| s-101
| Il fu veraiement lac, |
| s-102
| et en lui pot l'en puisier toz les poinz et toute la force de divinité. |
| s-103
| De celui lac issirent.ix. fluns. |
| s-104
| Ce furent.ix. persones d'omes qui sont descenduz de celui. |
| s-105
| Non mie qu'il soient tuit si vaillanz est descenduz li uns de l'autre par droite engendreure. |
| s-106
| De ces.ix. sont li.vii. roi, et li dui chevalier, |
| s-107
| li premiers rois qui issi de Celidoyne ot non Narpus, |
| s-108
| et si fu preudome, |
| s-109
| et mout ama sainte eglyse, |
| s-110
| li autres ot non Nasciens en remembrance de son ayel, |
| s-111
| en celui se herberja Nostre Sires si naturelment que l'en ne savoit en son tens nul plus preudome, |
| s-112
| li tierz rois aprés ot non Elyen le Gros. |
| s-113
| Cil vousist mielz estre morz qu'il vousist riens fere contre son creator, |
| s-114
| li quarz ot non Elays preudons et loiaux |
| s-115
| et douta Nostre Seignor sor toutes choses, |
| s-116
| ce fu cil qui onques a son escient ne corroça son seignor celestiel, |
| s-117
| li quinz aprés ot non Janaans bons chevaliers et loiax et hardiz plus que nus hom. |
| s-118
| Cil ne fist onques a son cuidier chose donc il corroçast Nostre Seignor. |
| s-119
| Cil se parti de cest païs |
| s-120
| et s'en ala en Gaule, |
| s-121
| et vint maindre en cest païs, |
| s-122
| et ot a fame la fille le roi d'Illande. |
| s-123
| Si fu si preudons com tu as oï, quant tu trovas a la fontainne le cors de ton ayel. |
| s-124
| De celui issi li rois Bans tes peres qui assez fu plus preudons et de sainte vie que maintes genz ne cuiderent, qui cuiderent que le duel de sa terre l'eust mort, |
| s-125
| mes non fist. |
| s-126
| Ainz avoit toz les jorz de sa vie requis Nostre Seignor qu'il le donast partir de cest siecle quant il l'en requerroit. |
| s-127
| Si mostra Nostre Sires que il avoit oïe sa proiere. |
| s-128
| Car si tost com il demanda la mort dou cors il l'ot, |
| s-129
| et trova la vie de l'ame. |
| s-130
| Ces.vii. persones que je t'ai nommees qui sont comencement de ton lignage ce sont li.vii. roi qui aparurent en ton songe. Qui vindrent devant toi, |
| s-131
| et ce furent.vii. des fluns qui issirent del lac que li rois Mordrains vit en son dormant. |
| s-132
| Et en toz ces.vii. a Nostre Sires lavez ses mains et ses piez. |
| s-133
| Or covient que je te die qui sont li dui chevalier qui erent en lor compaignie, |
| s-134
| ce est a dire qu'il ert descenduz d'els. |
| s-135
| Ce es tu, |
| s-136
| car tu issis dou roi Ban qui estoit li darreains de ces.vii. rois. |
| s-137
| Quant il estoient toz assemblez devant toi il disoient : |
| s-138
| “ Pere des ciax vien nos visiter, |
| s-139
| et rent a chascun ce qu'il avra deservi, |
| s-140
| et nos met en ton ostel. ” |
| s-141
| En ce qu'il disoient : “ Pere vien nos visiter ” t'acoilloient il en lor compaignie, |
| s-142
| et prioient Nostre Seignor qu'il venist quierre els et toi, por ce qu'il estoient comencement de toi, et racine. |
| s-143
| Par ce qu'il distrent : “ A chascun rendés ce qu'il a deservi ”.´ doiz tu entendre qu'il n'ot onques en aux se droiture non. |
| s-144
| Et por amor qu'il eussent a toi ne voloient il prier Nostre Seignor fors de ce qu'il devoient, |
| s-145
| ce est de rendre a chascun son droit. |
| s-146
| Quant il orent ce dit il te fu avis que devers le ciel venoit.i. home o grant compaignie d'anges. |
| s-147
| Quant il avoit parlé a l'ainzné des.ii. chevaliers et il li avoit dites les paroles donc tu te remembres bien que tu doiz bien prendre sus toi, come celes qui furent dites de toi et por toi. Car tu senefies celui qui eles estoient dites, il venoit au juene chevalier qui de toi ert descenduz, |
| s-148
| car tu l'engendras en la fille le roi Pellés, |
| s-149
| et einsi descendoit il de toi, |
| s-150
| si le muoit en figure de lyon. |
| s-151
| Ce est a dire qu'il le metoit oultre toutes mannieres d'omes terriens, si que nus ne li resemblast ne en fierté ne en pooir. |
| s-152
| Et il li donoit eles por ce que nus ne fust si vistes ne si isniax com il estoit. Ne que nus ne pooit aler si haut ne en proesce ne en autre chose, |
| s-153
| et il disoit : |
| s-154
| “ Biau filz or puez aler par tout le monde, et voler sus toute terriane chevalerie. ” |
