| s-801
| Энэ хэрэгтэ зандинаархиниие хабаадуулхада болохо. |
| s-802
| Тиимэһээ тэдэмнай үхибүүдтэ буряад дуунуудаа зааха, арадайнгаа түүхэтэй танилсуулха, түрэл хэлэн дээрэнь дуугаргажа һургаха аргатай. |
| s-803
| Хотын хүүгэд хайшан гээд анхан сагта арһа элдэдэг, мал харадаг, тоһо зөөхэй буйлуулдаг байгааб гэжэ ехэ һонирхохо һэн. |
| s-804
| Үхибүүд хурьга эльбээд үзэхэ гү, али ээрсэгээр нооһо ээрэжэ туршаха дуратай байхал даа. |
| s-805
| Эдэ бүгэдые бэелүүлхын тула зоной байра байдал зохёохо шухала |
| s-806
| Худаг барихаһаа эхилээд, хэ ажал дүүрэн. |
| s-807
| Теэд бага багааршье һаань юумэ хэжэл байхада һүүлэй һүүлдэ хэрэг бүтэдэг ха юм. |
| s-808
| Үшөө нэгэ һанал бодол гэхэдэ, мүнөө фермернүүдтэ тэдхэмжэ мүнгэн үгтэдэг. |
| s-809
| Зүгөөр энэ дэмжэлгэнь ехэнхидээ хүл дээрээ гараһан, шадалтай фермернүүдтэ хараалагданхай. |
| s-810
| Иимэ байдалда бага зөөритэй, үсөөн үхэр малтай хүнүүд тоогдонгүй үлэшэнэ. |
| s-811
| Минии һанахада, гурбахан үхэртэй хүнүүдтэ баһал туһаламжа үзүүлэгдэхэ ёһотой. |
| s-812
| Энэ асуудалые шиидхэбэл, бага һууринуудые һэргээжэ боломоор. |
| s-813
| Намааршье бодоод үзэхэдэ, би хамһабариин ажахы нээхэ гэхэдээ, даб дээрээ аргагүйдэнэб. |
| s-814
| Нэгэл тугал худалдажа абанхайб. |
| s-815
| Мүн Бато Семеновой Хэблэлэй байшандамнай бэлэглэһэн унаган бии. |
| s-816
| Бүхыдэнь абаад харахада, һуурин бүхэниие һэргээхэ ямар нэгэн арга байна. |
| s-817
| Жэшээнь, Хүсөөтэдэ хүүгэдэй сэсэрлиг нээхэ хэрэгтэй. |
| s-818
| Боом нютагта гоё һайхан нуур бии, тэндэ байгаали хамгаалгын дэбисхэр эмхидхэхээр. |
| s-819
| Гашей шадар Алташын-Адагай заказник байна. |
| s-820
| Аршаан булагууд, шүтэлгын газарнууд олон. |
| s-821
| Үнэн дээрээ нютагаа һэргээхэ гэбэл, арга боломжонууд биил даа. |
| s-822
| Мухар-Шэбэрэй аймагта аяншалгашье хүгжөөхөөр: татаарнууд, шэмээшэгүүд, буряадууд ажаһуудаг ха юм. |
| s-823
| Мэргэдэй хэрэм гэжэ байна, Табан хурган, Балтын хажууда сонгоол болон хори буряадуудай түрүүшынхиеэ уулзаһан газар бии. |
| s-824
| Нютаг бүхэндэ юу хэхээр бэ гэжэ һайса шүүжэ үзэхэ хэрэгтэй. |
| s-825
| Юундэ хүнүүд хүдөөһөө гаража ошоноб? |
| s-826
| Ажалгүйдэнэ ха юм. |
| s-827
| Иигээд лэ гараа дэлгээд һуугаа һаамнай, саашадаа бүри хэсүү болохо, хүдөөгэймнай зон хото ерээд лэ, мүрөө алдаха. |
| s-828
