его образити албо теж на власно[й] маетности его укрывдити могъ, тогды то ничому инъшому, одно праву причитати мает, за которым од кождого в покою седить, а жадного усилства, обелжен[ь]я и укривжен[ь]я на собе не поносить, бо тот цель и скутокъ усих правъ естъ и мает быти на свете, абы кождый добрую славу свою, здоровъе и маетност[ь] в целости мелъ, а на том всем жадного ущирбку не терпел. |
| s-39
| И то ест наша волност[ь], которою се мы межи иншыми народы хрестиянскими хвалимъ, же пана, ижбы водле воли своее, а не водле правъ наших пановал, над собою не маем, а яко славы учстивое, такъ живота и маетности волно уживаем. |
| s-40
| Бо хто бы колвекъ с тых трох речей в чом насъ укривдити и подлугъ уподобан[ь]я своего, а не водле прав нашых надъ нами паствитисе мел, тот бы вжо не паном нашим, але сказителем прав и волностей наших был, а мы бысмо неволниками его быти мусели. |
| s-41
| И слушне за правду маемъ, за што пану богу дяковати, же под панованьемъ королей ихъ м[и]л[о]сти и великихъ князей, пановъ наших, тую владзу и вольность у рукахъ своихъ маемъ, а права сами собе творачы, яко найбольшей можем, волности своее во всем постерегаем, бо не толко сусед а сполный нашъ обывател[ь] в отчизне, але и сам г[о]с[по]д[а]ръ, пан нашъ, жадное звирхности над нами заживати не может, одно толко, колко ему право допущает. |
| s-42
| Прото, маючи таковый скарбъ в руках наших, который жадною сумою преплачон быти не может, пристоит кождому почстивому ч[о]л[о]в[е]ку, абы о нем ведал, а будучи добре ведомый, абы яко самъ себе и попудливости свои гамовалъ и водлугъ права писаного справовалсе, а никого не кривдилъ, такъ, если бы одъ кого былъ укривжонъ, абы ведал, где обороны и лекаръства в кривъде своей искати маеть, бо яко одинъ сенаторъ рымский другого штрофовалъ, же права отъчизны своее не умелъ, такъ кожъдый обыватель годенъ естъ наганенья, который вольностью се фалить и правъ своихъ умети и розумети не хочеть, которым правомъ усю вольность свою обварованую маеть. |
| s-43
| А если которому народу встыдъ правъ своихъ не умети, поготовю намъ, которые не обчым яким языком, але своимъ власнымъ права списаные маем и кождого часу, чого намъ потреба ку отпору всякое кривды, ведати можемъ. |
| s-44
| А ижъ тая трудность передъ тым непомалу до того заважала, же не кождый статутъ могъ мети для трудного и долъгого переписованья, тогды и в том, той потребе кождого обывателя фолькгуючы и пожитку речы посполитое служечы, важыломъсе того тую працу на себе подъняти, а кошту и накладу своего не жалуючы, абыхъ то в друкъ подалъ а дорогу лацнейшую и снаднейшую кождому ку ведомости права показалъ, к[г]ды жъ то вжо в рукахъ своихъ кождый, коли похочеть, мети можеть. |
| s-45
| Прошу, рачъте жъ, в[аши] м[илости], тую працу от мене вдячне приняти, а, маючы вольности свои, правомъ добре объварованые, того постерегати, абысте до судовъ и до трибуналовъ не только людей добрыхъ а тыхъ правъ нашихъ добре умеетныхъ обирали, але боящыхъсе пана бога и цнотливыхъ, которые бы не для пожытку своего а ку шкоде ближнего, для лакомъства своего и для подаръковъ права выкручали, але, простымъ трыбомъ идучы, светое правды и справедливости постерегали, а тую вольность, которою се тешимо, в целости намъ заховали. |
