Universal Dependencies - Classical_Armenian - CAVaL

s-101

MARK_4.11b-12

Բայց նոցա որ արտաքինքն են ամենայն ինչ առակաւք լինի զի տեսանելով տեսցեն. եւ մի տեսցեն. եւ լսելով լուիցեն. եւ մի իմասցին, զի մի երբեք դարձցին՝ եւ թողցի նոցա:

s-102

MARK_4.13

Եւ ասէ ցնոսա՝ ոչ գիտէք զառակս զայս. եւ զիա՞րդ զամենայն առակսն գիտիցէք:

s-103

MARK_4.14

Որ սերմանէն. զբանն սերմանէ

s-104

MARK_4.15

Եւ նոքա են որ առ ճանապարհաւն՝ ուր բանն սերմանի, եւ յորժամ լսեն զնա. գայ սատանայ եւ հանէ զբանն սերմանեալ ի սիրտս նոցա:

s-105

MARK_4.16-17

Եւ նոքա են որ յապառաժին սերմանեցան՝ որք յորժամ լսիցեն զբանն. վաղվաղակի խնդութեամբ ընդունին՝ եւ զի ոչ ունին արմատս յանձինս. այլ առժամանակ մի են՝ ապա ի հասանել նեղութեան կամ հալածման վասն բանին վաղվաղակի գայթագղին:

s-106

MARK_4.18-19

Իսկ որ ի մէջ փշոցն սերմանեցան՝ նոքա են որ իբրեւ զբանն լսեն՝

s-107

MARK_4.19

եւ հոգք աշխարհիս՝ եւ պատրանք մեծութեան, մտանեն եւ հեղձուցանեն զբանն. եւ անպտուղ լինի:

s-108

MARK_4.20

Եւ նոքա են որ յերկիրն բարւոք սերմանեցան որք լսեն զբանն եւ ընդունին. եւ տան զպտուղ ընդ միոյ երեսուն՝ եւ ընդ միոյ՝ վաթսուն՝ եւ ընդ միո: հարիւր:

s-109

MARK_4.21

Եւ ասէ ցնոսա՝ մի եթե գայ ճրագ զի ընդ գրուանաւ դնիցի՝ կամ ընդ մահճաւք ոչ ապաքէն ի վերայ աշտանակի դնիցի:

s-110

MARK_4.22

Զի չէ ինչ ի ծածուկ. որ թե ոչ յայտնեսցի՝ եւ ոչ եղեւ ինչ գաղտնի. եթե ոչ ի յայտ գայցէ,

s-111

MARK_4.23

եթե ոք ունիցի ականջս լսելոյ լուիցէ

s-112

MARK_4.24a

Եւ ասէ ցնոսա՝ տեսէք զինչ լսէքդ՝

s-113

MARK_4.24b

եւ յաւելցի ձեզ որոց լսէքդ:

s-114

MARK_4.24c

որով չափով չափէք նովին չափեսցի ձեզ:

s-115

MARK_4.25a

Որ ոք ունիցի. տացի նմա.

s-116

MARK_4.25b

եւ որ ոչն ունիցի. եւ զոր ունին բարձցի ի նմանէ:

s-117

MARK_4.26-27

Եւ ասէր՝ այսպէս է արքայութիւն Աստուածոյ. որպէս զի այր մի արկանիցէ սերմանիս յերկիր՝ եւ ննջիցէ, եւ յառնիցէ զցայգ եւ զցերեկ, եւ սերմանիքն բուսանիցին եւ աճիցեն եւ նա ոչ գիտէ.

s-118

MARK_4.28

թե երկիրն ինքնին բերէ զպտուղ նախ զխոտն եւ ապա զհասկն եւ ապա ցորեան ատոք ի հասկին

s-119

MARK_4.29

այղ յորժամ տայցէ զպտուղն վաղվաղակի առաքի մանգաղ. զի հասանեն հունձք:

s-120

MARK_4.30-31a

Եւ ասէր՝ ո՞ւմ նմանեցուսցուք զարքայութիւնն Աստուածոյ՝ կամ որո՞վ առակաւ առակեսցուք զնա.

