| s-302
| Իսկ ԱՄՆ-ն լքեց Քիւրտերը, պահպանելու համար Թուրքիոյ մէջ իր ռազմական խարիսխներն ու ՕԹԱՆ-ի ռազմավարական շահերը։ |
| s-303
| Վերաբնակեցման քաղաքականութիւնը նոր չէ Թուրքիոյ համար։ |
| s-304
| Նոյնը կատարած է Կիպրոսի պարագային Յոյներու հետ եւ Թուրքիոյ քրտաբնակ շրջաններուն մէջ, անցեալին՝ Հայերուն ալ։ |
| s-305
| Թէեւ վերջին պարագային՝ նպատակը վերաբնակեցումը չէր, այլ՝ բնաջնջումը։ |
| s-306
| Սակայն, այս բոլորով հանդերձ, Թուրքիոյ հաշիւներն ալ ծուռ դուրս եկան։ |
| s-307
| Այսօր ինք ալ կը գտնուի փակուղիի մը առջեւ։ |
| s-308
| Այն ծուղակը որ լարեց Եւրոպայի եւ ԱՄՆ-ու գլխուն, այսօր ինքզինք բռնուած կը գտնէ մէջը։ |
| s-309
| Ռուսաստանի հաւանութեամբ՝ ընդունեց, որ Սուրիոյ զանազան շրջաններէն իսլամապաշտ զինեալներն ու անոնց ընտանիքները տեղահանուին ու համախմբուին Իտլիպի մէջ, զանոնք որպէս խաղաքարտ գործածելու նպատակաւ Արեւմուտքի դէմ, սակայն այսօր անոնք ալ իրենց կարգին Թուրքիա ներխուժելու կը պատրաստուին, սուրիական բանակին՝ Իտլիպ նահանգը վերագրաւելու նպատակով նախաձեռնած ռազմական գործողութիւններուն պատճառով։ |
| s-310
| Սուրիա որոշած է վերագրաւել Իտլիպի շրջանը, զոր Թուրքիա իր վերահսկողութեան տակ առած էր, Ռուսաստանի հետ համաձայնելով։ |
| s-311
| Սակայն, անդադար յարձակումի ենթարկուելով իսլամ զինուորեալներու կողմէ, սուրիական բանակը հակայարձակումի անցած է, Ռուսաստանի օրհնութեամբ։ |
| s-312
| Իտլիպի մէջ երեք տասնեակէ աւելի թուրք բանակայիններու մահը Թուրքիան դրած է դժուար երկընտրանքի առջեւ, կամ՝ պարտութիւնը ընդունիլ ու նահանջել եւ կամ՝ հակայարձակումի անցնիլ ու բախիլ ռուսա-իրանա-սուրիական ռազմական դաշինքին։ |
| s-313
| ՕԹԱՆ մերժած է Թուրքիոյ օգնութեան հասնիլ Իտլիպի պաշտպանութեան գործին մէջ։ |
| s-314
| Եթէ սուրիական բանակը վերագրաւէ Իտլիպը, բնականաբար կարգը պիտի գայ քրտական գրաւեալ գօտիին, որուն համար Քիւրտերը եւս պատրաստ են իրենց զինեալները գործի լծելու։ |
| s-315
| Իրադարձութիւններու այս ընթացքը բնաւ սպասելի չէր Էրտողանի համար, որ ինքզինք մինչեւ այս հանգրուանը յաղթական ու անյաղթ կը համարէր։ |
| s-316
| Իր ցանկութիւնը կը պարտադրէր բոլորին։ |
| s-317
| Արեւմուտքի իր դաշնակիցներէն լքուած, կը դիմէ իր միակ զէնքին՝ գաղթականութեան դէպի Եւրոպա արձակման։ |
| s-318
| Որքանո՞վ Եւրոպա կրնայ ազդեցութիւն բանեցնել Սուրիոյ, Ռուսաստանի եւ Իրանի վրայ, երկիրներ որոնք արդէն տասնեակ տարիներէ ի վեր արեւմտեան շրջափակումի եւ թշնամական վերաբերումի ենթակայ եղած են։ |
