| s-702
| Тойроод намарай ой, арюун сэбэр уһатай гол. |
| s-703
| Магданай ажаһуугшад ехэ хүндэмүүшэ, урагшаа һанаатай, сагаан сэдьхэлтэй зон. |
| s-704
| Нютагай түхэл шарайшье һайхан. |
| s-705
| Тиимэл хадаа хүн зон, уг гарбалынь һайнууд байна. |
| s-706
| Энэ сэбэр агаараар амилхада, бэедэшье хүнгэн байгаа. |
| s-707
| - Тэрэ холын дайдада хүнүүд ямар ажал хэжэ, юу хэжэ ажаһууна гээшэб? |
| s-708
| Тогооной архи айл бүхэн нэрэнэ. |
| s-709
| Теэд нэгэшье һогтуу, архида ороһон хүниие тэндэ хараагүйб. |
| s-710
| Харин хүдэлмэришэ хүн хаанашье байбал, ажалайнгаа дүнгүүдээр һайн, баян садхалан ажаһуудаг гэжэ һанааб. |
| s-711
| Эхирэд-Булагадай Баруун Баянгаза нютагһаа тараашад |
| s-712
| - Ямар уг гарбалтай, хаанахи хүнүүд тэрэ холын ой хадаар түбхинөө гээшэб? |
| s-713
| Магад, тунгус, эвенкнүүдтэй холисолдоһон арад гү? |
| s-714
| - Үгы даа, гансал буряадуудбди гэнэ бултадаа. |
| s-715
| Бүхы наһаараа түрэл колхоздоо механизатораар хүдэлһэн, хододоо ажалай түрүүшүүлэй тоодо ябаһан Владимир Степанович Далбаевтай танилсаабди. |
| s-716
| Ехэ зугааша, олон юумэ мэдэхэ хүн. |
| s-717
| «Эхирэд-Булагадай аймагай баруун Баянгаза һууринһаа бидэ тараашадбди. |
| s-718
| Хоёр аха дүү байгаа, нэгэниинь хоёр хүбүүгээ дахуулаад, эндэ тогтоһон юм. |
| s-719
| Ехэ хүбүүн эндэһээ таһараа. |
| s-720
| Баянгаза нютагай бии болоһоор 300 жэл үнгэрөө. |
| s-721
| Бидэ монголоо эдеэлүүлхэдээ (эрхүү буряадай мүргэл), тэрэ нютагаа дурданабди. |
| s-722
| Буряад ёһоороо хуу хэрэгээ бүтээгээд байнабди. |
| s-723
| Баянгаза-баян дайда, һүүлдэ бөө Михуулай баабай-Магдан Магна гэжэ нэрэ үгэһэн юм. |
| s-724
| Ёһоороо Баянгаза нютаг-аха дүү хоёр. |
| s-725
| Баруун Баянгаза манаа уридаг. |
| s-726
| Нажарынь тайлга хэнэбди. |
| s-727
| Баруун Баянгазада ошожо, тогооной архи абаад, мүргэхэ һанаатайбди. |
| s-728
| Хойшолондоо үри һадаһаднай, ашанууднай һайханаар ябахын түлөө. |
| s-729
| Бидэ амбаар, тура (гэр) юумэеэ шэбхэдэдэггүйбди, хулгай гэжэ үгы. |
| s-730
| Түрэл һайхан нютагтаа жаргалтай |
| s-731
| - Хотын хүлгөөнһөө холо байхадаа, түрэл хэлэеэ, ёһо заншалаа мартаагүй байна гэжэ һанахаар гү? |
| s-732
| - Үнэхөөрөө гайхалтай нютаг даа. |
| s-733
| Хүн зон ехэ сэбэр, нягта, һайн һанаатай. |
| s-734
| Хулгай, худал гэжэ мэдэхэгүй, гэрээшье шэбхэдэнэгүй – тэрээндэнь ехэ гайхааб. |
| s-735
| Энэ һайхан нютагай зон тухай хөөрэнгүй бай аргамгүй. |
| s-736
| Мария Андреевна Далбаева арадай олон дуунуудые дуулажа үгэбэ. |
| s-737
| Гэр бүлэ болоһоор 45 жэлэйнгээ ойн баярые угтаһан Далбаевтан нютаг соогоо ехэ хүндэтэй айлайхи юм. |
| s-738
| Ветеринар мэргэжэлтэй Мария Андреевна мүнөөшье нютагайнгаа адууһа малай үбшые аргалжа, арадтаа туһаяа үзүүлжэ байдаг. |
| s-739
