Sentence view

Universal Dependencies - Bororo - BDT

Language	Bororo
Project	BDT
Corpus Part	test

showing 1 - 100 of 881 • next

[1] tree

~~Pemo , oinore Pao iere boe oto ji~~

s-1

HMB-Pemo_e_Baraedugume-01

Pemo , oinore Pao iere boe oto ji

[2] tree

~~Pemo koiare icare ure Pemo metyia iegi . Mare ia pagaboe karega . Nowy Pemo onaregedy . Tonaregedyre ure jeto boe ji pugeje . Mare nowy onaregedy botukare aredy piji . Koia karega ure towyje jamedu~~

s-2

HMB-Pemo_e_Baraedugume-02

Pemo koiare icare ure Pemo metyia iegi . Mare ia pagaboe karega . Nowy Pemo onaregedy . Tonaregedyre ure jeto boe ji pugeje . Mare nowy onaregedy botukare aredy piji . Koia karega ure towyje jamedu

[3] tree

~~Ure boecodydo . Nowy Pemore boecodydo . Dytabore icare makore nowy tonaregedy bogai baito . Bai tadare ure tuguwo~~

s-3

HMB-Pemo_e_Baraedugume-03

Ure boecodydo . Nowy Pemore boecodydo . Dytabore icare makore nowy tonaregedy bogai baito . Bai tadare ure tuguwo

[4] tree

~~Makore tonaregedy bogai nowy baito to , akore imedy ! Dykeje icare ure iegi . Akore imedy Baraedugume ! Makore pugeje . Akore imedy Braedugume !~~

s-4

HMB-Pemo_e_Baraedugume-04

Makore tonaregedy bogai nowy baito to , akore imedy ! Dykeje icare ure iegi . Akore imedy Baraedugume ! Makore pugeje . Akore imedy Braedugume !

[5] tree

Akore Aebu mato , awo akowarydo , aerydywo joru ji , aerydywo barogwa kododu ji ; awo akera kabi , awo ae kabi , awo aia kabi , awo awyre kabi ; awo ape kujagu barigu , awo akiguru kujagu barigu ; amearydy awadywo ai !

s-5

HMB-Pemo_e_Baraedugume-06

[6] tree

~~Akore Uw ! Icare makore~~

s-6

HMB-Pemo_e_Baraedugume-07

Akore Uw ! Icare makore

[7] tree

~~Icare ure boecodydo pugeje . Icare barogwa kododydo , dytabore icare nowy onaregedy makore tumedage ewogai pugeje , akore João ! Makore pugeje , akore João ! Kudugodure , akore Kao !~~

s-7

HMB-Pemo_e_Baraedugume-08

Icare ure boecodydo pugeje . Icare barogwa kododydo , dytabore icare nowy onaregedy makore tumedage ewogai pugeje , akore João ! Makore pugeje , akore João ! Kudugodure , akore Kao !

[8] tree

~~Akore Aebu ! Awo akowarudo , aerydywo joru ji , awo akera kabi , awo ae kabi . Akore awo ape kujagu barigu , awo akiguru kujagu barigu , amearydy awadywo ai~~

s-8

HMB-Pemo_e_Baraedugume-09

Akore Aebu ! Awo akowarudo , aerydywo joru ji , awo akera kabi , awo ae kabi . Akore awo ape kujagu barigu , awo akiguru kujagu barigu , amearydy awadywo ai

[9] tree

Icare ure boecodydo pugeje . Icare ure barogwa kododydo pugeje . Icare nowy onaregedy makore pugeje. Akore Mané ! Akore Mané ! Dykeje icare kudugodure , akore Kao ! Akore Aebu mato ! awo akowarudo , aerydywo joruji , awo akera kabi , awo aia kabi , awo awure kabi , amearydy awadywo ai !

s-9

HMB-Pemo_e_Baraedugume-10

[10] tree

~~Ure tuiebu~~

s-10

HMB-Pemo_e_Baraedugume-11

Ure tuiebu

[11] tree

Mare nowy ime eerydykare ji . Eerydykare nowy imedy ji , eerydykare Pemo ji . Eerydyre nowy Pemo ji , ukare emearydae reore : aora bokware , joky bokware , enoja bokware , kana bokware , pogora bokware . Ia boe aiarewy padure nono joru okwai : ekure , kujagure , core , kaworure . Oinore ure dure padure nono , nowy inodu renure ji gu ...