| s-319
| Փաստօրէն միայն Իսրայէլն է, որ սուրիական բանակի եւ իրանական ուժերուն ուղղուած իր ռմբակոծումներով անուղղակիօրէն կ՚օգնէ Էրտողանին, հակառակ Իսրայէլի հանդէպ Թուրքիոյ առերեւոյթ թշնամական վերաբերումին։ |
| s-320
| Ուրեմն, Էրտողանի իշխանութեան օրերը հաշւուա՞ծ են։ |
| s-321
| Այդպէս կը յուշեն բոլոր քաղաքական ազդանշանները, մանաւանդ երբ նկատի առնենք նաեւ Թուրքիոյ ներքին քաղաքական զարգացումները, ինչպէս՝ Պոլսոյ քաղաքապետութեան կորուստը, Կիւլէնական ընդդիմութիւնը, մինչեւ իր նախկին կուսակիցները՝ Տաւուտօղլու, Պապաճան, որոնք ընդդիմադիր կուսակցութիւն հիմնելու դիմած են։ |
| s-322
| Նոյնիսկ եթէ Էրտողան տապալի, Թուրքիոյ նոր իշխանութիւնները Քրտական հարցին նկատմամբ պիտի մնան անզիջող, ինչպէս նաեւ՝ Հայոց ցեղասպանութեան ճանաչման։ |
| s-323
| Իսկ ի՞նչ պիտի ըլլայ ճակատագիրը Իտլիպ հաւաքուած տասնեակ հազարաւոր ծայրայեղ իսլամապաշտ զինեալներուն եւ անոնց ընտանիքներուն։ |
| s-324
| Սուրիոյ եւ Միջին Արեւելքի տագնապը կը թուի, թէ դեռ երկար տարիներ ունի իր առջեւ... |
| s-325
| Միացեալ Նահանգներու վարչակարգին կողմէ Հայոց ցեղասպանութեան ճանաչումը ճիշդ է, որ նախագահ Պայտընի օրով եղաւ, այդուհանդերձ ենթահողի ձեւաւորման առումով որոշ հոլովոյթ ապրած էր: |
| s-326
| Ուշագրաւ ձեւակերպում բերաւ նախագահ Օպաման «Մեծ եղեռն» ըսելաձեւը օգտագործելով: |
| s-327
| Օպամայի բնութագրումը ըստ էութեան 1915-ի իրադարձութիւնները ցեղասպանութիւն նկատել էր` խուսափելով միջազգային պատասխանատուութիւն ենթադրող եզրոյթը օգտագործելէ: |
| s-328
| Նախագահ Թրամփ շարունակեց ըստ էութեան իր նախորդին բնութագրումը տալու-խուսափելու քաղաքականութիւնը: |
| s-329
| Կարեւոր իրադարձութիւններ արձանագրուեցան նախագահ Թրամփի օրով, երբ անմիջականօրէն իրար ետեւէ Ցեղասպանութիւնը ճանչցող բանաձեւեր քուէարկեցին Ներկայացուցիչներու տունն ու Ծերակոյտը: |
| s-330
| Ընդ որում՝ երկկուսակցական զօրակցութեամբ: |
| s-331
| Այս հոլովոյթին ամփոփ նշումը կը համոզէ, որ Ցեղասպանութեան ճանաչումի ենթահողի աստիճանական ձեւաւորման գործընթաց կ՚արձանագրուէր Միացեալ Նահանգներու մէջ, ինչ որ իր լրումին հասաւ նախագահ Պայտընի օրով: |
| s-332
| Ամէն գնահատականէ վեր է Ամերիկայի տարածքին գործող Հայ դատի յանձնախումբերու եւ Ուաշինկթընի գրասենեակի հետեւողական, արհեստավարժ, տասնամեակներու վրայ երկարող աշխատանքը, որ ամերիկեան արտաքին քաղաքականութեան գերակայ ուղղութիւններու նկատառումով կրցաւ ճիշդ քաղաքական պահերուն սաստկացնել լոպիիստական աշխատանքներու թափը՝ ստորագրահաւաք, նամակարշաւ, դրամահաւաք, բանաձեւերու նախագիծերու ներկայացում: |