| Магданай эгээл аха заха, дайнай ветеран, 91 наһатай Валерий Секретаревич Хамарханов наһанайнгаа хани нүхэр Ксения Ханхареевнатай 8 үхибүүдые хүмүүжүүлжэ, мүнөө 18 ашанар, 11 гушанартай болонхой. |
| s-740
| Үндэр наһатай болоһоншье һаа, ухаан һонор, шог зугаатай Валерий Секретаревич түрэл һайхан нютагтаа жарган, баясан ажаһууна. |
| s-741
| Вениамин Иннокентьевич болон Светлана Антоновна Янхаевтан хотоһоо 20 жэлэй саада тээ түрэл дайдаяа бусажа ерээ һэн. |
| s-742
| Басаганиинь Францида хадамда гаранхай. |
| s-743
| Француз хүрьгэниинь иишэ ерэхэдээ, Магдан нютагые одоо ехээр гоёшоодог. |
| s-744
| Эхирэд-Булагадай аймагай Олой нютагһаа гарбалтай Раиса Родионовна Хартикова эндэ хадамда гаража, 1977 онһоо ажаһууна. |
| s-745
| Эхин классай багшаар наһанайнгаа амаралтада гаратараа хүдэлһэн байна. |
| s-746
| «Бидэ «Ургы» гэһэн фольклорно ансамбль эмхидхэһэн байнабди. |
| s-747
| Татьяна Валерьевна Бузинаевагай хүтэлбэри доро юһэн хүнүүд арадайнгаа дуунуудые дуулажа, ёохор хатарнабди. |
| s-748
| Улаан-Үдэ Сагаалганай һайндэртэ ошоо һэмди», - гэжэ Раиса Родионовна хөөрэнэ. |
| s-749
| Үшөө нэгэ эбтэй эетэй Павел Борисович болон Роза Борисовна Борголовтоной гэр бүлэ тухай |
| s-750
| Павел Борисович хүгшэн абаһаа дамжуулагдаһан тогооной архи нэрэхэ хэрэгсэлээ харуулба, ехэ һонирхобобди. |
| s-751
| Гэрэй эзэн эхэнэр Роза Борисовна мүн лэ хонгёо хоолойтой, үгэ хүүртээ бэрхэ, ороһон айлшадаа хүндэлэн байба. |
| s-752
| Магдан нютагай һайн хүнүүдээр танилсаха золтойдоо, сэдьхэлэйнгээ хүбшэргэйе хүдэлгөөжэ баярлаабди. |
| s-753
| Арадай алдарта аман зохёол бэшэжэ абаабди. |
| s-754
| Мартагдашагүй намарай үдэрнүүдые маанарта бэлэглэһэн шэдитэ газарай, сэдьхэл зүрхэнэйнгөө сэбэр арюунтай маанараар хубаалдаһан хүндэмүүшэ тэнюун хүнүүдтэй хэзээ үшөө золгохобиб даа. |
| s-755
| Угаа уһанда урдуулаагүй, элинсэгэй үндэһэнһөө таһараагүй буряадуудай байдал жэгтэй гоё байна даа! |
| s-756
| - Һайн даа, Намжилма Гутаповна, үнэхөөрөө ехэ һонирхолтой мэдээсэл асарбат. |
| s-757
| Буряад ороноймнай заха хизаарнуудаар оршоһон нютаг нуганууднай сагай хүлгөөндэ һандараагүй, муу муухайда даруулаагүй, хододоо һайн һайхан байг лэ гэжэ үнэн зүрхэнһөө хүсэхөөр. |
| s-758
| Соёлма Дагаева: «Түгнынгөө талые һэргээхэ хүсэлтэйб» |
| s-759
| Түгнын тала хэр угһаа хойшо ямаршье хүсэнэй урда толгойгоо гунхуулхагүй, дабашагүй бэрхэшээлнүүдһээ гэдэргээ сухарихагүй зориг түгэлдэр баатарнуудаараа, хурса ухаатай, холын бодолтой, арад зондоо урбашагүй дуратай хатан дангинанаараа суурхадаг байһан гэжэ мэдээжэ. |
| s-760
| Илангаяа |
| s-761
| Тэдэнэй тоодо «Информ Полис» хэблэлэй байшангай дарга Соёлма Дагаева оролсоно гэхэдэ, алдуу болохогүй. |
| s-762
| Энээн тухай манай хөөрэлдөөн. |
| s-763
| - |
| s-764
| Энэ хэрэгтэ мүнгэн зөөри суглуулагдана. |
| s-765
| Тиин таниие гэр бүлынгөө зүгһөө ехэ мүнгэ үргөө гэжэ дуулааб... |
| s-766
| - Гансашье би бэшэб. |
| s-767
| Эндэ олон хүн, эмхинүүд хабаадана. |
| s-768
| Жэшээнь, «Информ Полис» хэблэлэй байшан дасанда пластик сонхонуудые табиха... |
| s-769
| Мүн Суулгаһаа, Алташаһаа, тоонто нютаг Зандинһаамни гарбалтай бэрхэ, урагшаа һанаатай хүнүүд энэ хэрэгтэ хүсэ шадалаа элсүүлэнхэй. |
| s-770
| Суулгын дасан баян түүхэтэй юм: анхан Зандинда хори буряадуудай түрүүшын дасан боложо мүндэлөөд, удаань шаташаһан. |
| s-771
| Тиихэдэнь тэрэниие Суулгада дахин бодхоогоо. |
| s-772
| Совет үедэ олонхи дасангууд һандаргагдажа, манайшье дасан хохидоһон. |
| s-773
| Мүнөө гансал ханануудынь үлэнхэй. |
| s-774
| Харин Зандинда дасанай һуурида субарга бүтээгдэнхэй. |
| s-775
| Тэндэ хүнүүд ошожо, ходо мүргэдэг. |
| s-776
| - Мүнөө сагта олонхи хүдөө нютагууд «үншэршэнхэй» гээшэ ааб даа. |
| s-777
| Та нютагтаа айлшалхадаа, хүн зоной ажабайдал харанат. |
| s-778
| Ямар аргаар байдалыень һайжаруулхаар гээшэб? |
| s-779
| Түсэбүүд бии гү? |
| s-780
| - Түгнын тала үрэжэлтэй хүрьһэтэй, тобир тарган мал тэжээ гэһэндэл, һайн бэлшээритэй. |
| s-781
| Тиимэһээ мал ажал эрхилхэдэл тааруу. |
| s-782
| Хамба лама Дамба Аюшеевшье залуушуулые дэлгүүрнүүдэй харуулшад болошоод байнхаар, нютагаа бусажа, үхэр малаа тэжээгты гэжэ ходо заадаг. |
| s-783
| Энэнь тон зүб. |
| s-784
| Жэшээнь, Зандиниие абаад харахада, суурхадаг |
| s-785
| Һургуули хаагданхай, клуб һандаранхай, магазин гэжэ оройдоо үгы, автобусшье тиишэ ошодоггүй. |
| s-786
| Нютагаа һэргээхын тула нэн түрүүн хүн зоноо бусааха хэрэгтэй. |
| s-787
| Жэшээнь, би гэртэхинэйнгээ буусада хамһабариин ажахы нээжэ, мал тэжээхэ хүсэлтэйб. |
| s-788
| Нёдондо обоодоо ошоходоо, гэрэйнгээ хооһон һуури хараад, досоомни ёг гээ. |
| s-789
| Тиин тэрэ газараа худалдажа абааб. |
| s-790
| Мүнөө жэлдэ гэрэй һуури табижа, бага-багаар барилга эхилхэ һанаатайб. |
| s-791
| Һайн гэр бодхоогоод, хамһабариин ажахы эмхидхээ һаамни, тэндэмни хүдэлхэ уладууд заатагүй олдохо. |
| s-792
| Гадна Зандинһаа гарбалтай бусад хүнүүдэй иимэ ажахынуудые нээжэ эхилээ һаань, нютагтамнай хүн зон олошорхо. |
| s-793
| Энэ түрүүшын алхам болоно. |
| s-794
| Саашадаа һургуули һударһаа захалаад, тоонтоёо шата шатаар һэргээхэбди. |
| s-795
| Жэшээнь, мүнөө буряад хэлэеэ һэргээе гэлдэнэбди. |
| s-796
| Улаан-Үдэдэ ажаһуудаг гэртэхинэй хүүгэдтээ түрэл хэлыень үзүүлхэ гээшье һаань, 1-дэхи лицей-интернадһаа бэшэ буряад һургуули гэжэ үгы. |
| s-797
| Тиимэһээ баһал түрүүшын алхам болгожо, Зандинда буряад хэлэ, ёһо заншал шудалалгын шэглэлтэй хүүгэдэй зунай лагерь нээхэдэ болоно. |
| s-798
| Энэ хадаа минии баһа нэгэ уялгата зорилго гээшэ. |
| s-799
| Ганса гэр бараандаа буряадаараа хөөрэлдөөд, хэлэндэ һургажархихань бэрхэтэй. |
| s-800
| Юундэб гэхэдэ, жэнхэни буряадаараа хөөрэлдэжэ шадаха гэртэхиншье үсөөн ха юм. |
| s-801
| Энэ хэрэгтэ зандинаархиниие хабаадуулхада болохо. |