| Тэдэнэй һанал бодолые хубилгаха, малша, таряаша зониие хүндэтэй болгохо шухала. |
| s-829
| Бодото дээрээ бэрхэ фермернүүд хотодо ажаһуудаг олзын хэрэг эрхилэгшэдһээшье баян байдаг. |
| s-830
| - Танай һанал бодолнууд ехэ һайшаалтай. |
| s-831
| Зүгөөр олонхимнай ажалһаа залхуурдаг болошонхой. |
| s-832
| Мүртэй ажал олдоногүй гэжэ шалтаад, мүнөө саг хүндэ болошоо гэжэ бэеэ үмөөрөөд лэ, нэгэшье оролдолго гаргадаггүй хүнүүд үсөөн бэшэ... |
| s-833
| - Түүхэ хэды болоод лэ, дахин дабтагдадаг гэжэ зүб хэлсэдэг: һандаралай удаа һэргэлгэ, удаань дахин доройтолго, һэргэлгэ... |
| s-834
| Колхоз, совхозуудай һандархада, бүхы таряалан газарнууднай, бэлшээринүүднай хэрэглэгдэхэеэ болижо, нэгэ талаар газарнай амараад абаа. |
| s-835
| Минии һанахада, мүнөө һэргэлгын саг туласа ерэнхэй. |
| s-836
| Хүн зомнайшье газар дээрээ хүдэлхэ хэрэгтэй гэжэ ойлгожо эхилээ. |
| s-837
| Бишье хадаа Улаан-Үдэдэ ажалтай, сүлөөгүй хэбэртэй хүн аад, үхэр мал бариха дуратай, байгаалидаа, газартаа дүтэ байхаяа оролдодог болонхойб. |
| s-838
| Юундэ бидэ мал ажалаар амидардаг байһан элинсэг хулинсагуудай үри һадаһад аад, хаана холоһоо асарагдаһан мяха, һү хэрэглэхэ болоо юмбибди? |
| s-839
| Тиигээдшье тэдэнэйнь сохом һайн шанартайе яажа мэдэхэбибди? |
| s-840
| Удахагүй би аша гушанартай болохоб. |
| s-841
| Тэдэнээ элдэб холисогүй, бэедэ хорогүй сэбэр эдеэ хоолоор тэжээхэеэ һананаб. |
| s-842
| Намда адляар бододог зон олон гэжэ һананаб. |
| s-843
| - Соёлма Баяртуевна, эдэ бүгэдые бэелүүлхэ зорилго урдаа табяа хадаа та зонойнгоо түлөө һанаагаа зободог байхаһаа гадна шуран бэрхэ, олониие хойноо дахуулха хүсэтэй хүнта. |
| s-844
| - Сэхыень хэлэхэдэ, би шуран, түргэ мэргэн бэшэб. |
| s-845
| Багадаашье шуран бэрхэ байгаагүйб, эдэбхи үүсхэл ехэтэй һэмби гэжэшье һанадаггүйб. |
| s-846
| Номгон даруу, аалихан, хүлеэсэтэй, тэсэмгэй зантай байгааб. |
| s-847
| Мүнөөшье тиимэ зандааб. |
| s-848
| Гэбэшье, ажабайдал хэзээб даа нэгэтэ шамайе урагшань даб гүүлэжэрхидэг. |
| s-849
| Жэшээнь, аалиншье һаам, намайе 9-дэхи класста комсоргоор һунгаа. |
| s-850
| Хүнэй нюурта сэхэ хэлэжэрхидэг зондо нэгэ бага атаархадаг һэмби. |
| s-851
| Зүгөөр мүнөө хэн нэгэндэ тиимэш-иимэш гэжэ хэлэхэеэ яарадаггүйб, ходо бэеэ барихаш, хүниие шоо үзэдэггүйб. |
| s-852
| Теэд түргэн түүхэй байнхаар, удаан даамай байһаниинь дээрэ. |