s-11

HMB-Pemo_e_Baraedugume-12

[12] tree

s-12

HMB-Pemo_e_Baraedugume-13

[13] tree

Ca ! Boecodure pugeje . Ure barogwa kododydo pugeje . Icare akore Nowé ! Akore Nowé ! Dykeje icare kudugodure , akore Kao ! Akore Aebu ! Awo akowarudo , aerydywo joru ji , awo akera kabi , awo ae kabi , awo aia kabi , awo awure kabi , awo ape kujagu barigu , awo akiguru kujagu barigu , amearudu awaduwo ai !

s-13

HMB-Pemo_e_Baraedugume-14

[14] tree

Icare boecodure pugeje . Icare ure barogwa kododydo pugeje . Icare makore ia imedy bogai pugeje . Akore Kiko ! Akore Kiko ! Kudugodure Kao ! Akore Aebu ! Awo akowarudo , aerydywo joru ji , awo akera kabi , awo ae kabi , awo aia kabi , awo ape kujagu barigu , awo kiguru kujagu barigu , amearydu awaduwo ai .

s-14

HMB-Pemo_e_Baraedugume-15

[15] tree

~~Arigao Bororo biagare tuje oino , dykaere boe etaregodyre~~

s-15

ArigaodogeEiTuguodo-01

Arigao Bororo biagare tuje oino , dykaere boe etaregodyre

[16] tree

~~Urugubo , Tadari Umana oinore iere pugeje , okwa ji , Arigao Bororo padyre , mare paru keje jokodu karega , tadadu cobugi padyre~~

s-16

ArigaodogeEiTuguodo-02

Urugubo , Tadari Umana oinore iere pugeje , okwa ji , Arigao Bororo padyre , mare paru keje jokodu karega , tadadu cobugi padyre

[17] tree

~~Arigaodoge ewurea padyre ty keje~~

s-17

ArigaodogeEiTuguodo-03

Arigaodoge ewurea padyre ty keje

[18] tree

~~Boe emarure nowy arigaodoge ekoda paru bogai ; mare erydykare koda paru ji~~

s-18

ArigaodogeEiTuguodo-04

Boe emarure nowy arigaodoge ekoda paru bogai ; mare erydykare koda paru ji

[19] tree

~~Awy Aroroere emagere erydyre ca nowy arigaodoge ewurea ji~~

s-19

ArigaodogeEiTuguodo-05

Awy Aroroere emagere erydyre ca nowy arigaodoge ewurea ji

[20] tree

~~Dyrekodajire icare Iwagududoge eigoiare , icare ere Arigao Bororo okwa tawuje~~

s-20

ArigaodogeEiTuguodo-06

Dyrekodajire icare Iwagududoge eigoiare , icare ere Arigao Bororo okwa tawuje

[21] tree

~~Eigoiare icare ere Arigao Bororo aru awy Mano Kurirewy , Mano Baru , Baitogogo , Kaborewy epiji~~

s-21

ArigaodogeEiTuguodo-07

Eigoiare icare ere Arigao Bororo aru awy Mano Kurirewy , Mano Baru , Baitogogo , Kaborewy epiji

[22] tree

~~Ere tugimo pariko tugu etao to ere edo ty ciemagu ji Arigao Bororo ji icai tuipemegado duji~~

s-22

ArigaodogeEiTuguodo-08

Ere tugimo pariko tugu etao to ere edo ty ciemagu ji Arigao Bororo ji icai tuipemegado duji

[23] tree

~~Boe egore Iwagududoge tugodyie boe Arigao Bororo kae , dytaboie icare Iwagududoge ere Arigao Bororo akudo baragara tabo~~

s-23

ArigaodogeEiTuguodo-09

Boe egore Iwagududoge tugodyie boe Arigao Bororo kae , dytaboie icare Iwagududoge ere Arigao Bororo akudo baragara tabo