| s-46
| С тымъ се ласце и милости вашм[о]стей братеръской поручаю. |
| s-47
| Кнѧз(ь) Гердень кланѧетьс(ѧ) всем темь, кто видить сую грамот(у), тие люд(и), што ныне живи суть, а темь, кто напосле приидуть, тѣмь вѣдомо буди, какъ миръ есмы створил(и) промежи местерѧ и с ратьманы рижьскыми, и с полочаны, и видьблѧны тако, како грамот(а) написано, тако имъ надо всею землею ѡтступит(и), што есть Лотыгольскаѧ землѧ, какъ не въступатисѧ на тую землю, што кнѧз(ь) Костѧнтинъ дал местерю съ своею брат(ь)ею, съ своею грамот(ою) и съ печатью, како боле того на ту землю не поискывати. |
| s-48
| Верху того, про ту пакость, што сѧ в розмирьи створило, какъ имъ ѡт ѡбою сторону ѡтступити, што Руськаѧ землѧ словеть Полочькаѧ, ѡт тое земли местерю и брат(ь)и его ѡтступит(и) с всею правдою. |
| s-49
| Верху того, немечькому гостю в Полочьскую волно ехат(и) и торговат(и), купити и продат(и). |
| s-50
| Також полочаном и видиблѧнину волно гостити в Ригу и на Готьскы берегъ. |
| s-51
| А где будет(ь) кто кому виноват, в томь городе правити, где тотъ ч(о)л(о)в(е)къ живеть, инде суд(а) ему не искати. |
| s-52
| В которои волости ч(о)л(о)в(е)къ извинитьс(ѧ), ту ему правда дат(и), или вина его. |
| s-53
| А старому миру стоѧти, кнѧз(ѧ) Герденѧ, кнѧз(ь) тыихъ, кто по нем будет(ь). |
| s-54
| Што поклепани на Рѣзне и што словеть Лотыгольскаѧ землѧ, ѡт того сѧ ѡтступили с всею правдою. |
| s-55
| Местерь, также брат(ь)ѧ его ѡтступили, што словет(ь) Полочьскаѧ землѧ, со всею правдою. |
| s-56
| Сию грамот(у) тогды напсана в Ризе, коли Б(ог)ъ былъ 1000 лѣт и 200 и 60 лѣт и 4 лѣ, по рожеи Б(о)жии дни за три дни. |
| s-57
| Слов(о) Изѧслав(а), кнѧз(ѧ) полочьког(о), къ еп(иско)пу и къ терю, и къ всемь вельневицем, и ратъманом, всемъ горожаном. |
| s-58
| Полотескъ Видьбескъ одно есть. |
| s-59
| А воли есми Б(о)жии и въ Молшелгове. |
| s-60
| А Изѧславъ со мною однъ. |
| s-61
| На семъ къ мне целовати кр(е)стъ въ правду, любовь имѣти и миръ, какъ было при первыхъ кнѧз(е)хъ полочьскы. |
| s-62
| Полочаномъ, видьблѧномъ волное торгованье въ Ризе, на Готьскомь бере и в Любьце. |
| s-63
| А рубежа не дѣѧти. |
| s-64
| А кому с кымъ тѧжа, суд дати безъ перевода. |
| s-65
| А суженого не посуживати. |
| s-66
| А где кому годно, ту тѧжетьсѧ. |
| s-67
| Поручник(и), и долъжникы, и холопы выдати. |
| s-68
| А што сѧ въ рать дѣѧло и въ рубежехъ, про то вамъ не мьщати, ни намъ вамъ мещати. |
| s-69
| Чего сѧ есме ѡтступили въ Ризе, к тому вамъ не приискывати ни людеи, ни земли, ни воды, ни борти. |
| s-70
| На семъ же целуите ко мнѣ кр(е)стъ по любьви и в правду, без всѧкого извѣта. |
| s-71
| + Поклонъ и бласловлѣнье ѡт Ѧкова, епискупа полотьского, бровстови, намѣстьнику пискуплю, и дѣтемъ моимъ ратманомъ. |
| s-72
| Былъ есмь не дома, во отьца своего, митрополита, а нынѣ есмь на своемь мѣстѣ, оу Свѧтоѣ Софьѣ. |
| s-73
| А нынѣ есмь оувѣдалъ любовь ваша праваѧ съ с(ы)номь моимь с Витенемь. |
| s-74
| Такоже, дѣти, была любовь ваша перваѧ с полочаны, съ дѣтми моими: што вамъ было надобѣ, то было ваше. |