| s-853
| Минии эсэгэ Баярто Одоевич киномеханигаар, эжымни Вера Бальжинимаевна почтальоноор хүдэлдэг байгаа. |
| s-854
| Тэрэ үедэ 6 наһатай би эжыдээ туһалха гэжэ почтыень тараадаг һэм. |
| s-855
| Удаань гэртэхинэйнгээ Суулгын совхозой Гашейн таһагта хониндо хүдэлжэ эхилхэдэнь, хоёр дүүнэртэеэ Суулгын интернадта байраар һурадаг болоод, амаралтын үдэрнүүдтэ гэртээ ошохо машина бэдэрдэг байгааб. |
| s-856
| Юуб гэбэл, холын гүүртэнүүдэй хүүгэдые совхозой автобус гэр гэртэнь тарааха ёһотой аад, ехэнхидээ бидэнэй хойноһоо ерэдэггүй һэн. |
| s-857
| Тиихэдэнь 6-дахи класста һурадаг би эгэшэ хүн гээшэб гэжэ, гэртэхинэйнгээ сүлөө таһалхагүйн тула Суулга соогуур ябажа, машина, трактортай зонтой хөөрэлдэжэ, гэртээ буулгуулдаг байгааб. |
| s-858
| Үнгэрхэдөө, мүнөө неделидэ энэ хүндэ, нүгөө долоон хоногто тэрэ хүндэ хандахаб гэжэ түсэб табихаш. |
| s-859
| - Та мүнөө республика дотор тон мэдээжэ сониной, ехэ гэгшын хэблэлэй байшанай хүтэлбэрилэгшэт. |
| s-860
| - Хуби заяамни гэжэ һанагшаб. |
| s-861
| Юундэб гэхэдэ, анха түрүүн багшанарай институдта шалгалта бариха гэжэ байхадам, намайе танил талаараа орохо болонхой гэжэ худал зугаа гараа юм. |
| s-862
| Тиихэдэнь би эхэ эсэгэеэ хэлсүүлхэгүйн тула дансануудаа һөөргэнь абаад, гэртэхиндээшье хэлэнгүй, Эрхүү гарашооб. |
| s-863
| Тэндэ һуража бай үедөө наһанайнгаа нүхэртэй танилсаад, гэр бүлэ болообди. |
| s-864
| Вячеслав түрүүн дүүргээд, Улаан-Үдэдэ ажал олонгүй, «Тарбагатайская нива» сониндо хүдэлжэ эхилээ. |
| s-865
| Удаань 1992 ондо «Информ Полисоо» нээхэдэнь, «Бурятия» сониндо хүдэлжэ байһан би нүхэртэеэ хамтараад, сонимнай энэ болотор хүгжөө. |
| s-866
| - Иимэ ехэ эмхи хүтэлбэрилхэдэ хүндэ гү? |
| s-867
| - Бэлэн бэшэ. |
| s-868
| Зүгөөр манай Хэблэлэй байшанда ехэ бэрхэ, урид һанаатай, ажалаа сэгнэдэг, сэхэ сэбэр зантай, эбтэй эетэй хүнүүд хүдэлдэг һэн тула ажал хэрэгнай ехэнхидээ урагшатай байдаг. |
| s-869
| Суг хүдэлдэг нүхэдни туйлаһан амжалта дээрээ тогтошонгүй, шэнэ арга боломжонуудые олоод лэ, тэдэнээ бэелүүлхэеэ оролдодог. |
| s-870
| Гадна ямаршье сагта намайе дэмжэдэг, ходо туһалжа байдаг юм. |
| s-871
| Энээндэнь би ехэ баяртайб. |
| s-872
| - Хүнэй ямар абари зан танда тон сэнтэйб? |
| s-873
| - Хүн бүхэниие хүндэлхэ, зондоо туһатай бай хэрэгтэй. |
| s-874
| Энэ дүримые би гэртэхинэйнгээ жэшээгээр ходо сахихаяа оролдодогби. |
| s-875
| Эхэ эсэгэмни дээдэ һургуулигүй байһаншье һаа, боро ухаагаараа нилээд хүгжэнги һэн. |
| s-876
| Тэдэ наһан соогоо хүндэ нэгэшье муу юумэ хэжэ үзөөгүй, хазагай үгэшье хэлээгүй, аргатайл һаа, хүндэ туһалхые оролдоо. |
| s-877
| Хамагые ойлгожо, бүхые багтаажа шададаг бэлэй. |
| s-878
| Би мүнөө эхэ эсэгынгээл буянгаар ажаһуунаб. |
| s-879
| Нютагаа ошоходош, нүхэдынь намайе дулааханаар угтадаг, ехэ дүтөөр һанадаг. |
| s-880
| Тэбэрихэ, таалаха. |
| s-881
| Тиихэдэнь эхэ эсэгыемни үгылнэ гэжэ ойлгодогби, гэртэхинэйнгээ нэрэ һайханаар нэрлүүлжэ ябахаяа оролдодогби. |
| s-882
| - Соёлма Баяртуевна, та эсэбэритэй, сүлөөгүй ажалтайт, олониитын ажабайдалда эдэбхитэйгээр хабаададагта. |
| s-883
| Хаанаһаа хүсэ шадал абадаг гээшэбта? |
| s-884
| - Наһанайнгаа нүхэрэй, үхибүүдэйнгээ дэмжэлгэһээ. |
| s-885
| Хүн бүхэндэ гэр бүлын дүхэригһөө дулаахан юумэн үгы ха юм |
| s-886
| Би хоёр хүбүүтэйб, тиихэдэ дүүнэрэймни хоёр хүбүүд бидэнтэеэ ажаһуудаг. |
| s-887
| Түрэлхид гаралхидни, түрэл нютагни, Байгал далаймни намда хүсэ зориг үгэдэг. |
| s-888
| Жэшээнь, Байгал далайн эрье дээрэ уһанайнь долгилхые хаража һуухадам, бүхы шиидхэгдээгүй асуудалнуудни багахан, бирагүйхэн бэрхэшээлнүүд шэнгеэр үзэгдэдэг. |
| s-889
| Зандин тоонтоёо ошоходоо, Түгнынгөө талаһаа хүсэ абадагби. |
| s-890
| Түрэлхидтэеэ уулзахадаа, зүрхэ сэдьхэлээрээ амардагби. |
| s-891
| Мүнөө абгамни Улаан-Үдэдэ ажаһуудаг. |
| s-892
| Айлшалжа ошоходоо, таһалһан талхатай шүлыень яаралгүйхэн амтархан уужа байхадаа, эхэ эсэгэ тухайм, балшар наһан тухайм хөөрөөнүүдыень шагнаха дуратайб. |
| s-893
| Эжы абашни тиимэ байгаа, ши багадаа иигэжэ хэлэдэг байгааш гэжэ нэгэл хөөрөөнэй ходо дабтагдадагшье һаань, ехэ дуратайгаар шагнажа, зүрхэ сэдьхэлшни тэниидэг. |
| s-894
| Хэрбээ удаан сагта нютагаа ошоогүй һаа, намда муу байдаг. |
| s-895
| Басаган бэшээ. |
| s-896
| Үшөөл олон гэрэл зурагууд, гар бэшэгүүд тэрээн соонь багтаагүй үлэшоо hэн. |
| s-897
| Теэд яахабши, хүнэй хэдышье hанаатай байхада, бурхан өөрынхеэрээл гэжэ арад зон хэлсэдэг гээбы даа. |
| s-898
| Үргэлжэ hэрюун байдагыень hанагшаб. |
| s-899
| Үглөөгүүр hэрихэдэш, хараасгайнуудай шууялдаан, үдэшэндөө бэлшээриhээ субаhан үхэрнүүд … |
| s-900
| Ухаантай, шогтой сэсэн үбгэд hанаанhаам гарадаггүй. |