[24] tree

~~Dytabore icare arigaodoge epadyre towororo Arigao Bororo kajeje~~

s-24

ArigaodogeEiTuguodo-10

Dytabore icare arigaodoge epadyre towororo Arigao Bororo kajeje

[25] tree

~~Boe egore arigao akore kui , kui , kui ; je padyre moto kajeje rugadu~~

s-25

ArigaodogeEiTuguodo-11

Boe egore arigao akore kui , kui , kui ; je padyre moto kajeje rugadu

[26] tree

~~Ure toiado bai Aroia Kurirewy bure paru to . Boekimo , rema corewy rabodu~~

s-26

ArigaodogeEiTuguodo-12

Ure toiado bai Aroia Kurirewy bure paru to . Boekimo , rema corewy rabodu

[27] tree

~~Ia aregodyre arigao pugeje ; akore kui , kui , kui ; je padyre moto kajeje , icare ure toiado bai kuri tuku Butore Agadu bure paru to~~

s-27

ArigaodogeEiTuguodo-13

Ia aregodyre arigao pugeje ; akore kui , kui , kui ; je padyre moto kajeje , icare ure toiado bai kuri tuku Butore Agadu bure paru to

[28] tree

~~Boekimo rema ! Arigao kujagurewy~~

s-28

ArigaodogeEiTuguodo-14

Boekimo rema ! Arigao kujagurewy

[29] tree

~~Ia akore pugeje kui , kui , kui ; je padyre moto kejeje pugeje , icare ure toiado bai kuri tuku Okoge Ebowy bure paru kajeje~~

s-29

ArigaodogeEiTuguodo-15

Ia akore pugeje kui , kui , kui ; je padyre moto kejeje pugeje , icare ure toiado bai kuri tuku Okoge Ebowy bure paru kajeje

[30] tree

~~Boekimo rema ! Arigao Kigadurewy rabody~~

s-30

ArigaodogeEiTuguodo-16

Boekimo rema ! Arigao Kigadurewy rabody

[31] tree

~~Oino boe egore : dukeje icare arigaodoge etaregodyre , etaregodyre , tuiamedu tabo~~

s-31

ArigaodogeEiTuguodo-17

Oino boe egore : dukeje icare arigaodoge etaregodyre , etaregodyre , tuiamedu tabo

[32] tree

~~Dytabo Boe egore dytaboie icare arigaodogere tumaedo oino Iwagududoge eiogi~~

s-32

ArigaodogeEiTuguodo-18

Dytabo Boe egore dytaboie icare arigaodogere tumaedo oino Iwagududoge eiogi

[33] tree

~~Oinore Boe egore arigaodoge co pega pegarewyge ; kigadu pega pegarewyge icare ere tumaedo , oino , Iwagududoge eiogi~~

s-33

ArigaodogeEiTuguodo-19

Oinore Boe egore arigaodoge co pega pegarewyge ; kigadu pega pegarewyge icare ere tumaedo , oino , Iwagududoge eiogi

[34] tree

~~Awy arigao co maerewy bure jore co metudu to , kodire core~~

s-34

ArigaodogeEiTuguodo-20

Awy arigao co maerewy bure jore co metudu to , kodire core

[35] tree

~~Metyia arigao kujagurewy bure jore uro to~~

s-35

ArigaodogeEiTuguodo-21

Metyia arigao kujagurewy bure jore uro to

[36] tree

~~Metyia arigao kigadyrewy bure jore noa to~~

s-36

ArigaodogeEiTuguodo-22

Metyia arigao kigadyrewy bure jore noa to

[37] tree

~~Kujagu maere , kigadu maere , co maere , awygere , enoroe pemegare ; kodure boiwuge , emagere enoroe pemegakare~~

s-37

ArigaodogeEiTuguodo-23

Kujagu maere , kigadu maere , co maere , awygere , enoroe pemegare ; kodure boiwuge , emagere enoroe pemegakare