| s-75
| А нынѣ, што дѣтемъ моимъ надобѣ, того имъ не бороните. |
| s-76
| А нынѣ абысте пустили жито оу Полотеско. |
| s-77
| А ѧзъ кланѧюсѧ и бласловлѧю і Бога молю за васъ, дѣти своѣ. |
| s-78
| Аже будеть полочанинъ чимь виноватъ рижанину, ѧ за тѣмь не стою своими дѣтми, исправу дамь. |
| s-79
| Аже будеть рижанинъ чимь виноватъ пол[оч]анину, вы даите имъ исправу такоже. |
| s-80
| А ѧзъ вамъ кланѧюсѧ, дѣтемъ своимъ, и бласловлѧю і Б(ог)а молю. |
| s-81
| С[е] азъ, Андрѣи Данильѥвичь |
| s-82
| Ажо ми сѧ оучинить не быть оу Полотськѣ, даю сельце на Просмоужьци, свою о(т)чину и дѣдиноу, С(вѧ)тои Тро(и)ци о(т)цю своѥму і матери и своѥму племени на памѧть и собе на памѧть. |
| s-83
| Ажо уступитьсѧ которыи кнѧзь или вельможа, да судить ѥму С(вѧ)таѧ Тро(и)ца на Страшьномъ судѣ, да будеть проклѧтъ. |
| s-84
| […]цка посла[т(и)], ино его тамъ полоча[н(е)] ѡсудѧ[т(ь)] по своему праву. |
| s-85
| Также нѣмѣцкии купець што проступит(ь) оу Полоцку, ино его послати к Ризѣ, ино его тамъ ѡсудѧт(ь) по ризькому праву. |
| s-86
| Также оу Полоцку соль вѣсити на скалвахъ тым же вѣсомъ, што воскъ вѣсѧть, тыми же колоколы. |
| s-87
| Вѣсꙋ полоцкому быти ризьског(о) полупудом болши. |
| s-88
| Про то же исперва рижѧномъ послат(и) свои колоколы и скалвы к Полоцку на свою истраву. |
| s-89
| Потом же сотрутсѧ тыи колоколы или изломѧтсѧ, или погибнут(ь), ино намъ, полочѧном, послати къ Ризѣ на свою истраву на свои пѣнѧзи да оучинит(и) тыи колоколы по старому праву и полѣпшити. |
| s-90
| Также серебрьныи вѣсы оу Ризѣ дѣржат(и) полузолотникомъ болши полоцког(о) вѣсу во ѡдног(о) рублѧ. |
| s-91
| Такъже вѣсьцѣмъ кр(е)стъ цѣловат(и) нинѣ и потом, коли надобѣ, што имъ право вѣсит(и) на ѡбѣ сторонѣ, ѡдном(у), какъ другом(у), а вѣсцю ѡтступит(и) прочь ѡт скалвъ, а рукою не приимати. |
| s-92
| А вѣсебно имати вѣсцю, какъ оу Полоцку емлють на рижѧнѣх, такъ имати оу Ризѣ на полочѧнех вѣсебное. |
| s-93
| Ажь будет(ь) котораѧ ѡбида или завада межи кимъ на ѡбѣ сторонѣ, ино знати истьцю истьца, а никому иному в тое сѧ не ступат(и), ни ѡ том рубежѧ держѧт(и) на ѡбѣ сторонѣ. |
| s-94
| Аже будет(ь) межи мештеремь задвиньскимь или которыи ѡпослѣ будет(ь) межи земли и людеи, ино купцеви ч(и)стъ пут(ь) и его товару на ѡбѣ сторонѣ, и его животу, оузѧт(и) ему свои товаръ, куда хочет(ь) ѣхати и поити, коли ему надобѣ: или по водѣ, или по суху, или оу город(е), или на пути. |
| s-95
| Про то ж бы тое смирение вѣчно стоѧло непорушено со ѡбою сторону межи нами, полочѧны и рижѧны. |
| s-96
| И печѧти есмо свои привѣсили к сеи грамот(е). |
| s-97
| А писана быс(ть) грамота сѧ оу Могилевѣ, по Б(о)жьемъ роженьи 1000 лѣт и 400 и… |
| s-98
| Во имѧ О(т)ца і С(ы)на и С(вя)того Д(у)ха. |
| s-99
| Се азъ, рабъ Б(о)жии Иванъ Никоновичь Деменьтеѥвъ с(ы)нъ, ѡтходѧ сего свѣта, далъ ѥсьми С(вѧ)тои Тро(и)ци три места ролеиная на Великомъ поли, да поженька, да лугъ на Полоте, да ѡгородъ оу старомъ городе, да полъгумна ѡ(т)цю своѥму на памѧть і собѣ и дитѧти. |
| s-100
| А хто иметь ѡтнимати ѡт С(вѧ)тоѥ Тро(и)ци — или вельможа, или попъ иметь продавати, да будеть клѧтъ в сиі векь и въ будущии. |