| s-155
| Et cil començoit tantost a voler, |
| s-156
| si devenoient ses eles si granz et si merveilleuses que touz li monz en ert coverz. |
| s-157
| Tout ce que vos veiez est ja avenuz de Galaad cel chevalier qui est tes filz, |
| s-158
| car il est de si haute vie que ce est merveille. |
| s-159
| Ne de chevalerie nel puet nus hons resembler, ne toi ne autres, |
| s-160
| et por ce que il est si hauz alez que nus n'i porroit avenir devons nos dire que Nostre Sires li a doné eles a voler par desus touz les autres, |
| s-161
| et par lui devons nos entendre le nueme flum que li rois Mordrains vit en son songe qui plus estoit lez et parfonz que tuit li autre ensemble. |
| s-162
| Or t'ai dit qui sont li.vii. roi que tu veïs en ton songe, et qui fu li chevaliers qui fu ostez de leur compaignie, et qui fu li derreains a qui Nostre Sires donoit sa grace qu'il le faisoit voler par desus touz les autres. |
| s-163
| - Sire, fet Lancelot, ce que vos me dites que li bons chevaliers est mes filz me fet mout esbahir. |
| s-164
| - Tu n'en doiz pas estre esbahiz, fet li preudons, ne merveillier t'en, |
| s-165
| car tu sez bien que la fille le roi Pellés coneus tu charnelment, |
| s-166
| et ilec engendras tu Galaad que tu engendras en cele damoisele |
| s-167
| ce t'a l'en dit mainte foiz. |
| s-168
| Et cil Galaad que tu engendras en cele damoisele.´ est cil chevaliers qui sist le jor de Pentecoste ou siege perilleux, |
| s-169
| ce est li chevaliers que tu quiers. |
| s-170
| Si le t'ai dit et fet conoistre por ce que je ne voloie pas que tu te preïsses a lui par bataille, |
| s-171
| car tu le porroies fere pechier mortelment en toi honir del cors, |
| s-172
| car se tu te prenoies a lui par bataille tu sez bien |
| s-173
| et puez savoir que ce seroit tantost alee chose de toi, puis que nule proesce ne se prent a la soe. |
| s-174
| - Sire, fet Lancelot, mout m'est grant confort de ceste chose que vos m'avez dite, |
| s-175
| car il me semble puis que Nostre Sires a soffert que tel fruit est issuz de moi.´ cil qui tant est preudons ne devroit pas soffrir que ses peres quiex qu'il soit alast a perdicion, |
| s-176
| ainz devroit Nostre Seignor proier nuit et jor qu'il par sa douce pitié m'ostast de la male vie ou j'ai tant demoré. |
| s-177
| - Je te dirai, fet li preudons, coment il est. |
| s-178
| Des pechiez mortiex porte li peres son fes, et li filz le suen. |
| s-179
| Ne li filz ne partira ja as iniquitez au pere. |
| s-180
| Ne li peres ne partira ja as iniquitez au filz. |
| s-181
| Mes chascuns selonc ce qu'il avra deservi recevra loier, |
| s-182
| por ce ne doiz tu pas avoir esperance en ton fil, mes solement en Dieu, |
| s-183
| car se tu de lui requiers aide il t'aidera |
| s-184
| et secorra en toz leux a toz tes besoinz. |
| s-185
| - Puis qu'il est einsi, fet Lancelot, que nus fors Jhesucrist ne me puet valoir ne aidier.´ lui pri je qu'il me vaille et aït, et ne me laist chaoir es mains de l'anemi, si que je li puisse rendre le tresor qu'il me demande. Ce est l'ame de moi au jor espovantable qu'il dira as mauvés : |
| s-186
| “ Alez de ci maleoite gent ou feu pardurable. ” |
| s-187
| Et dira as bons la douce parole : |
| s-188
| “ Venez avant mi beneoit oir mon pere, li beneoit fil.´ |
| s-189
| entrez en la joie qui ja ne prendra fin. ” » |
| s-190
| Longuement parlerent ensemble entre le preudome et Lancelot. |
| s-191
| Et quant il fu hore de mengier il issirent de la chapele |
| s-192
| et s'asistrent en la meson au preudome |
| s-193
| et mengierent pain et cervoise. |
| s-194
| Et quant il orent mengié li preudons fist Lancelot couchier sus l'erbe come cil qui autre lit n'avoit apareillié, |
| s-195
| et il se dormi asez bien come cil qui las estoit et travailliez, |
| s-196
| et ne baoit pas tant a la grant aise del monde com il soloit, |
| s-197
| car s'i i baast il n'i dormist jamés por la terre qui trop ert dure, et por la haire qui ert aspre et poignant aprés la char, |
| s-198
| mes il est ore a ce menez que ceste mesese et ceste durté li plest tant et embelist qu'il n'essaia onques mes riens qui tant li pleust, |
| s-199
| et por ce ne li grieve riens que il face. |
| s-200
| Cele nuit se dormi |