[38] tree

~~Dytabore icare Aroia Kurirewyre arigao co maerewy ure maky Akaruio Bokodori ai~~

s-38

ArigaodogeEiTuguodo-24

Dytabore icare Aroia Kurirewyre arigao co maerewy ure maky Akaruio Bokodori ai

[39] tree

~~Icare Akaruio Bokodori akore Bakoro Uwuria , oino arigao corewy ji~~

s-39

ArigaodogeEiTuguodo-25

Icare Akaruio Bokodori akore Bakoro Uwuria , oino arigao corewy ji

[40] tree

~~Butore Agadu ure arigao Kujagu maerewy maky Kaigu ai , icare Kaigu akore Arigao Koca . Oino tagu arigao ji~~

s-40

ArigaodogeEiTuguodo-26

Butore Agadu ure arigao Kujagu maerewy maky Kaigu ai , icare Kaigu akore Arigao Koca . Oino tagu arigao ji

[41] tree

~~Okoge Ebowu ure Arigao Kigadu maerewy maky Porirewy ai , icare Porirewy akore Arigao Kigadurewy rugadu , ie bokwa~~

s-41

ArigaodogeEiTuguodo-27

Okoge Ebowu ure Arigao Kigadu maerewy maky Porirewy ai , icare Porirewy akore Arigao Kigadurewy rugadu , ie bokwa

[42] tree

~~Iwagududoge ere ia Arigao Kigadurewy maky Ino Kuri ai , eno core~~

s-42

ArigaodogeEiTuguodo-28

Iwagududoge ere ia Arigao Kigadurewy maky Ino Kuri ai , eno core

[43] tree

~~Icare akore awy arigao iemode Arigao Aeno , oino akore~~

s-43

ArigaodogeEiTuguodo-29

Icare akore awy arigao iemode Arigao Aeno , oino akore

[44] tree

~~Ere tugerago co pega pegarewy ; ere maky Jerigi Otojiwu ai , icare akore Arigao Kogojeba . Oino rugadu~~

s-44

ArigaodogeEiTuguodo-30

Ere tugerago co pega pegarewy ; ere maky Jerigi Otojiwu ai , icare akore Arigao Kogojeba . Oino rugadu

[45] tree

~~Iedaga koiare , ure ikie maky inai . Iedagare iere Pemo . Koiare , ure ikie maky inai . Koiare , ure iwadary maky inai~~

s-45

CoqueiroAutobio-01

Iedaga koiare , ure ikie maky inai . Iedagare iere Pemo . Koiare , ure ikie maky inai . Koiare , ure iwadary maky inai

[46] tree

~~Koiare ure iorydywado ikerogu boe ji . Koiare ure iorydywado boe pemegarewy ji . Koiare ure itawara motydo . Koiare ure iorubodaregedo~~

s-46

CoqueiroAutobio-02

Koiare ure iorydywado ikerogu boe ji . Koiare ure iorydywado boe pemegarewy ji . Koiare ure itawara motydo . Koiare ure iorubodaregedo

[47] tree

~~Iwudure Koroia keje . Iogware , iwagudu , iere Kodoridureu , iere Butoregadu . Imuga Iere Butugo Mugu , Bokodori Eceraredo . Imugure Koroia keje jii , kejere iricodure~~

s-47

CoqueiroAutobio-10

Iwudure Koroia keje . Iogware , iwagudu , iere Kodoridureu , iere Butoregadu . Imuga Iere Butugo Mugu , Bokodori Eceraredo . Imugure Koroia keje jii , kejere iricodure

[48] tree

Dykeje icare ityre . ityre woje bakowuboe to , ora kae , ioga apo , imuga apo . Ikodure apowuge emegaguragare . Boe ekodo jii toro , boe etaredodure Kiwabo to . Kiwabo piji Boe eture toro Tuguribo to , dypijire cedyre Tuborebo to , dypijire cedyre Bakurebo to

s-48

CoqueiroAutobio-11

[49] tree

Dykejere Boe ere tugirimi mato pugeje , etaidykare toro pugeje kodi . Ekodure mato , mato , Tuguribo to pugeje . Nonore ere bato . Boe emagare . Ia barae mugure Boe ebo . Makore Boe ei boe ewadary tabo ia meriri mako rakarewy tabo . Joru makare nono

s-49

CoqueiroAutobio-12

[50] tree

~~Dykejere eture mato pugeje . Adugo Jari tada , itura kurirewy , ere bato . Emugu raire . Adugo Jari pijire cedyre Bopejao kae~~

s-50

CoqueiroAutobio-13

Dykejere eture mato pugeje . Adugo Jari tada , itura kurirewy , ere bato . Emugu raire . Adugo Jari pijire cedyre Bopejao kae

