| s-402
| Kommunikasie- kommunikeer gepas en doeltreffend in 'n verskeidenheid sosiale kontekste. |
| s-403
| Opvoedkundig- ontwikkel instrumente vir dink en redeneer en verkry toegang tot inligting. |
| s-404
| Esteties- gaan skeppend en met verbeelding om met mondelinge, visuele en geskrewe tekste. |
| s-405
| Kultureel- toon begrip en waardering vir tale en kulture, asook vir die erfeniswaarde wat dit oordra. |
| s-406
| Polities- wees handhawend en bevraagteken ander; oorreed ander van 'n spesifieke standpunt; posisioneer self en ander; handhaaf, ontwikkel en transformeer identiteit. |
| s-407
| Krities- verstaan die verband tussen taal, mag en identiteit en bevraagteken die gebruike daarvan waar nodig; verstaan die dinamiese aard van kultuur; weerstaan, waar nodig, oorreding en posisionering. |
| s-408
| Hoe dra die Tale-leerarea tot die kurrikulum by? |
| s-409
| Dit ontwikkel lees en skryf, wat die grondslag vir alle ander belangrike geletterdheidsvorme vorm. |
| s-410
| Dit is die medium waardeur 'n groot deel van ander leer in die kurrikulum plaasvind, soos in wiskunde en die sosiale wetenskappe. |
| s-411
| Dit moedig interkulturele begrip, toegang tot ander perspektiewe en 'n kritiese begrip van die konsep kultuur aan. |
| s-412
| Dit stimuleer verbeeldings- en skeppende aktiwiteite en bevorder sodoende die doelwitte van kuns en kultuur. |
| s-413
| Dit voorsien 'n manier van inligtingsoordrag en bevorder verskeie doelwitte van wetenskap-, tegnologie- en omgewingsopvoeding. |
| s-414
| Dit ontwikkel die kritiese bevoegdhede nodig om verantwoordelike burgers te word. |
| s-415
| Die eerste vier leeruitkomste dek vyf verskillende taalvaardighede (luister, praat, lees, kyk en skryf). |
| s-416
| Leeruitkoms 5 hou verband met die gebruik van taal vir dink en redeneer, wat veral belangrik vir die taal van leer en onderrig is. |
| s-417
| Hierdie leeruitkoms is nie in die kurrikulum vir tweede addisionele tale ingesluit nie, aangesien dit die doel van hierdie leeruitkoms is om leerders voor te berei om dit as die taal van leer en onderrig te gebruik. |
| s-418
| Leeruitkoms 6 hou verband met die kern van taal- klanke, woorde en grammatika- in tekste. |
| s-419
| Hierdie kennis word deur die taalvaardighede wat in die ander leeruitkomste beskryf word, toegepas. |
| s-420
| Hierdie leeruitkomste is geskryf om op spesifieke soorte kennis en vaardighede te fokus, asook om dit duidelik en toeganklik te maak. |
| s-421
| Wanneer ons taal gebruik, integreer ons egter kennis, vaardighede en waardes om ons uit te druk. |
| s-422
| Die integrasie van hierdie taalaspekte deur die skep en interpretasie van tekste is dus 'n sentrale beginsel van die Tale-leerareaverklaring. |
| s-423
| Die leerder is in staat om vir inligting en genot te luister en gepas en krities binne 'n wye verskeidenheid situasies te reageer. |
| s-424
| Die leerder is in staat om vrymoedig en doeltreffend in gesproke taal binne 'n wye verskeidenheid situasies te kommunikeer. |
| s-425
| Die leerder is in staat om vir inligting en genot te lees en te kyk en krities op die estetiese, kulturele en emosionele waardes in tekste te reageer. |
| s-426
| Die leerder is in staat om verskillende soorte feitelike en verbeeldingstekste vir 'n wye verskeidenheid doeleindes te gebruik. |
| s-427
| Die leerder is in staat om taal vir dink en redeneer te gebruik en inligting vir leer te verkry, verwerk en gebruik. |
| s-428
| Die leerder ken en is in staat om die klanke, woordeskat en grammatika van die taal te gebruik om tekste te skep en te interpreteer. |
| s-429
| Luister, praat, lees en kyk, skryf, dink en redeneer, en kennis van klanke, woorde en grammatika behoort, alhoewel dit as aparte leeruitkomste aangebied word, tydens onderrig en assessering geïntegreer te word. |
| s-430
| Om in staat te wees om tekste te skep en te interpreteer, benodig leerders kennis van taal, kennis van tekste, asook taalvaardighede en -strategieë. |
| s-431
| Alle tekste dra waardes oor wat positief (bv. demokraties) of negatief (bv. seksisties, rassisties) kan wees. |
| s-432
| Hierdie waardes is nie altyd ooglopend nie. |
| s-433
| Leerders behoort bewus van en krities te wees oor waardes in die tekste wat hulle lees, waarna hulle kyk en wat hulle self skep. |
| s-434
| Taalleer kan ook deur temas geïntegreer word. |
| s-435
| Die gebruik van 'n tema laat die leerder toe om woordeskat wat by die onderwerp aansluit, op te bou. |
| s-436
| Vind 'n balans tussen onderwerpe en temas wat meisies en seuns en plattelandse en stedelike leerders interesseer, en temas wat hierdie verdelings oorbrug en leerders verenig. |
| s-437
| Kies onderwerpe wat relevant tot leerders se lewens is en hulle tog verby dit wat hulle reeds weet, neem. |
| s-438
| Hulle kan byvoorbeeld van ander lande en kulture leer. |
| s-439
| Kies temas en onderwerpe wat by die kritieke uitkomste en die ontwikkelingsuitkomste aansluit. |
| s-440
| Leerders behoort byvoorbeeld 'n bewustheid te ontwikkel van belangrike menseregte- en omgewingskwessies, soos armoede, MIV / VIGS, die reg op grond, en verbruikersdruk. |
| s-441
| Taal is 'n belangrike instrument om begrip van menseregte en omgewingsgeregtigheid te ontwikkel. |
| s-442
| Deur die assesseringstandaarde wil die Tale-leerareaverklaring hierdie instrument tot sy volle potensiaal ontwikkel. |
| s-443
| Leerders behoort vrymoedige tweetaliges (of veeltaliges) te word wat die kritiese instrumente het om hul wêreld en die mondelinge en geskrewe tekste daaroor te lees. |
| s-444
| Hulle behoort in staat te wees om hierdie tekste op maniere wat moontlikhede ten opsigte van sowel menseregte as omgewingsgeregtigheid verbreed, te 'herskryf'. |
| s-445
| Die assesseringsraamwerk vir die Hersiene Nasionale Kurrikulumverklaring Graad R-9 (Skole) is op die beginsels van uitkomsgebaseerde onderwys gegrond. |
| s-446
| Assessering moet op die doeltreffendste wyse moontlik 'n aanduiding van leerderprestasie verskaf en moet verseker dat leerders kennis en vaardighede integreer en toepas. |
| s-447
| Assessering moet leerders ook help om hul eie prestasie te evalueer, om doelwitte vir vordering te stel en dit behoort verdere leer aan te moedig. |
| s-448
| Assesseringstandaarde beskryf die vlak waarop leerders hul bereiking van die leeruitkoms(te) moet toon, asook die manier (diepte en breedte) waarop hulle hul prestasie moet toon. |
| s-449
| Assessering in die Hersiene Nasionale Kurrikulumverklaring Graad R-9 (Skole) is 'n deurlopende en beplande proses van inligtingversameling oor leerderprestasie soos teen die assesseringstandaarde van die leeruitkomste gemeet. |
| s-450
| Dit vereis duidelik gedefinieerde kriteria en 'n verskeidenheid gepaste strategieë om onderwysers in staat te stel om opbouende terugvoering aan leerders te gee en om aan ouers en ander belangstellendes verslag te doen. |
| s-451
| Uitkomsgebaseerde onderwys is 'n manier van onderrig en leer wat duidelik maak wat daar van leerders verwag word om te behaal. |
| s-452
| Die beginsels waarvolgens dit werk, is dat die onderwyser voor onderrig plaasvind, bepaal en noem wat leerders verwag word om te bereik. |
| s-453
| Dit is die onderwyser se taak om te onderrig ten einde leerders te help om aan die vereistes vir die assesseringstandaarde in die kurrikulum te voldoen; die leerders se taak is om dit wat die assesseringstandaarde bepaal, te leer of te doen. |
| s-454
| Assessering is noodsaaklik in uitkomsgebaseerde onderwys, want dit is nodig om te assesseer wanneer 'n leerder dit wat in elke graad vereis word, bereik het. |
| s-455
| Die hoofdoel met die assessering van leerders is om hulle individueel te laat groei en ontwikkel, om leerders se vordering te monitor en om hul leer te fasiliteer. |
| s-456
| Grondlynassessering word gewoonlik aan die begin van 'n graad of fase gebruik om vas te stel wat leerders reeds weet. |
| s-457
| Dit stel onderwysers in staat om leerprogramme en leeraktiwiteite te beplan. |
| s-458
| Diagnostiese assessering word gebruik om vas te stel wat die aard en oorsaak van spesifieke leerders se leerstruikelblokke is. |
| s-459
| Dit word opgevolg deur gepaste strategieë vir ondersteuning of tussentrede. |
| s-460
| Formatiewe assessering monitor en ondersteun die leer- en onderrigproses en word gebruik om onderwysers en leerders oor 'n leerder se vordering in te lig ten einde leer te verbeter. |
| s-461
| Opbouende terugvoering word gegee om leerders in staat stel om te groei. |
| s-462
| Sommerende assessering gee 'n geheelbeeld van 'n leerder se vordering op 'n gegewe tydstip, soos aan die einde van 'n kwartaal of jaar of wanneer 'n leerder na 'n ander skool gaan. |
| s-463
| Sistemiese assessering is 'n manier om die gepastheid van die onderwysstelsel te evalueer. |
| s-464
| Een komponent hiervan is die assessering van leerderprestasie ten opsigte van nasionale aanduiders. |
| s-465
| Sistemiese assessering word aan die einde van elke fase van die Algemene-Onderwys-en-Opleidingsband uitgevoer. |
| s-466
| 'n Verteenwoordigende steekproef skole en leerders word provinsiaal of nasionaal vir sistemiese assessering gekies. |
| s-467
| Deurlopende assessering is die belangrikste metode waarvolgens assessering in die Hersiene Nasionale Kurrikulumverklaring plaasvind. |
| s-468
| Metodes van terugvoering sluit in: gepaste vraagstelling, mondelinge of skriftelike kommentaar deur die onderwyser wat fokus op dit wat deur 'n assesseringsaktiwiteit bereik moes word, en aanmoediging van leerders. |
| s-469
| Bevoegdheid in spesifieke leeruitkomste kan op talle verskillende maniere getoon word; dus moet 'n verskeidenheid assesseringsmetodes en geleenthede waartydens leerders hul vermoë kan toon, gebruik en verskaf word. |
| s-470
| Leerders het almal hul eie leerstyl en leer teen hul eie tempo. |
| s-471
| Alle leerders hoef nie terselfdertyd en op dieselfde manier geassesseer te word nie. |
| s-472
| Sommerende assessering moet van die begin van die jaar sorgvuldig beplan word ten einde 'n verskeidenheid assessering-strategieë in te sluit- byvoorbeeld oefeninge, take, projekte, skool- en klastoetse- wat aan leerders 'n verskeidenheid geleenthede sal verskaf om te wys wat hulle geleer het. |
| s-473
| Die keuse van watter assesseringstrategieë om te gebruik, is subjektief en uniek aan elke onderwyser, graad en skool. |
| s-474
| Dit hang ook af van die onderwyser se professionele oordeel. |
| s-475
| Die beskikbaarheid van ruimte en hulpmiddels beïnvloed hierdie besluit, maar selfs wanneer eenderse hulpmiddels beskikbaar is, verskil die manier waarop onderwysers keuses maak. |
| s-476
| Metodes wat vir assesseringsaktiwiteite gekies word, moet gepas wees vir die assesseringstandaarde wat geassesseer word. |
| s-477
| Al die betrokke leerders en onderwysers moet ook die doel van die assessering duidelik verstaan. |
| s-478
| Bevoegdheid kan op verskeie maniere getoon word. |
| s-479
| 'n Verskeidenheid metodes is dus nodig om aan leerders geleentheid te bied om hul vaardighede ten volle te demonstreer. |
| s-480
| Algemene Assesseringstake word op provinsiale, distriks- of groeperingsvlak gestel. |
| s-481
| Dit word deur onderwysers geassesseer en ekstern gemodereer. |
| s-482
| Die skool en die onderwysers het die oorkoepelende verantwoordelikheid vir die assessering van leerders. |
| s-483
| Daar word van onderwysers verwag om 'n geldige, betroubare en geloofwaardige assesseringsproses te skep. |
| s-484
| Provinsiale beleid behoort die betrokkenheid van leerders, skoolassesseringspanne, distrikshulpdienste en ouers, soos gepas, te verseker. |
| s-485
| Elke skool moet 'n assesseringsprogram gegrond op provinsiale en nasionale riglyne ontwikkel. |
| s-486
| Skole moet 'n skoolassesseringsplan en 'n span hê om die implementering van hierdie program te fasiliteer. |
| s-487
| Die span behoort verteenwoordigers van elke fase en leerarea daarin te hê. |
| s-488
| Goeie verslag- of rekordhouding is noodsaaklik in alle assessering, veral in deurlopende assessering. |
| s-489
| 'n Verslagboek of -lêer moet deur elke onderwyser gehou word. |
| s-490
| Alle rekords moet toeganklik wees, maklik wees om te interpreteer, veilig bewaar word, vertroulik wees en nuttig in die onderrig- en rapporteringsproses wees. |
| s-491
| Die skoolassesseringsprogram bepaal die besonderhede van hoe verslagboeke ingevul moet word. |
| s-492
| Die assesseringskodes word gebruik om aan te dui hoe die leerder in terme van die leeruitkomste presteer. |
| s-493
| Die kodes wat gebruik word, moet duidelik en verstaanbaar vir leerders en ouers wees. |
| s-494
| Daar bestaan talle maniere waarop terugvoering oor assessering aan leerders gegee kan word en deur onderwysers opgeteken kan word. |
| s-495
| Sommige assesseringskodes is meer gepas vir sekere doeleindes as ander. |
| s-496
| Skriftelike kommentaar kan byvoorbeeld besonderhede verskaf, persoonlik wees en voorstelle vir verbetering verskaf. |
| s-497
| Dit is ook nuttig vir rapportering oor leerderprestasie ten opsigte van assesseringstandaarde. |
| s-498
| Dit neem egter lank om kommentaar te skryf en is nie baie maklik om op te teken nie. |
| s-499
| Kodes soos 'Uitstekend', 'Baie goed', 'Goed', 'Bevoeg' en 'Onvoldoende' is veel vinniger om te skryf en maak dit moontlik om prestasie met vorige werk te vergelyk en volgens assesseringstandaarde te assesseer. |
| s-500
| Hierdie kodes verskaf egter nie die besonderhede wat skriftelike kommentaar moontlik maak nie. |
| s-501
| Punte kan weer vinnig opgeteken word en opgetel, vermenigvuldig en gedeel word. |