| s-333
| Մէկ խօսքով՝ կարճաժամկէտ թէ երկարաժամկէտ թիրախային նպատակաուղղուած աշխատանքի արդիւնաւորում: |
| s-334
| Կայ անշուշտ Միացեալ Նահանգներու արտաքին քաղաքականութեան շառաւիղի խնդիրը եւ այդ պարունակին մէջ յատկապէս Ուաշինկթըն-Անգարա յարաբերութիւններու ելեւէջները կամ Ուաշինկթընի դաշնակից Թուրքիոյ մերձեցումները, այս պարագային յատկապէս Ռուսիոյ դաշնութեան հետ: |
| s-335
| Ներկայացուցիչներու տան եւ Ծերակոյտի Ցեղասպանութեան ճանաչման որոշումները անմիջապէս յաջորդեցին միջինարեւելեան տարածքներու վրայ ամերիկեան կարմիր գիծերը հատելու թրքական փորձերուն եւ Մոսկուայէն հակաօդային պաշտպանութեան համակարգերու գնման գործարքներուն: |
| s-336
| Մինչ այս բոլորին վրայ կ՚աւելնային Պայտընի ապրիլքսանչորսեան ուղերձին նախորդած Պայտըն-Փութին աննախադէպօրէն սուր վէճին Էրտողանի հրապարակային զօրակցութիւնը Փութինին եւ այս առումով Միացեալ Նահանգներու նախագահին հասցէին հնչեցուցած մեղադրանքը: |
| s-337
| Միջինարեւելեան տարածքներու վրայ Անգարայի յաւակնոտ քայլերուն կ՚աւելնային այս անգամ ռուսական համաձայնութեամբ Թուրքիոյ հարաւային Կովկաս մուտքը: |
| s-338
| Պահը կը հասուննար Ուաշինկթընի կողմէ իր դաշնակիցը զսպելու եւ զսպիչ խաղաթուղթեր օգտագործելու կամ զգուշացնող քայլեր առնելու: |
| s-339
| Ամերիկեան վարչակարգի ճանաչումը միայն անհատական կամ համայնքային հատուցման նպաստող ուղիի հարթում չէ անշուշտ: |
| s-340
| Պարզ է, որ աշխարհի գերհզօր պետութեան առած քայլը կ՚ընկալուի ուղենիշ շարք մը այլ պետութիւններու համար, հետեւելու՝ ամերիկեան վարչակարգի օրինակին: |
| s-341
| Այստեղ չ՚աւարտիր Միացեալ Նահանգներու նախագահին բերած բեկումը: |
| s-342
| Պատահական չէ, որ Ներկայացուցիչներու տան պիտի ներկայացուի հայ ռազմագերիներու տունդարձի հրամայականը շեշտող եւ Պաքուէն համապատասխան քայլերու դիմելու պահանջի բանաձեւի նախագիծը: |
| s-343
| Կը թուի, որ Ուաշինկթըն պահը հասունցած կը նկատէ արցախեան հակամարտութեան միջնորդի իր դերակատարութիւնը վերստանձնելու: |
| s-344
| Մենք արդէն իբրեւ հայկական կողմ Արցախի կարգավիճակի յստակացման օրակարգին վրայ կեդրոնանալու իրականութեան դիմաց ենք: |
| s-345
| Միացեալ Նահանգներու մէջ, Ցեղասպանութեան ճանաչումէն ետք Հայ դատի ռազմավարութիւնը եթէ երկարաժամկէտ կտրուածքով հատուցման խնդիրներու բարձրացումն է, ապա աւելի անմիջական հրատապութեամբ Արցախի տարածքային ամբողջականութեան վերականգնումն ու անկախութեան ճանաչումի առաջադրանքն է յայտնապէս: |
| s-346
| Կովկասի ուղղութեամբ եւ յարաբերակցաբար հայկական գործօնին Ուաշինկթընի հայեացքները միայն արցախեան հակամարտութեան չեն վերաբերիր: |
| s-347
| Միացեալ Նահանգներու արտաքին գործոց նախարարութեան բանբերին Հայաստանի Հանրապետութեան նկատմամբ կատարած յայտարարութիւնը յստակ ուղերձ է երկու ուղղութեամբ: |
| s-348
| Ըստ անոր, Միացեալ Նահանգներ նախանձախնդիր են Հայաստանի Հանրապետութեան տարածքային ամբողջականութեան եւ ինքնիշխանութեան պահպանումով: |
| s-349
| Պարզ է, որ Թուրքիոյ մղումով Ազրպէյճանը ախորժակներ կը հրապարակէ Հայաստանի տարածքներուն ուղղութեամբ: |
| s-350
| Իսկ յատկապէս 44-օրեայ պատերազմէն ետք խնդրոյ առարկայ դարձաւ մեր երկրին գերիշխանութիւնը. մեր փոխարէն կը բանակցի եւ տնօրինումներ կը կատարէ Մոսկուան: |
| s-351
| Այս բոլոր հանգամանքները նկատի ունենալով պէտք է դիտարկել Ցեղասպանութեան ճանաչումի ամերիկեան հոլովոյթը, քաղաքական ներկայ պահը, կովկասեան իրավիճակը եւ ամերիկեան զգուշացումները. ո՛չ միայն Անգարային: |
| s-352
| Պետական Խորհուրդի Ընդհ[անուր] Ժողովը կը քննէ եղեր Մամուլի կանոնադրութիւնը, որը անշուշտ գործադրութեան յանձնուելէ առաջ պիտի ենթարկուի Երեսփ. Ժողովի վիճաբանութեան։ |
| s-353
| Մամուլը՝ խօսքն է, ազատ խօսքը, որ տպագրութեան միջոցով կ՚արտայայտուի՝ ուղղուած հասարակութեան եւ ամբողջ մարդկութեան։ |
| s-354
| Սահմանադրական երկիրներու մէջ կայ երկու զօրեղ եւ նուիրական հաստատութիւն՝ ժողովուրդին մտածման ու զարգացումներուն իբրեւ բեմ, մէկը՝ Խորհրդարանը, Ազգային ներկայացուցիչներու ժողովը, միւսը՝ Մամուլը։ |
| s-355
| Ինչպէս որ Երեսփոխանական Ժողովը պէտք է բացարձակապէս անկախ եւ անձեռնմխելի ըլլայ, նոյնպէս Մամուլը պէտք է ըլլար անկաշկանդ եւ ազատ՝ ո՛ եւ է սահմանափակումէ, ո՛ եւ է ճնշիչ կանոններէ ու այնպիսի կանոնական տրամադրութիւններէ՝ որոնք այս կամ այն կերպով, այս կամ այն առիթի տակ բաց դուռ կազմեն իշխանութեան քաղաքական ոտնձգութիւններուն ու վարչական միջամտութիւններուն։ |
| s-356
| Եթէ կարելի է Երեսփոխանական Ժողովին խօսելու ազատութիւնը կանոնադրութեան եւ սահմանափակումներու ենթարկել, եթէ կարելի է Երեսփ. Ժողովին, այսինքն ժողովուրդի կարծիքներուն եւ մտածումներուն թարգման ըլլալու կոչուած անձնաւորութիւններուն խօսքի չափը կշիռքի ենթարկել եւ արգելափակ միջոցներու տակ առնել՝ առանց ճշմարիտ ազատութեան դէմ մեղանչելու, կարելի է նոյնպէս մամուլի ազատութիւնն ալ սահմանաւորել ու չափուած կանոններու շրջանակի մը մէջ սեղմել։ |
| s-357
| Հանրային կարծիքի եւ ազատ մտածման արտայայտութիւններուն, Խորհրդարանին եւ Մամուլին՝ մէջ արժէքի ո՛չ մէկ տարբերութիւն, ո՛չ մէկ զանազանութիւն կայ։ |
| s-358
| Ինչպէս որ կատարեալ Սահմանադրութիւնը պարտաւոր է ամէն կերպով դիւրացնել ժողովուրդի ցանկութիւններուն, պահանջներուն ձգտումներուն եւ հայեացքներուն միջոցները, ապահովելով Խորհրդարանին՝ իր բարոյական ու մեքենական գործունէութեան անթերի ազատութիւնը, նոյնը պարտաւոր է ընել՝ միեւնոյն համեմատութեամբ եւ միեւնոյն պատճառներով՝ Մամուլի համար։ |
| s-359
| Եթէ Խորհրդարանը բերանն է ժողովուրդին եւ վերահսկիչը՝ դատական ու գործադիր իշխանութեանց, Մամուլը եւ՛ ամենօրեայ շրթունքն է ժողովուրդին եւ՛ վերահսկիչը թէ՝ գործադիր ու դատական իշխանութեանց, թէ նոյնինքն օրէնսդիր իշխանութեան՝ Խորհրդարանին միանգամայն։ |
| s-360
| Այն օրը ուր Մամուլին իրաւասութենէն խլուի ազատութիւնը՝ առաձգական եւ միշտ նենգաւոր կանոններու միջոցով, այն օրը ուր մամուլը կորսնցնէ իր խօսքի ազատութիւնը՝ ա՛յն օրը արդէն երկրին բովանդակ ազատութիւնը կարելի է բռնաբարուած եւ քանդուած համարիլ։ |
| s-361
| Մամուլը ուրիշ բան չէ՝ եթէ ոչ հանրային կարծիքը, ժողովուրդին ձայնը եւ հասարակութեան խօսքը։ |
| s-362
| Այդ կարծիքը, այդ ձայնը եւ այդ խօսքը պէտք է լսուին ամէն օր եւ լիակատար ազատութեամբ, դառն ըլլան թէ քաղցր իրաւացի կամ անիրաւ, արդար կամ դատապարտելի։ |
| s-363
| Սահմանադրութիւնը, որ իբրեւ հիմնական սկզբունք, կ՚ապահովէ անհատին խօսքի ու գաղափարի ազատութիւնը, չի կրնար երբեք ո՛չ մէկ արգելիչ միջոցներով ու եղանակով կաշկանդել անհատներուն հաւաքական ձայնը, խօսքի հաւաքական ազատութիւնը։ |
| s-364
| Ճիշդ է, կրնայ պատահիլ որ յանուն Մամուլի ազատութեան՝ խօսքը գործածուի չարաչար կերպով, կատարուին զեղումներ ու շանթաժներ։ |
| s-365
| Ճիշդ է, կրնայ պատահիլ որ Մամուլի անարժան գործիչներ եւ անազնիւ մարդիկ զեղծանին այս ազատութեամբ եւ շահագործեն այս ազատութիւնը՝ ի նպաստ դատապարտելի շահերու եւ դիտումներու։ |
| s-366
| Ճիշդ է, այս բոլորը կրնան պատահիլ եւ կը պատահին միշտ ամէն տեղ ու ամէն երկրի մէջ։ |
| s-367
| Բայց բոլոր այդ պատճառները, բոլոր այդ նկատումներն ու նախատեսութիւնները բնաւ չեն կրնար այնքան արժէք ունենալ որ աւելի կշռեն քան ինքն իսկ խօսքի ազատութիւնը եւ այդ ազատութեան ընդհանուր օգուտները։ |
| s-368
| Այդ բոլոր զեղծումներուն եւ անպատեհութեանց դէմ իբրեւ հակակշիռ՝ Սահմանադրութիւնը մէկ բարոյական ուժ միայն կրնայ հարկադրել, — ԴԱՏԱՐԱՆԸ։ |
| s-369
| Դատարանէն դուրս՝ Մամուլին համար սահմանուած ամէն կաշկանդիչ օրէնք՝ բռնութիւն է եւ բռնութիւն կը մնայ։ |
| s-370
| Եւ Դատարանը՝ Մամուլի միջոցով կատարուած ամէն անիրաւ քննադատութիւն, ամէն զեղծում ու վնաս կը դատէ այնպէս՝ ինչպէս կը դատէ ո՛ եւ է անհատէ մը ուրիշ անհատի մը դէմ բացուած իրաւունքի դատ։ |
| s-371
| Ընդունելով որ անհատ մը՝ առանց Մամուլի դիմելու, կարող է խօսքով ու իր լեզուով վնասել ուրիշի մը պատուին, անիրաւութիւն հասցնել անոր, պատճառել բարոյական եւ նիւթական վնասներ՝ փողոցի մէջ, հանրութեան առջեւ, գաղտագողի փսփսուքներով եւ դեռ բազմաթիւ եղանակներով՝ միթէ Օրէնքը բերնակա՞պ դնել հարկադրուած է մարդոց շրթունքներուն վրայ, քաղաքացիներէ 100 կամ 500 ոսկիի երաշխաւորութի՞ւն կը պահանջէ։ |
| s-372
| Ո՛չ , այս տեսակ ծիծաղելի եւ անհեթեթ միջոցներ ձեռք չ՚առներ եւ չէ առած, այլ պարզապէս անիրաւուածին բողոքին համաձայն՝ անիրաւողին ու յանցաւորին օձիքէն կը բռնէ եւ զայն դատաստանի կ՚ենթարկէ։ |
| s-373
| Սակայն, ինչ որ անհեթեթ է ու ծիծաղելի՝ սովորական կեանքի եւ անհատներու առօրեայ յարաբերութեանց համար, անհեթեթ չի նկատուի Մամուլի ազատութեան տեսակէտով։ |
| s-374
| Պետական Խորհուրդի քննութեան ներկայացող Մամուլի Կանոնագիրը կը պահանջէ եղեր որ «լրագրի արտօնատէր մը 500 ոսկիի երաշխաւորութիւն մը տայ կանխաւ». ինչո՞ւ . հապա եթէ այդ 500 ոսկիի երաշխաւորութիւնը չի կրնայ տա՜լ ։ |
| s-375
| Ո՞ր քաղաքացիէն նիւթական սակ պահանջուած է՝ իր ապագայ զեղծումներուն, յանցանքներուն, անիրաւութիւններուն կամ ոճիրներուն ի հաշիւ. ո՞ր խանութպանէն, ո՞ր վաճառականէն եւ ո՞ր առեւտրականէն օրէնքը կանխաւ այդ տեսակ երաշխաւորութիւններ կ՚առնէ՝ անոնցմէ մէկուն գործի ձեռնարկելէն առաջ, չէ՞ որ անոնց իւրաքանչիւրն ալ կարող է խարդախել, անիրաւել, գողանալ եւ վնասի ենթարկել անհատի մը կամ հանրութեան բարոյական ու նիւթական շահերը։ |
| s-376
| Մամուլի այդ բարի պտուղ կանոնագիրը ունի սակայն ամէնէն վտանգաւոր եւ ամէնէն կասկածելի ուրիշ տրամադրութիւն մը. |
| s-377
| « Լրագիրները երկրին օգտակար յօդուածներ միայն պիտի հրատարակեն եւ երկրին անդորրութիւնը վրդովող հրատարակութիւններու մէջ պիտի գտնուին. » |
| s-378
| Երկրին համար օգտակար յօդուածներ բացատրութիւնը այնքան յարաբերական, այնքան պարագայական եւ առաձգական իմաստ մը ունի որ կարող է Լրագրութեան եւ Մամուլի ազատութեան գլխուն դառնալ մշտական սպառնալիք ու մշտական ճնշում։ |
| s-379
| Ինչ որ ես բացարձակապէս օգտական կը դատեմ երկրին շահերուն համար, ուրիշ մը կարող է նոյնքան վնասակար դատել. ո՞ր աստիճանաչափով պիտի վճարուի այդ այնքան անորոշ, այնքան տարտամ օգտակարութիւնը, ինչպէս կ՚ըլլան սովորաբար իշխանութեանց կողմէ սահմանուած կանոնները։ |
| s-380
| Երկրին օգտակարութեան խնդիրը կը շօշափուի բազմաթիւ եւ բազմաձեւ մտքով, գիտութեան փիլիսոփայութեան, բարոյականի, քաղաքականութեան, ընկերական վարդապետութեանց եւ դեռ այնքան այլազան գաղափարներու ու թէօրիներու միջոցով։ |
| s-381
| Ինչ որ այս ինչ գաղափարը, այս ինչ հայեացքն ու համոզումը մէկ քանիներու համար բացարձակ արդարութիւններ կրնան ընդունուած ըլլալ ի նպաստ երկրին ու անոր զարգացմանը, նոյն գաղափարներն ու համոզումները կրնան վճռական կամ ենթադրական չարիքներ համարուիլ կառավարութեան տեսակէտով. ո՞վ պիտի ըլլայ ճշմարտութիւնը վճռողը։ |
| s-382
| Անցեալին եւ դեռ շատ մօտիկ անցեալին մէջ աշխարհքի ամենասուրբ ճշմարտութիւններէն մէկ քանին, օրինակի համար՝ Ազատութիւնն ու Իրաւունքը՝ կառավարութեան կողմէ կը նկատուէին քրէական ոճիրներ եւ անոնց քարոզիչները՝ եղեռնագործներ։ |
| s-383
| Ինչո՞ւ կարելի չըլլայ ընդունիլ թէ այսօրուան կեանքին մէջ ալ կրնան պատահիլ նոյնքան ուրիշ համոզումներ եւ գաղափարներ՝ որոնք ճշմարտութիւններ են եւ հետեւաբար օգտակար երկրին, բայց ո՛չ կառավարութեանը։ |
| s-384
| Եւ ահա օրէնքը՝ որ կը կանգնի մըտածողին առջեւ խիստ, անողոք եւ երկսայրի, ու կը հարկադրէ զայն լռութեան, կը դատապարտէ զայն պատժի։ |
| s-385
| Այսպէս, այս երկրին մէջ այսօր իսկ բազմաթիւ անձնաւորութիւններ ու մէկէ աւելի կուսակցութիւններ կան, որոնք համոզուած են թէ կեդրոնացման վարչական ձեւը աղէտ մը, չարիք մըն է պետութեան ու երկրին համար. մինչդեռ անձնաւորութեանց ուրիշ խմբակցութիւն մը կամ կազմակերպութիւն մը՝ իբրեւ չարիք ու աղէտ կը նկատէ երկրին համար ապակեդրոնացման դրութիւնը։ |
| s-386
| Ո՞ր օրէնքը արդարութեամբ պիտի կարող ըլլայ վճռել այս հարցին նկատմամբ, եթէ անիկա վաղը յանկարծ դատարանի մը առջեւ ելլէ։ |
| s-387
| Այսպէս, վարչութեան գլուխ անցած կեդրոնացման գաղափարի պաշտպան անձնաւորութիւնները կարող պիտի ըլլան այս ու այն րոպէին հալածել եւ ճնշել ապակեդրոնացման կուսակիցներն ու պրօպականտիստները, զանոնք նկատելով իբրեւ երկրին անդորրութիւնը վրդովող մարդիկ։ |
| s-388
| Ու Մամուլի օրէնքը իրենց զէնքը պիտի ըլլայ. այդ զէնքով իրաւունք պիտի ունենան դադրեցնել թերթեր, արգիլել գրքերու հրատարակութիւնները եւ նոյն իսկ պատժել անոնց հեղինակները։ |
| s-389
| Որպէս զի այս բռնութիւնները եւ անիրաւութիւնները տեղի չունենան՝ հարկ է հարցը դնել ուրիշ եղանակով։ |
| s-390
| Երկրին օգտակարութիւնը եւ Երկրին անդորրութիւնը չափազանց անորոշ եւ անիմաստ բացատրութիւններ են, պէտք է ճշդորոշել զանոնք ու սահմանել, թուումն մասանցը ընելով նոյն Օգտակարութեան եւ Անդորրութեան դէմ մեղանչող պարագաներուն, որպէսզի կարելի ըլլար կշռել զանոնք, վիճել անոնց վրայ եւ Խորհրդարանի որոշումէն ետքը դնել գործադրութեան։ |
| s-391
| Անկէ ետք ամէն բան պայծառ կ՚ըլլայ եւ երկդիմութիւնը չի դառնար ձեռնտու բռնապետութիւն՝ կառավարութեան հաշւոյն։ |
| s-392
| Իսկ 500 կամ աւելի ու պակաս ոսկիներու երաշխաւորութիւն պահանջելը լրագրապետներէ կամ հրատարակիչներէ՝ բացէ ի բաց հարուած է՝ ուղղուած ժողովուրդի մտաւոր զարգացման ու յառաջդիմութեան։ |
| s-393
| Յունվ. 16/29 |
| s-394
| Ա. |
| s-395
| Մարդ մը, որուն երեսը երբեք չէինք տեսած, խաւարի մէջ ապրող դիւային էակ մը. գոյութիւն ունէ՞ր իրօք, թէ առասպել մըն էր որ բերնէ բերան կրկնուելով, տարածուելով` վերջնական ձեւ ու վաւերացում կը ստանայ, իրողութեան կարգ կ՚անցնի: |
| s-396
| Գող մըն էր Զաբուղոն մեր գեղին մէջ. ո՛չ այն ռամիկ գողը, որ կը բռնուի շարունակ, կը ծաղրուի ու բանտերու մէջ կը փճանայ. ոչ ալ այն ահարկու աւազակը որուն գողօնին արիւն կը խառնուի ատեն ատեն: |
| s-397
| Իր մեծ արժանիքը ճարպիկութեանը մէջ էր. օդի պէս անօսր, ոգիի մը պէս աներեւոյթ, տեղ մը չէ ու ամեն տեղ է միանգամայն: |
| s-398
| Ամենէն աւելի ամուր փակուած դուռը, ամենէն բարձր պատը` մտնելէ չեն արգիլեր զինքը. բանալիին ծակէն, տախտակներուն ճեղքերէն ներս կը սպրդի կարծես, անշշուկ ստուերի մը պէս: |
| s-399
| Ամեն բան գիտէ, ամեն խօսք կը լսէ ու դռնփակ նիստերը իրեն համար չեն. իրեն համար պատրաստուած ծուղակներուն մէջէն յաջողութեամբ դուրս կ՚ելլէ միշտ, վարպետ ձեռնածուի մը պէս զարմանքի մէջ թողլով զինքը բռնելու պատրաստուող միամիտները: |
| s-400
| Երեսը շիտակ տեսնող չկար. բայց կը պատմուէր — ո՞վ , կամ ի՞նչպես , չեմ գիտեր — թէ երիտասարդ մըն էր այս տղան, նկնահասակ, թխադէմ ու վատոյժ տղայ մը. երկաթագործի քով աշկերտութենէ եկած էր ու կղպանքներու արուեստը պէտք եղածէն աւելի սորված էր: |
| s-401
| Հիմա արուեստասէրի մը պէս կ՚ապրէր, գողնալով թալլելով շարունակ, աւելի սնապարծութենէ քան թէ իրական չարութենէ մղուած: |