s-121

MARK_4.31a-32

որպէս հատն մանանխոյ՝ որ յորժամ սերմանիցի յերկիր, փոքրագոյն է քան զամենայն բանջար սերմանիս որ են յերկրի՝ եւ յորժամ սերմանիցի, բուսանի եւ լինի մեծ քան զամենայն բանջար՝ եւ արձակէ ոստս մեծամեծս. մինչեւ բաւական լինել ընդ հովանեաւ նորա թռչնոց երկնից բնակել:

s-122

MARK_4.33

Եւ այնպիսի առակաւք խաւսէր ընդ նոսա զբանն՝ որպէս կարող լինեին լսել՝

s-123

MARK_4.34

եւ առանց առակի ոչ ինչ խաւսէր ընդ նոսա: Բայց առանձինն աշակերտացն իւրոց մեկնէ զամենայն:

s-124

MARK_4.35

Եւ ասէ ցնոսա յաւուրն յայնմիկ իբրեւ ընդ երեկս լինէր՝ եկայք անցցուք յայնկողմն:

s-125

MARK_4.36-37

Թողուն զժողովուրդն. եւ առնուն զնա նաւաւն հանդերձ, եւ զայլ եւս նաւսն որ եին ընդ նմա՝

s-126

MARK_4.37

եւ լինէր մրրիկ մեծ հողմոյ, եւ զալիսն ի նաւն զեղոյր. մինչ գրեթե լի իսկ լինել՝

s-127

MARK_4.38a

եւ ինքն ննջէր ի խելս նաւին ի վերայ բարձի:

s-128

MARK_4.38b

Զարթուցանեին զնա եւ ասեին՝ վարդապետ, ոչ ինչ է քեզ փոյթ զի կորնչիմք աւասիկ:

s-129

MARK_4.39a

Եւ զարթուցեալ սաստեաց հողմոյն՝ եւ ծովուն ասէ դադարեա կարկեաց:

s-130

MARK_4.39b

Եւ դադարեաց հողմն եւ եղեւ խաղաղութիւն մեծ:

s-131

MARK_4.40a

Եւ ասէ ցնոսա՝ ընդէ՞ր այդպէս վատասիրտք էք՝

s-132

MARK_4.40b

Չեւ եւս ունիք հաւատս:

s-133

MARK_4.41

Եւ երկեան երկիւղ մեծ՝ եւ ասեին ցմիմեանս ո՞ ոք արդեւք իցէ սա. զի եւ հողմն. եւ ծով հնազանդին սմա:

s-134

MARK_5.1

Եւ եկն յայնկոյս ծովուն յաշխարհն Գերգեսացւոց:

s-135

MARK_5.2-5

Եւ ընդ ելանելն նորա ի նաւէ անտի. պատահեաց նմա այր մի ի գերեզմանացն զոր ունէր այս պիղծ՝ որո եւ բնակութիւն իւր իսկ ի գերեզմանս էր՝ եւ ոչ շղթայիւք ոք եւս կարէր կապել զնա, վասն բազում անգամ ոտնկապաւք եւ շղթայիւք կապելոյ՝ եւ խզելոյ ի նմանէ զշղթայսն. եւ զոտնկապսն խորտակելոյ՝ եւ ոչ ոք կարէր պարտել զնա՝ Քանզի հանապազ զցայգ եւ զցերեկ ի գերեզմանս. եւ ի լերինս աղաղակէր. եւ կոծէր զանձն իւր քարամբք:

s-136

MARK_5.6-7

Իբրեւ ետես զՅիսուս ի հեռաստանէ. ընթացաւ եւ երկիր եպագ նմա, աղաղակեաց ի ձայն մեծ եւ ասէ՝ զի՞ կայ իմ եւ քո Յիսուս որդի Աստուածոյ բարձրելոյ՝ երդմնեցուցանեմ զքեզ յԱստուած. մի տանջեր զիս՝

s-137

MARK_5.8

քանզի ասէր ցնա՝ ել այսդ պիղծ ի մարդոյ այտի՝

s-138

MARK_5.9a

Եւ հարցանէր ցնա՝ թե զի՞նչ անուն է քո:

s-139

MARK_5.9b

Եւ ասէ ցնա՝ Լեգեովն անուն է իմ քանզի բազումք եմք:

s-140

MARK_5.10

Եւ աղաչեին զնա յոյժ. զի մի առաքեսցէ զնոսա արտաքս քան զաշխարհն:

s-141

MARK_5.11

Եւ անդ էր առ լերամբն երամակ մի խոզաց արաւտական մեծ՝

s-142

MARK_5.12

աղաչեցին զնա ամենայն դեւքն եւ ասեն՝ առաքեա զմեզ ի խոզսն. զի մտցուք ի նոսա:

s-143

MARK_5.13a

Եւ հրամայեաց նոցա:

s-144

MARK_5.13b

Եւ իբրեւ ելին այսքն պիղծք մտին ի խոզսն՝ եւ դիմեաց երամակն ի դարէ անտի ի ծովն՝ եին իբրեւ երկու. հազարք. եւ հեղձնուին ի ծովուն:

s-145

MARK_5.14a

Եւ խոզարածքն փախեան՝ եւ պատմեցին ի քաղաքին եւ յագարակս.

s-146

MARK_5.14b

եւ ելին տեսանել զինչ իցէ որ գործեցաւն:

s-147

MARK_5.15

Գան առ Յիսուս՝ եւ տեսանեն զդիւահարն զի նստէր զգեցեալ եւ զգաստացեալ որ ունէր զՂեգեովնն՝ եւ զահի հարան:

s-148

MARK_5.16

Եւ պատմեցին նոցա որոց տեսեալն էր՝ թե զինչ եղեւ այսահարին. եւ զինչ վասն խոզիցն:

s-149

MARK_5.17

Եւ սկսան աղաչել զնա. գնալ ի սահմանաց նոցա:

s-150

MARK_5.18

Եւ իբրեւ եմուտ նա ի նաւ. աղաչէր զնա դիւահարն զի ընդ նմա իցէ:

s-151

MARK_5.19

Եւ Յիսուս ոչ ետ նմա թոյլ՝ այղ ասէ ցնա՝ երթ ի տուն քո առ ընտանիս քո. եւ պատմեա նոցա որ ինչ միանգամ Տէր արար քեզ եւ ողորմեցաւ քեզ:

s-152

MARK_5.20

Եւ չոգաւ՝ եւ սկսաւ քարոզել ի Դեկապողին զոր ինչ արար նմա Յիսուս՝ եւ ամենեքին զարմանային:

s-153

MARK_5.21

Եւ իբրեւ անց Յիսուս միւսանգամ յայնկողմն. ժողովեցաւ առ նա ժողովուրդ բազում՝ եւ էր առ ծովեզերբն:

s-154

MARK_5.22a

Եւ ահա մի ի ժողովրդապետացն գայր որում անուն էր Յայրոս՝

s-155

MARK_5.22b-23

իբրեւ ետես զնա. անկաւ առ ոտս նորա՝ աղաչէր զնա յոյժ եւ ասէր՝ թե դուստր նորա մերձ ի մահ է. զի եկեալ դնիցէ նմա ձեռն որպէս զի ապրեսցի եւ կեցցէ:

s-156

MARK_5.24a

Եւ գնաց ընդ նմա՝

s-157

MARK_5.24b

երթայր եւ ժողովուրդ բազում զհետ նորա. եւ նեղեին զնա:

s-158

MARK_5.25-26

Եւ կին մի էր ի տեռատեսութեան արեան զերկոտասան ամ՝ եւ յոյժ վշտացեալ ի բազում բժշկաց. եւ ծախեալ զինչս իւր զամենայն եւ չէր ինչ աւգտեալ՝ այղ եւս առաւել զայրացեալ:

s-159

MARK_5.27

Իբրեւ լուաւ զՅիսուսէ, եկն ի մէջ ամբոխին յետոյ եւ բուռն եհար զհանդերձէ նորա, քանզի խորհէր ի մտի

s-160

MARK_5.28

թե միայն մերձեցայց ի հանդերձս նորա փրկեցայց

s-161

MARK_5.29

Եւ վաղվաղակի ցամաքեցաւ աղբեւր արեան նորա՝ եւ գիտաց ի մարմին իւր թե բժշկեցաւ ի տանջանացն:

s-162

MARK_5.30

Եւ անդէն վաղվաղակի գիտաց յանձն իւր զզաւրութիւնն որ ել ի նմանէ՝ դարձաւ յամբոխն եւ ասէ, ո՞ մերձեցաւ ի հանդերձս իմ:

s-163

MARK_5.31

Եւ ասեն ցնա աշակերտքն՝ տեսանես զի ամբոխդ նեղէ զքեզ, եւ ասես թե ո մերձեցաւ ի հանդերձ իմ:

s-164

MARK_5.32

Եւ շուրջ հայէր տեսանել թե ո զայն արար:

s-165

MARK_5.33

Եւ կինն զարհուրեալ եւ դողացեալ, վասն որոյ գաղտն արար՝ քանզի գիտէր զինչ եղեւն նմա, եկն անկաւ առաջի նորա եւ ասաց զամենայն իրսն ստուգութեամբ:

s-166

MARK_5.34

Եւ Յիսուս ասէ ցնա՝ դուստր՝ հաւատք քո կեցուցին զքեզ՝ երթ ի խաղաղութիւն, եւ եղիջիր ողջ ի տանջանացդ քոց:

s-167

MARK_5.35

Մինչդեռ նա զայն խաւսէր. գան ոմանք ի ժողովըրդապետէն եւ ասեն՝ թե դուստրն քո մեռաւ զի եւս աշխատ առնես զվարդապետդ:

s-168

MARK_5.36

Իսկ Յիսուս իբրեւ լուաւ զբանն ասացեալ. ասէ ցժողովրդապետն՝ մի երկնչիր՝ բայց միայն հաւատայ:

s-169

MARK_5.37

Եւ ոչ զոք եթող ընդ իւր երթալ. բայց միայն զՊետրոս եւ զՅակովբոս եւ զՅովհաննէս զեղբայրն Յակովբայ:

s-170

MARK_5.38-39a

Գայ ի տուն ժողովրդապետին՝ եւ տեսանէ ամբոխ յոյժ՝ եւ լալականս եւ աղաղակ յոյժ՝ եւ մտեալ ի ներքս ասէ ցնոսա՝ զի՞ խռովեալ էք եւ լայք

s-171

MARK_5.39b

մանուկն ոչ է մեռեալ՝ այլ ննջէ:

s-172

MARK_5.40a

Եւ ծաղր առնեին զնա:

s-173

MARK_5.40b

Եւ նորա հանեալ արտաքս զամենեսեան. առնու ընդ իւր զհայր մանկանն եւ զմայր, եւ զնոսա որ ընդ նմայն եին. եւ մտանէ ուր դնէր մանուկն՝

s-174

MARK_5.41

եւ կալեալ զձերանէ մանկանն. ասէ ցնա՝ տաղիթա կումի՝ որ թարգմանի. աղջիկ դու քեզ ասեմ արի:

s-175

MARK_5.42a

Եւ վաղվաղակի յարեաւ աղջիկն. եւ գնայր. քանզի էր ամաց իբրեւ երկոտասանից՝

s-176

MARK_5.42b

եւ զարմացան մեծաւ զարմանալեաւք

s-177

MARK_5.43

Եւ պատուէր տայր նոցա յոյժ. զի մի ոք գիտասցէ զայն՝ եւ ասաց տալ նմա ուտել:

s-178

LUKE_4.1-2a

Յիսուս լի հոգւով սրբով դարձաւ ի Յորդանանէ. եւ վարէր հոգւովն յանապատ. աւուրս քառասուն փորձեալ ի սատանայէ:

s-179

LUKE_4.2b

Եւ ոչ եկեր եւ ոչ արբ յաւուրսն յայնոսիկ: Եւ ի կատարելն նոցա քաղցեաւ:

s-180

LUKE_4.3

Եւ ասէ ցնա սատանայ՝ եթե որդի ես Աստուածոյ. ասա քարիդ այդմիկ զի հաց լիցի:

s-181

LUKE_4.4

Պատասխանի ետ նմա Յիսուս եւ ասէ՝ գրեալ է. եթե ոչ հացիւ միայն կեցցէ մարդ՝ այղ ամենայն բանիւ Աստուածոյ:

s-182

LUKE_4.5

Եւ հանեալ զնա ի լեառն մի բարձր. եցոյց նմա զամենայն թագաւորութիւնս աշխարհի ի վայրկեան ժամանակի՝

s-183

LUKE_4.6

եւ ասէ ցնա սատանայ՝ քեզ տաց զայս ամենայն իշխանութիւն եւ զփառս սոցա՝ զի ինձ տուեալ է. եւ ում կամիմ տամ զսա՝