[51] tree

Icare cedyre piji pugeje . Cegodure jii . Kuruie Emerao to , mano kaere kuruie ety etyre , kodi icare iere Kuruie Emerao , maridoguru . Boe edure nono jii je , togwage tabo tugerogu boe ji : tuge aigujo , tuge mano , tuge otoe

s-51

CoqueiroAutobio-14

[52] tree

~~Boe eedure nono togwage tabo tuge jugo ji , tuge buke ji , tuge apogo ji , tuge okwaru ji , tuge ki ji . Ii ! Boe eke kurinure rugadu !~~

s-52

CoqueiroAutobio-15

Boe eedure nono togwage tabo tuge jugo ji , tuge buke ji , tuge apogo ji , tuge okwaru ji , tuge ki ji . Ii ! Boe eke kurinure rugadu !

[53] tree

~~Uw ! Icare Boe eture pugeje . Boe ekodo pugeje jii ... Boe etaregodure Aodorodoge Emerao maridoguru to pugeje~~

s-53

CoqueiroAutobio-16

Uw ! Icare Boe eture pugeje . Boe ekodo pugeje jii ... Boe etaregodure Aodorodoge Emerao maridoguru to pugeje

[54] tree

~~Uw ! Boe motyre ! Kugaru motyre , ekure , nowy maridoguru jipa ji . Iere Aodorodoge Emerao maridoguru . Nowy mano kaere ipare ere erere~~

s-54

CoqueiroAutobio-17

Uw ! Boe motyre ! Kugaru motyre , ekure , nowy maridoguru jipa ji . Iere Aodorodoge Emerao maridoguru . Nowy mano kaere ipare ere erere

[55] tree

~~Ca , nowy piji icare Boe etaregodyre , tumode tugado puiatowy kae . Koroia kaewyge ekodure woje , pagana koborewy jaogwai . Kejari kaewyge woje pagana pemegarewy jaogwai~~

s-55

CoqueiroAutobio-18

Ca , nowy piji icare Boe etaregodyre , tumode tugado puiatowy kae . Koroia kaewyge ekodure woje , pagana koborewy jaogwai . Kejari kaewyge woje pagana pemegarewy jaogwai

[56] tree

~~Uw ! Icare Boe erore taci , cai tugodure kodi . Enoiogwarire , ekudure , tuiegare tabo . Wo , cai tudure dyji ! Erore toro ta ... Cerore woje ta ... Kejari kae~~

s-56

CoqueiroAutobio-19

Uw ! Icare Boe erore taci , cai tugodure kodi . Enoiogwarire , ekudure , tuiegare tabo . Wo , cai tudure dyji ! Erore toro ta ... Cerore woje ta ... Kejari kae

[57] tree

~~Uw ! Boe motyre cedododai . Nowy cemedage ma , boe motyre toro etododai jamedy~~

s-57

CoqueiroAutobio-20

Uw ! Boe motyre cedododai . Nowy cemedage ma , boe motyre toro etododai jamedy

[58] tree

~~Icare cedaregodyre . Ia boe ewogware , ia boe ewire Kejari keje , dykae radu cedaregodyre . Boe emagare , dykaere cedaregodyre , ia etumedyia bire dykae~~

s-58

CoqueiroAutobio-21.1

Icare cedaregodyre . Ia boe ewogware , ia boe ewire Kejari keje , dykae radu cedaregodyre . Boe emagare , dykaere cedaregodyre , ia etumedyia bire dykae

[59] tree

~~Kodire padyre ba oiadoda . Dykaere cedaregodyre . Kodi icare , nowy ceroino apowu cegimejerage eragodyre , nowy birewy keje . Uw ! Boe emagare kode Boe enure boe motydo ty rugadu . Oino~~

s-59

CoqueiroAutobio-21.2

Kodire padyre ba oiadoda . Dykaere cedaregodyre . Kodi icare , nowy ceroino apowu cegimejerage eragodyre , nowy birewy keje . Uw ! Boe emagare kode Boe enure boe motydo ty rugadu . Oino

[60] tree

~~ityre Koroia piji dykeje iwiegare tuje , pitorire . Itaregodyre mato Kejari kae dykeje iparedyre imi . Iragoje raire Kejari keje , iparedyre imi dytabo~~

s-60

CoqueiroAutobio-23

ityre Koroia piji dykeje iwiegare tuje , pitorire . Itaregodyre mato Kejari kae dykeje iparedyre imi . Iragoje raire Kejari keje , iparedyre imi dytabo

[61] tree

~~Iorydyware jiwygere Meriri Poro , metyiare Kamoreu , tugarege . Iorydyware jiwygere Bakoro Kudu , metyia Akaruio Bokodori , cerae~~

s-61

CoqueiroAutobio-24

Iorydyware jiwygere Meriri Poro , metyiare Kamoreu , tugarege . Iorydyware jiwygere Bakoro Kudu , metyia Akaruio Bokodori , cerae

[62] tree

~~Irore jiboe boe otojiwy Mano rekodajiwy Baiia~~

s-62

CoqueiroAutobio-25

Irore jiboe boe otojiwy Mano rekodajiwy Baiia

[63] tree

~~Kejari keje iorydyre ji . Batary aregodyre toro , akore : Tugarege , Cerae , tapira bito , itaregodymode toro !~~

s-63

CoqueiroAutobio-26

Kejari keje iorydyre ji . Batary aregodyre toro , akore : Tugarege , Cerae , tapira bito , itaregodymode toro !

[64] tree

~~Dykeje Badojeba Bakoro Kudu uwadodyre akore : Uw , kodire inago oino ... itore tagae , imedymage tagae~~

s-64

CoqueiroAutobio-27.1

Dykeje Badojeba Bakoro Kudu uwadodyre akore : Uw , kodire inago oino ... itore tagae , imedymage tagae

[65] tree

~~Ia imedy uwogure~~

s-65

OiegoJiwuBakaru-01

Ia imedy uwogure

[66] tree

~~Nowy imedy , iere Meriri Baru , Paiwedu~~

s-66

OiegoJiwuBakaru-02

Nowy imedy , iere Meriri Baru , Paiwedu

[67] tree

~~Icare karore togwa to ji~~

s-67

OiegoJiwuBakaru-03

Icare karore togwa to ji

[68] tree

~~Ure tumugudo keje akore : inoba boemode ? Tui tumugudo keje~~

s-68

OiegoJiwuBakaru-04

Ure tumugudo keje akore : inoba boemode ? Tui tumugudo keje

[69] tree

~~Akore hm !~~

s-69

OiegoJiwuBakaru-05

Akore hm !

[70] tree

~~Icare nowy karo kugudugodyre~~

s-70

OiegoJiwuBakaru-06

Icare nowy karo kugudugodyre

[71] tree

~~Icare ure to urubaru to . Ure tumugudo keje pobo piji , boe ao kae~~

s-71

OiegoJiwuBakaru-07

Icare ure to urubaru to . Ure tumugudo keje pobo piji , boe ao kae

[72] tree

~~Icare karo akogodyre , akore hm ... hm ... hm , tubadui~~

s-72

OiegoJiwuBakaru-08

Icare karo akogodyre , akore hm ... hm ... hm , tubadui

[73] tree

~~Icare nowy imedyre ipo to aora ji po po po ! Icare ure bito ty~~

s-73

OiegoJiwuBakaru-09

Icare nowy imedyre ipo to aora ji po po po ! Icare ure bito ty

[74] tree

~~Ure taiwodo kodudu bogai , jorydyre nonogo ika ji , akore : Awy rugadu ! Awy iwoi pemegare~~

s-74

OiegoJiwuBakaru-10

Ure taiwodo kodudu bogai , jorydyre nonogo ika ji , akore : Awy rugadu ! Awy iwoi pemegare

[75] tree

~~Icare ure iwoi tawyje , ure tugera pemegado ji , ure iado , icare ure tugu koja to , icare ure udo turugadu~~

s-75

OiegoJiwuBakaru-11

Icare ure iwoi tawyje , ure tugera pemegado ji , ure iado , icare ure tugu koja to , icare ure udo turugadu

[76] tree

~~Dykeje ure tugera bu bai kajeje , ure udo pobe ma awy metyia bokware~~

s-76

OiegoJiwuBakaru-12

Dykeje ure tugera bu bai kajeje , ure udo pobe ma awy metyia bokware

[77] tree

~~Icare ure tudugu nowy karo ji , ure bu mato tuboru keje , nowy bai kujiagi , icare ure nowy riwudu jeto taobiri ji , icare utyre apo~~

s-77

OiegoJiwuBakaru-13

Icare ure tudugu nowy karo ji , ure bu mato tuboru keje , nowy bai kujiagi , icare ure nowy riwudu jeto taobiri ji , icare utyre apo

[78] tree

~~Kodure apo jii je , aregodyre apo ba to~~

s-78

OiegoJiwuBakaru-14

Kodure apo jii je , aregodyre apo ba to

[79] tree

~~Akore : itore kugure , tagogwage pemegado , ire karo bito , inure ikedy amado ji~~

s-79

OiegoJiwuBakaru-15

Akore : itore kugure , tagogwage pemegado , ire karo bito , inure ikedy amado ji

[80] tree

~~Ore kugure egore : He e ! He e ! He e ! Page karorogu , page karorogu !~~

s-80

OiegoJiwuBakaru-16

Ore kugure egore : He e ! He e ! He e ! Page karorogu , page karorogu !

[81] tree

~~Icare ure kagirido ty ... Ure iado , icare akore : Kodoro ! Pawo kogudo !~~

s-81

OiegoJiwuBakaru-17

Icare ure kagirido ty ... Ure iado , icare akore : Kodoro ! Pawo kogudo !

[82] tree

~~Icare ure kody jamedy kogudo . Icare ure iado , ure akedydo~~

s-82

OiegoJiwuBakaru-18

Icare ure kody jamedy kogudo . Icare ure iado , ure akedydo

[83] tree

~~Dykeje icare ure jorugo . Ure pobo tugu aria to , ure mugudo joru tada , icare ure nowy kody tugu to~~

s-83

OiegoJiwuBakaru-19

Dykeje icare ure jorugo . Ure pobo tugu aria to , ure mugudo joru tada , icare ure nowy kody tugu to

[84] tree

~~Icare beregodyre dykejere , akogodyre pugeje . Akore : hm , hm , hm , nowy tuwere inody ji~~

s-84

OiegoJiwuBakaru-20

Icare beregodyre dykejere , akogodyre pugeje . Akore : hm , hm , hm , nowy tuwere inody ji

[85] tree

~~Icare nowy imedy Meriri Baru akore : Uw ! Aroe ji rade itogeadyre , iorydyre !~~

s-85

OiegoJiwuBakaru-21

Icare nowy imedy Meriri Baru akore : Uw ! Aroe ji rade itogeadyre , iorydyre !

[86] tree

~~Dykeje icare karo makore pugeje , akore : Woie , Woie , Woie !~~

s-86

OiegoJiwuBakaru-22

Dykeje icare karo makore pugeje , akore : Woie , Woie , Woie !

[87] tree

~~Icare akogodyre pugeje , akore : hm , hm , hm , hm !~~

s-87

OiegoJiwuBakaru-23

Icare akogodyre pugeje , akore : hm , hm , hm , hm !

[88] tree

~~Icare akore : Woie ... igo ! Woie ... igo ! Woie ... igo ! Woere ikodure , woere itugudyre~~

s-88

OiegoJiwuBakaru-24

Icare akore : Woie ... igo ! Woie ... igo ! Woie ... igo ! Woere ikodure , woere itugudyre

[89] tree

~~Icare kodyre . Icare ure tawyje . Icare ore kugure ere kowyje~~

s-89

OiegoJiwuBakaru-25

Icare kodyre . Icare ure tawyje . Icare ore kugure ere kowyje

[90] tree

~~Dykeje icare ere batagaje towyje , batagaje oia kujagurewy , oia ekurewy . Dykejere icare ere to , ere pemegado , ere towyje~~

s-90

OiegoJiwuBakaru-26

Dykeje icare ere batagaje towyje , batagaje oia kujagurewy , oia ekurewy . Dykejere icare ere to , ere pemegado , ere towyje

[91] tree

~~Dykeje icare ere tubemegado , ere tugujagudo , ere tuiejiwudo , ere taipodo , ere tuiba gogudo , tuwo roia ta tabo~~

s-91

OiegoJiwuBakaru-27

Dykeje icare ere tubemegado , ere tugujagudo , ere tuiejiwudo , ere taipodo , ere tuiba gogudo , tuwo roia ta tabo

[92] tree

~~Icare Tadugore tugeragu butore ji , ure tugera kogudo Ki Bakororo iera ra parugajeje~~

s-92

OiegoJiwuBakaru-28

Icare Tadugore tugeragu butore ji , ure tugera kogudo Ki Bakororo iera ra parugajeje

[93] tree

~~Icare ere tugeragu pana ji , pariko ji , bapo kurirewy ji , baporogu ji , dytabore icare eture tabo , ere turemo Ki Bakororo uwai to~~

s-93

OiegoJiwuBakaru-29

Icare ere tugeragu pana ji , pariko ji , bapo kurirewy ji , baporogu ji , dytabore icare eture tabo , ere turemo Ki Bakororo uwai to

[94] tree

~~Icare ere cewy Iro ko . Egore : Iroooo ...~~

s-94

OiegoJiwuBakaru-30

Icare ere cewy Iro ko . Egore : Iroooo ...

[95] tree

~~Akedy kejere icare Tadugore tugera bu Ki Bakororo ao keje , akore : Oieigo jetuiaga , Bokodoriware iga oieigo wararere , tagaruio Bokuojeba Bakororo tuiagajejewy onawuio okwabijire . Oieigo jetuiaga~~

s-95

OiegoJiwuBakaru-31

Akedy kejere icare Tadugore tugera bu Ki Bakororo ao keje , akore : Oieigo jetuiaga , Bokodoriware iga oieigo wararere , tagaruio Bokuojeba Bakororo tuiagajejewy onawuio okwabijire . Oieigo jetuiaga

[96] tree

~~Dykeje icare ere roia ta ji~~

s-96

OiegoJiwuBakaru-32

Dykeje icare ere roia ta ji

[97] tree

Dykeje icare emagore nowy cimo nonogo ji , emagore nowy cimo kidoguru ji , emagore nowy cimo kiogoagiri ji , emagore nowy cimo kuje bo ji , emagore nowy cimo nabure bu ji , emagore nowy cimo nabure oiaga ji , kuido oiaga ji , emagore nowy cimo nabure aro ji , kuido aro ji , emagore nowy tuie kejewy ciwaboe etoiaga ji , emagore tuguie bokodori ji , emagore tuguie akigu ji , emagore tuguie meriri ji , emagore uworo aroeceba ji , emagore tuworo kuruguga ji , emagore tui aroedu puje dyji , emagore tuwiadawu cugui biri ji , emagore tadugo Bakororo atugo ji , emagore turijo oinono pureore dyji , emagore tuwaiga ao keje dyji , emagore Aije ji .

s-97

OiegoJiwuBakaru-33

[98] tree

~~Imi iorydyware , ice , imuga koiare ure iorydywado~~

s-98

Valmir-01

Imi iorydyware , ice , imuga koiare ure iorydywado

[99] tree

~~Makore boe ewadary tabo , pawadary tabo kodire imagore pawadary ji~~

s-99

Valmir-02

Makore boe ewadary tabo , pawadary tabo kodire imagore pawadary ji

[100] tree

~~Kodire irijodyre imagore pawadary tabo dyji~~

s-100

Valmir-03

Kodire irijodyre imagore pawadary tabo dyji

Text view • Dependency trees • Edit as list