s-184

LUKE_4.7

արդ դու եթե անկեալ երկիր պագանիցես առաջի իմ. քեզ եղիցի ամենայն:

s-185

LUKE_4.8

Պատասխանի ետ նմա Յիսուս եւ ասէ՝ գրեալ է, երկիր պագցես Տեառն Աստուածոյ քում. եւ զնա միայն պաշտեսցես:

s-186

LUKE_4.9-11

Եւ ած զնա յԵրուսաղեմ, եւ կացոյց ի վերայ աշտարակի տաճարին. եւ ասէ ցնա՝ եթե որդի ես Աստուածոյ. արկ զքեզ աստի ի վայր՝ զի գրեալ է՝ եթե հրեշտեկաց իւրոց պատուիրեալ է վասն քո. պահել զքեզ, մի երբեք հարցես զքարի զոտն քո:

s-187

LUKE_4.12

Պատասխանի ետ նմա Յիսուս եւ ասէ՝ ասացեալ է՝ թե ոչ փորձեսցես զՏէր Աստուած քո:

s-188

LUKE_4.13

Եւ կատարեալ զամենայն փորձութիւնն սատանայի՝ ի բաց եկաց ի նմանէ առ ժամանակ մի:

s-189

LUKE_4.14a

Եւ դարձաւ Յիսուս զաւրութեամբ հոգւոյն ի Գաղիղեա,

s-190

LUKE_4.14b

եւ ել համբաւ զնմանէ ընդ ամենայն կողմանս գաւառին՝

s-191

LUKE_4.15

եւ նա ուսուցանէր ի ժողովուրդս նոցա. փառաւորեալ յամենեցունց:

s-192

LUKE_4.16

Եւ եկն ի Նազարեթ ուր սնեալն էր. եւ եմուտ ըստ սովորութեան իւրում յաւուրն շաբաթուց ի ժողովուրդն՝

s-193

LUKE_4.17

Եւ ետուն նմա գիրս զԷսայայ մարգարէի. եւ յարեաւ ընթեռնուլ՝ եւ իբրեւ եբաց զգիրսն. եգիտ զայն տեղի յորում գրեալն էր՝

s-194

LUKE_4.18-19

հոգի Տեառն ի վերայ իմ, վասն որոյ եւ աւծ իսկ զիս. աւետարանել աղքատաց առաքեաց զիս՝ քարոզել գերեաց զթողութիւն. եւ կուրաց տեսանել՝ արձակել զվիրաւորս ի թողութիւն՝ քարոզել զտարեկան Տեառն ընդունելի:

s-195

LUKE_4.20

Եւ խփեալ զգիրսն ետ ցպաշտաւնեայն. եւ նստաւ: Եւ ամենեցուն որ ի ժողովրդեանն եին աչք ի նա հայեին:

s-196

LUKE_4.21

Եւ սկսաւ ասել ցնոսա, այսաւր լցան գիրքս այս յականջս ձեր:

s-197

LUKE_4.22

Եւ ամենեքին վկայեին նմա՝ եւ զարմանային ընդ բանս շնորհացն որ ելանեին ի բերանոյ նորա: Եւ ասեին՝ ոչ սա է որդին Յովսէփա՞յ:

s-198

LUKE_4.23

Եւ ասէ ցնոսա՝ ապաքէն ասիցէ՞ք առ իս զառակս զայս՝ բժիշկ. բժշկեա զանձն քո՝ որչափ լուաք զոր արարեր ի Կափառնաւում. արա եւ աստ ի քում գաւառի:

s-199

LUKE_4.24

Եւ ասէ՝ ամէն ասեմ ձեզ՝ թե չէ մարգարէ ընդունելի ի քաղաքի իւրում:

s-200

LUKE_4.25-26

Արդարեւ ասեմ ձեզ՝ զի բազում այրիք եին յաւուրս Էղիայի ի մէջ Իսրայեղի՝ յորժամ փակեցանն երկինք զերիս ամս եւ զվեց ամիս: Եւ եղեւ սով մեծ ընդ ամենայն երկիր, եւ ոչ առ մի ի նոցանէ առաքեցաւ Էղիա. բայց միայն ի Սարեփթա Սիդովնացւոց առ կին մի այրի: